Connect with us

ព័ត៌មានជាតិ

ដឹងមូលហេតុ ដែល​បណ្ដាលឲ្យពុល​ទឹកអណ្ដូងនៅ​កំពង់ឆ្នាំង ធ្វើឲ្យ​មនុស្សស្លាប់២នាក់ ចូលសង្គ្រោះបន្ទាន់១៣នាក់

បានផុស

នៅ

កំពង់ឆ្នាំង ៖ ដឹងមូលហេតុពិត ដែលបណ្ដាលឲ្យ​ពុល​ទឹក​អណ្ដូងនៅកំពង់ឆ្នាំង ធ្វើឲ្យស្លាប់មនុស្ស២នាក់ និង ចូលសង្គ្រោះបន្ទាន់១៣នាក់ហើយ គឺដោយសារទឹកអណ្ដូង មានសារធាតុគីមី ដែលកសិករ​ដាំ​ឪឡឹក​ក្បែរ​នោះ បាន​យក​ធុង​ថ្នាំ​លាយ និង​លាង​ធុង​ថ្នាំ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​របាយការណ៍​របស់ លោកជំទាវវេជ្ជបណ្ឌិត ឱ វណ្ណឌីន ស្តីពី​ករណី​សង្ស័យ​ពុល​ទឹក​ដែល​មាន​សារធាតុ​គីមី​ពុល​នៅ​ភូមិ​ជី​ប្រ៉​ង ឃុំ​ជៀប ស្រុក​ទឹកផុស ខេត្តកំពង់ឆ្នាំង បាន​ឲ្យ​ដឹងថា ជន​រងគ្រោះ​ដែល​ពុល​ថ្នាំ​គីមីបាញ់​នៅ​ចំការ​ឪឡឹក​ មាន​ចំនួន​សរុប​១៣​នាក់ ក្នុងនោះ​ស្រី​៨​នាក់ ប្រុស​៥​នាក់ ដែល​មាន​អាយុ​ពី ៤​ឆ្នាំ ដល់ ៥៣​ឆ្នាំ ហើយ មាន​អ្នក​ស្លាប់​ចំនួន២​នាក់ ស្រី​ទាំងពីរ​នាក់ និង អ្នក​សម្រាក​នៅ​សង្គ្រោះបន្ទាន់​មន្ទីរពេទ្យ​ខេត្តកំពង់ឆ្នាំង​ចំនួន ១០​នាក់ និង​មាន​បុរសម្នាក់ មាន​សភាព​ធ្ងន់ធ្ងរ​។

លោកជំទាវ ឱ វណ្ណឌីន បានសរសេរនៅ​ក្នុងបណ្ដាលសង្គមតេឡេក្រាមទៀតថា តាម​ការសាកសួរ អ្នកភូមិ​ជី​ប្រ៉​ង ទាំងចាស់ និង​ក្មេង​បាន​ទៅ​ច្រូតស្រូវ​នៅ​ព្រៃ​អូរ​គគីរ ឃុំ​ជៀប ចាប់ពី​ថ្ងៃទី​២៣ ខែវិច្ឆិកា ឆ្នាំ​២០២០ រហូតដល់​ថ្ងៃ​២៥ ខែវិច្ឆិកា ឆ្នាំ​២០២០​។ ពេលព្រឹក​ថ្ងៃទី​២៤ ប្រហែល​ម៉ោង​១១​ថ្ងៃត្រង់ ខណៈពេល​ពួក​គាត់​អស់​ទឹក​ញាំ ក៏បាន​ទៅ​ដងទឹក​អណ្តូង​ដែល​គេ​ជីក​នៅ​តាម​វាលស្រែ​យក​ទឹក​សម្រាប់​ប្រើប្រាស់ និង​យក​មក​ចែក​គ្នា​បរិភោគ​ពេលបាយ​ថ្ងៃត្រង់ (​សូម​បញ្ជាក់​ថា​ ពេលព្រឹក​នោះ មាន​គេ​ឃើញ​កសិករ​ដាំ​ឪឡឹក​ក្បែរ​នោះ បាន​យក​ធុង​ថ្នាំ​លាយ និង​លាង​ធុង​ថ្នាំ​នៅ​ទីនោះ។

ក្រោយពី​ពិសារ​ទឹក​នោះ​បន្តិច​មក មាន​ស្ត្រី​ម្នាក់​ចេញ​សញ្ញា​ក្អួតចង្អោរ តែ​មិនមាន​អ្នក​ចាប់អារម្មណ៍​ថា​ពុល​ថ្នាំ ស្មានថា​ខ្យល់ចាប់ និង​ជា​បន្តបន្ទាប់​មាន​អ្នក​អស់កម្លាំង ឈឺក្បាល ទន់​ដៃជើង ពិបាក​ដកដង្ហើម និង​មាន​រហូតដល់​ស្លាប់​២​នាក់ ហើយ​អ្នក​ធ្ងន់​ម្នាក់​បញ្ជូន​ទៅ​សម្រាក​ព្យាបាល​នៅ​មន្ទីរពេទ្យ​ខេត្តកំពង់ឆ្នាំង និង​តាមដាន​ជា​បន្ត ១០​នាក់​ផ្សេងទៀត​នៅ​ថ្ងៃ​នោះ​ភ្លាមៗ​។

ប​ច្ចុ​ប្បន្ន ស្ថានភាព​អ្នក​ពុល​ទាំង​១០​នាក់ មាន​សភា​ព​បាន​ធូរស្រាល​បាន​ចេញ​ត្រឡប់​ទៅផ្ទះ​សម្បែង​រៀងៗ​ខ្លួន​នៅ​ថ្ងៃទី​២៧ នេះ​ តែ​ស្ត្រី​ម្នាក់​អាយុ​៥៣​ឆ្នាំ​ក៏បាន​ធូរ​ស្បើយ​ពី​ការ​ពុល​នេះ​ហើយ តែ​ត្រូវ​នៅ​បន្ត​ព្យាបាល​ដោយសារ​គាត់​មាន​ជំងឺ​សួត ដែល​ក្រុម​គ្រូពេទ្យ​បាន​ពិនិត្យ​ឃើញ៕
កែសម្រួល​ដោយ ៖ នាគព័ន្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១២ នាទី មុន

ជម្រុះ World Cup យប់មិញ ក្រុមអាស៊ានសុទ្ធតែចាញ់ច្រើនគ្រាប់ដូចគ្នា

ព័ត៌មានអន្ដរជាតិ៥៩ នាទី មុន

អ្នកវិទ្យាសាស្ត្រឲ្យត្រៀមខ្លួន! ជំងឺឆ្លងសាហាវៗនឹងផ្ទុះឡើង ដោយសារអាកាសធាតុក្តៅខ្លាំង

ព័ត៌មានអន្ដរជាតិ៧ ម៉ោង មុន

អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត

ព័ត៌មានជាតិ៨ ម៉ោង មុន

ក្នុង​ត្រីមាស​ទី១​ឆ្នាំនេះ ខេត្ត​កែប នាំចេញ​ផ្លែស្វាយ​កែវ​រមៀត​ជាង ៧​ពាន់​តោន កើនឡើង ៨២%

ព័ត៌មានជាតិ៩ ម៉ោង មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

Sokha Hotels

ព័ត៌មានពេញនិយម