សម្ដេច​តេជោហៅ​​ការ​ឆ្លង​កូវីដ ១៩ លោក​ឆែម សាវុធ ជា​ព្រឹត្តិការណ៍​សហគមន៍ ២៨ វិច្ឆិកា

សម្តេច​តេជោ ហ៊ុន សែន បាន​ហៅ​ការឆ្លង​កូវីដ​១៩ លោក ឆែម សាវុធ អគ្គនាយកដ្ឋាន​ពន្ធនាគារ ជា​ព្រឹត្តិការណ៍​សហគមន៍ ២៨ វិច្ឆិកា។

ជា​លើក​ដំបូង​ ជំងឺ​កូវីដ​បាន​ឆ្លង​ចូល​សហគមន៍ មិន​ទាន់​ដឹង​ប្រភព​ច្បាស់លាស់​ និង​​បង្កប់​ខ្លួន​ដល់​ណា​ទៀត។ នេះជា​ការ​លើកឡើង​របស់​សម្តេច​តេជោ។

សម្តេច​តេជោ​បាន​ឲ្យ​ដឹង​ថា សំណាក ៣៣៣១ ត្រូវ​បាន​ធ្វើ​តេស្ត និង​រកឃើញ ១៤ ករណី​មាន​វិជ្ជមាន​កូវីឌ ១៩ ​ក្នុង​រយៈ​ពេល​ពីរ​ថ្ងៃ។ សម្តេចមាន​ការ​បារម្ភ ទាមទារ​​ឲ្យ​មាន​ការ​ឆ្លើយ​តប​​ឲ្យ​បា​ន​លឿន​ និង​ទ្រង់ទ្រាយ​ធំ ហើយ​ត្រូវ​ការ​ស្រាវជ្រាវ​​អ្នក​​ពាក់ព័ន្ធ​នានា។ សម្តេច​ថា ពេល​នេះ​មិន​មែនជា​ពេល​​​ត្រូវ​ស្តី​បន្ទោស​​និង​ទម្លាក់​កំហុស​គ្នា​ ជា​ពេល​វេលា​ត្រូវ​សាមគ្គី​គ្នា ដើម្បី​ប្រយុទ្ធ​ទប់​ស្កាត់​ការ​រីក​រាលដាល​ជំងឺ​នេះ៕