ព័ត៌មានជាតិ
ក្រសួងអប់រំបើកកិច្ចប្រជុំត្រួតពិនិត្យវឌ្ឍនភាពនៃការរៀបចំការប្រឡងបាក់ឌុប
ភ្នំពេញ ៖ ក្រសួងអប់រំ យុវជន និងកីឡានៅថ្ងៃទី២៥ ខែវិច្ឆិកា ឆ្នាំ២០២០នេះ បានរៀបចំកិច្ចប្រជុំត្រួតពិនិត្យវឌ្ឍនភាពនៃការរៀបចំការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងឬបាក់ឌុប ២១ ធ្នូ ២០២០ក្រោមអធិបតីភាព លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងមានការចូលរួមពីមន្ត្រីថ្នាក់ដឹកនាំនានាដែលពាក់ព័ន្ធនឹងការរៀបចំដំណើរការប្រឡង។
កិច្ចប្រជុំនេះធ្វើឡើងក្នុងគោលបំណងដើម្បីធានាបានថា ការប្រឡងបាក់ឌុបនៅអាចប្រព្រឹត្តទៅដោយរលូន ជោគជ័យ គោរពតាមគោលការណ៍ច្បាប់យុត្តិធម៌ តម្លាភាពនិងលទ្ធផលទទួលយក បើទោះបីជាប្រទេសកំពុងប្រឈមមុខនឹងវិបត្តិជំងឺកូវីដ-១៩ ក្ដី។
ដើម្បីបង្ការការឆ្លងរីករាលដាលនៃជំងឺកូវីដ-១៩ ក្នុងចំណោមសិស្សានុសិស្ស និងបុគ្គលិកអប់រំ ក្នុងឱកាសនៃការប្រព្រឹត្តទៅដំណើរការប្រឡង ក្រសួងបានដាក់ឲ្យអនុវត្តយ៉ាងហ្មត់ចត់នូវស្តង់ដារអនាម័យ SOP របស់ក្រសួងសុខាភិបាល ដោយនឹងមានការដាក់វាស់កម្តៅមុនការប្រឡង ការប្រើប្រាស់ ម៉ាស់ ជែល អាល់កុលលាងដៃជាដើម។
ក្នុងនោះមណ្ឌលប្រឡងត្រូវបានរៀបចំដាច់ដោយឡែកពីគ្នា រវាងមណ្ឌលប្រឡងថ្នាក់វិទ្យាសាស្ត្រនិងមណ្ឌលប្រឡងថ្នាក់វិទ្យាសាស្ត្រសង្គម។ នៅក្នុងគ្រឹះស្ថានសិក្សាមួយអាចយកធ្វើជាពីរមណ្ឌលប្រឡងហើយរៀបចំបេក្ខជនក្នុងបន្ទប់ចំនួន២៥នាក់ និង ក្នុងមួយមណ្ឌលពី២០បន្ទប់ទៅ២៥បន្ទប់លើកលែងតែខេត្តដែលមានចំនួនបេក្ខជនច្រើននិងខេត្តដែលមានចំនួនតិចអាចប្រែប្រួលតាមស្ថានភាពជាក់ស្ដែង។
ត្រូវរៀបចំបន្ទប់បម្រុងចំនួន២បន្ទប់បន្ថែមទៀត ក្នុងមួយមណ្ឌលដោយមួយបន្ទប់សម្រាប់បេក្ខជនដែលមានកម្ដៅលើសពី៣៧,៥អង្សាសេ និង មួយបន្ទប់ទៀត សម្រាប់បំពាក់សម្ភារៈចាំបាច់សម្រាប់សង្គ្រោះបឋម។
គួរបញ្ជាក់ថា ប្រឡងបាក់ឌុបឆ្នាំនេះ មានបេក្ខជនដាក់ពាក្យប្រឡងចំនួន១២១២០១នាក់កើនឡើង៤១៥៨នាក់មានបេក្ខនារីចំនួន៦៣៩៣៧នាក់ និងបុរសមានចំនួន៥៧២៦៤នាក់ ចែកជា២៣៧មណ្ឌលកើនឡើង៣៥មណ្ឌលនិងមានបន្ទប់ប្រឡងចំនួន៤៨៩១បន្ទប់កើនឡើង១៦៧បន្ទប់៕
ដោយ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង