ព័ត៌មានជាតិ
តម្រួតថៃ ឃាត់ខ្លួនពលរដ្ឋខ្មែរចំនួន ៦ នាក់ តែងកាយជាព្រះសង្ឃដើរបិណ្ឌបាត
ជនជាតិខ្មែរចំនួន ៦ នាក់ ដែលមានគ្រងស្បង់ជីពរ ជាព្រះសង្ឃ ត្រូវបានកម្លាំងតម្រួតថៃ តាមស្រាវជ្រាវពញមួយព្រឹក រហូតឈានដល់ការឃាត់ខ្លួន ខណៈដែលសង្ឃទាំងអស់នេះ កំពុងនិមន្តបិណ្ឌបាតនៅតាមតំបន់នានា ក្នុងក្រុងបាងកក ។
យោងតាមការផ្សាយរបស់សារព័ត៌មានថៃមួយបានបញ្ជាក់ថា ការឃាត់ខ្លួនសង្ឃទាំង ៦ អង្គនេះ គឺបានធ្វើឡើងកាលពីវេលាម៉ោង ១០ ព្រឹក ថ្ងៃទី ២៧ ខែ វិច្ឆិកា ឆ្នាំ២០២០ ត្រង់ចំណុចព្រៃមួយកន្លែងក្បែរផ្លូវ បាងណាត្រាត ជិតផ្លូវចូលទៅព្រលានយន្តហោះ សុវណ្ណភូមិ កណ្តាលទីក្រុងបាងកក ប្រទេសថៃ។
ព័ត៌មានបានបន្តថា នៅមុនពេលឃាត់ខ្លួនគឺតម្រួតថៃបានតាមប្រមាញ់តាំងពីព្រឹក រហូតដល់ម៉ោង ១០ ទើបប្រទះឃើញព្រះសង្ឃទាំង ៦ អង្គ និមន្តចូលទៅតាមផ្លូវព្រលានយន្តហោះ ទើបសមត្ថកិច្ចថៃបានដេញរហូតដល់កន្លែងស្នាក់នៅរបស់ព្រះសង្ឃទាំងនោះតែម្តង គឺស្ថិតក្នុងព្រៃមួយកន្លែង ដោយនៅទីនោះមានសម្ភារៈមួយចំនួនដូចជា អង្រឹងនិង ខ្ទមសម្រាប់ស្នាក់នៅ មានសម្ភារៈចានឆ្នាំង និងស្បៀងអាហារមួយចំនួន ដូចជាត្រីខ កំប៉ុងជាដើម ។
ស្ថិតក្នុងស្បង់ជីពរដែលកំពុងគ្របដណ្តប់លើរាងកាយ តម្រួតថៃបានបញ្ជាអោយព្រះសង្ឃទាំងនោះសូត្រធ៌មទៅតាមទំនៀម ទំលាប់សាសនា ប៉ុន្តែមានតែមួយចំនួនតូចតែប៉ុណ្ណោះដែលចេះសូត្រ ដោយឡែកមួយចំនួនទៀតមិនមានចេះធ៌មអារ្យអ្វីនោះទេ ដោយគ្រាន់តែដើរៗតាមគេដើម្បីបិណ្ឌបាតយកបច្ច័យតែប៉ុណ្ណោះ ដែលជាសទ្ធាជ្រះថ្លារបស់ពលរដ្ឋ ។
បច្ចុប្បន្នព្រះសង្ឃក្លែងក្លាយទាំង ៦ អង្គ ត្រូវបានកម្លាំងតម្រួតបញ្ជូនទៅអោយខាងធម្មការផ្សឹក និងបញ្ជូនខ្លួនទៅតាមផ្លូវច្បាប់ ដោយសារបានលបឆ្លងដែនចូលទៅក្នុងទឹកដីថៃ ដោយគ្មានច្បាប់អនុញ្ញាត និងម៉្យាងទៀតបានតែងកាយបន្លំខ្លួនជាព្រះសង្ឃ ៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ