ព័ត៌មានជាតិ
សម្ពន្ធភាពអ្នកប្រជាធិបតេយ្យខ្មែរ បានប្រកាសជាផ្លូវការ
នៅព្រឹកថ្ងៃទី២៥ ខែវិច្ឆិកា ឆ្នាំ២០២០ នេះ សម្ពន្ធភាពអ្នកប្រជាធិបតេយ្យខ្មែរ ដែលរួមគ្នាបង្កើតដោយគណបក្សចំនួន៣ បានប្រកាសជាផ្លូវការហើយ នៅក្នុងសន្និសីទសារព័ត៌មានមួយ នាសណ្ឋាគារហ៊ីម៉ាវ៉ារី ភ្នំពេញ ដោយមានការចូលរួមពីអ្នក សារព័ត៌មាន សមាជិក សមាជិកា និងតំណាងគណបក្សផ្សេងៗ ប្រមាណ ១០០នាក់ ក្រោមអធិបតីភាពលោក ម៉ម សូណង់ដូ ប្រធានគណបក្សសម្បុកឃ្មុំសង្គមប្រជាធិបតេយ្យ លោក ញឹក ប៊ុនឆៃ ប្រធានគណបក្សខ្មែររួបរួមជាតិ និងលោក កែម រិទ្ធសិត ប្រធានគណបក្សខ្មែរតែមួយ។
លោក ញឹក ប៊ុនឆៃ បានលើកឡើងថា សម្ពន្ធភាពអ្នកប្រជាធិបតេយ្យនេះ គ្រាន់តែជាការចាប់ផ្តើមប៉ុណ្ណោះ ហើយក៏បើកឲ្យគណបក្សផ្សេងៗទៀត ចូលរួមដែរ ខណៈគោលបំណង នៃការបង្កើតសម្ពន្ធភាពអ្នកប្រជាធិបតេយ្យ គឺដើម្បីបំបាត់នូវការលាបពណ៌ដាក់គ្នា ជាហេតុនាំឲ្យមានការបែកបាក់ និងដើម្បីបំបាត់វប្បធម៌មានឯងអត់អញ់ មានអញ់អត់ឯងផងដែរ។
ចំណែកលោក ម៉ម សូណង់ដូ បានថ្លែងថា គោលបំណង នៃការបង្កើតសម្ពន្ធភាពអ្នកប្រជាធិបតេយ្យខ្មែរនេះ គឺដើម្បីបណ្ដុះគំនិតជាតិនិយមគំរូថ្មីមួយ ដើម្បីយុវជនខ្មែរបន្តវេន ដោយគ្មានវប្បធម៌លាបពណ៌ និងគ្មានវប្បធម៌ក្តិចត្រួយ ហើយគណបក្សទាំងបី នឹងធ្វើកិច្ចសហប្រតិបត្តិការសម្រាប់ការបោះឆ្នោតក្រុមប្រឹក្សាឃុំ សង្កាត់ ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣។
សូមបញ្ជាក់ថា “សម្ពន្ធភាពអ្នកប្រជាធិបតេយ្យខ្មែរ (ស.ប.ខ) THE ALLIANCE OF KHMER DEMOCRATS ( A.K.D)” ត្រូវបានរួមគ្នាបង្កើតឡើងដោយគណបក្សចំនួន៣ គឺទី១, គណបក្សសំបុកឃ្មុំសង្គមប្រជាធិបតេយ្យ ដែលមានលោក ម៉ម សូណង់ដូ ជាប្រធាន ទី២, គណបក្សខ្មែររួបរួមជាតិ ដែលមានលោក ញឹក ប៊ុនឆៃ ជាប្រធាន និងទី៣, គណបក្សខ្មែរតែមួយ ដែលមានលោក កែម រិទ្ធិសិត ជាប្រធាន៕
អត្ថបទ ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ