ព័ត៌មានជាតិ
កម្ពុជាគ្រោង បង្កើតវិទ្យាស្ថានជាតិបណ្តុះបណ្តាលផ្នែកសុខភាព និងសុវត្ថិភាពការងារ
វិទ្យាស្ថានជាតិបណ្តុះបណ្តាលផ្នែកសុខភាព និងសុវត្ថិភាពការងារ គ្រោងនឹងបង្កើតនាពេលឆាប់ៗ នេះដើម្បីបណ្តុះបណ្តាល ដល់ភាគីពាក់ព័ន្ធឲ្យយល់ដឹងពីប្រព័ន្ធសុវត្ថិភាព និងសុខភាពនៅកន្លែងធ្វើការ។
ថ្លែងនៅក្នុងជំនួបជាមួយលោក Park Heung Kyeong ឯកអគ្គរដ្ឋទូតសាធារណរដ្ឋកូរ៉េ ប្រចាំកម្ពុជា នៅទីស្ដីការក្រសួង លោក បណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈបានមានប្រសាសន៍ថា វិទ្យាស្ថាននេះ ជាជំនួយរបស់រដ្ឋាភិបាលសាធារណៈរដ្ឋកូរ៉េ ដែលតាមគម្រោងអាចនឹងសាងសង់នៅក្នុងឆ្នាំ២០២១ ឬ២០២២ ដែលមានទីតាំងស្ថិតនៅក្នុងក្រសួងការងារ និងបណ្ដុះបណ្ដាលវិជ្ជាជីវៈផ្ទាល់តែម្តង។
យ៉ាងណាក៏ដោយលោក រដ្ឋមន្ត្រី បានបន្តថា ក្រសួងបានស្នើទៅភាគីកូរ៉េ ជួយសាងសង់ឲ្យបានកាន់តែឆាប់កាន់តែល្អដើម្បីឲ្យបានឆាប់រួចរាល់ និងដាក់ឲ្យប្រើប្រាស់ជាផ្លូវការព្រមទាំងឆាប់បានបណ្តុះបណ្តាលដល់ភាគីពាក់ព័ន្ធឲ្យមានការយល់ដឹងពីសុវត្តិភាព និងសុខភាពនៅកន្លែងធ្វើការងារពិសេសនៅការដ្ឋានសំណង់។
លោក រដ្ឋមន្ត្រី បានបញ្ជាក់ថា ក្រៅពីនេះ ភាគីកូរ៉េ ក៏កំពុងជួយក្រសួងការងារ ក្នុងការរៀបចំសេចក្ដីព្រាងច្បាប់ស្តីពីសុវត្ថិភាព និងសុខភាពការងារ ដោយសារកម្ពុជានៅមិនទាន់មានច្បាប់នេះនៅឡើយហើយសង្ឃឹមថា នាពេលអនាគតកម្ពុជា នឹងបង្កើតឲ្យមានក្របខណ្ឌច្បាប់នេះ ដើម្បីធានាបានប្រសើរថែមទាំង លើការការពារសុវត្ថិភាព និងសុខភាពការងារនៅកន្លែងធ្វើការ។
លើសពីនេះទៀតភាគីកូរ៉េ ក៏បានបានជួយដល់ ទីភ្នាក់ងារជាតិមុខរបរ និងការងារ(NEA) ជួយបណ្តុះបណ្ដាលមន្ត្រីដល់កម្ពុជា និងបានបង្កើតនូវវិទ្យាស្ថានបណ្តុះបណ្តាលពហុបច្ចេកទេសកម្ពុជា ដែលជាវិទ្យាស្ថានមួយ មានបច្ចេកទេសស្តង់ដាខ្ពស់ព្រមទាំងមានការគាំទ្រពីសាធារណជន សិស្ស និស្សិតខ្លាំងផងដែរ។
ចំពោះបេឡាជាតិសន្តិសុខសង្គម ក៏ភាគីកូរ៉េជួយទៅលើបច្ចេកទេសជាច្រើន ដល់កម្ពុជា ដោយអនុវត្តបានជោគជ័យទៅលើរបបគ្រោះថ្នាក់ការងារ ដើម្បីការពារកម្មករនិយោជិតករណីជួបគ្រោះថ្នាក់អីមួយ ក្នុងពេលបំពេញការងារខ្លួន រួមទាំងរបបថែទាំសុខភាពជាដើម៕
អត្ថបទ ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ