ព័ត៌មានជាតិ
មន្ត្រីពាក់ព័ន្ធ ក្នុងខេត្តបាត់ដំបងប្ដេជ្ញាចូលរួមបញ្ចប់ជំងឺអេដស៍ ក្នុងឆ្នាំ២០២៥
នៅក្នុងឱកាសប្រារព្ធទិវាសកលលោកប្រយុទ្ធនឹងជំងឺអេដស៍ ថ្ងៃទី១ធ្នូ ឆ្នាំ២០២០ នាខេត្តបាត់ដំបង ក្រោមប្រធានបទ(សាមគ្គីភាពជាសកលនិងការទទួលខុសត្រូវរួមគ្នា)លោកវេជ្ជបណ្ឌឹត ឈឹម សារ៉ាត់ ប្រធានអង្គការសង្គមស៊ីវិលAFHដែលធ្វើការងារលើវិស័យសុខាភិបាល បានលើកឡើងថា បើទោះបីជាកម្ពុជាកំពុងតែជួបនូវវិបត្តិជំងឺកូវីដ-១៩ ដូចបណ្ដាប្រទេសក្នុងសកលលោកក៏ពិតមែន តែការងារផ្ដល់សេវាសុខាភិបាលក្នុងការព្យាបាលជំងឺផ្សេងៗជូនប្រជាពលរដ្ឋនៅតែបន្តប្រព្រឹត្តិទៅដោយរលូន ក្នុងនោះក៏មានការផ្ដល់នូវសេវាថែទាំ និងព្យាបាល ទៅលើអ្នកជំងឺអេដស៍យ៉ាងម៉ត់ចត់ផងដែរ។
លោកវេជ្ជបណ្ឌិតរូបនេះ ក៏បានសង្កត់ធ្ងន់ទៀតថា ដោយសារតែបញ្ហាជំងឺកូវីដ-១៩ យើងមានការព្រួយបារម្ភពីផែនការប្រយុទ្ធប្រឆាំងនឹងជំងឺអេដស៍ ខណៈជំងឺអេដស៍នៅតែជាបញ្ហាកង្វល់និងប្រឈមចម្បងរបស់ពិភពលោកផងដែរ។
នៅក្នុងឱកាសនោះដែរ លោកស្រី ស៊ុ ចិន្តា អភិបាលរងខេត្តបាត់ដំបង បានអានសារលិខិតរបស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ។ដោយក្នុងសាលិខិតរបស់សម្តេចតេជោ បានថ្លែងថា រាជរដ្ឋាភិបាលកម្ពុជា កំពុងខិតខំបង្កើននូវប្រភពថវិកាជាតិ ក្នុងការទិញឱសថដើម្បីយកមកព្យាបាលអ្នកជំងឺអេដស៍និងថែទាំ ដោយយកចិត្តទុកដាក់ ក្នុងខណៈដែលជំនួយរបស់អន្តរជាតិ ក្នុងការងារកាត់បន្ថយនូវជំងឺអេដស៍កាន់តែថយចុះ។
ជាមួយគ្នានេះ រាជរដ្ឋាភិបាល កំពុងតែពង្រឹងបន្តទៅទៀតជាមួយនឹងការពង្រីកនូវថវិកាសេវាសង្គមនៅថ្នាក់ក្រោមជាតិ ដើម្បីឆ្លើយតបក្នុងការជួយដល់អ្នកដែលកំពុងផ្ទុក និងកើតជំងឺអេដស៍ដើម្បីឲ្យមន្ត្រីមូលដ្ឋាននៅក្នុងឃុំសង្កាត់ អាចប្រើប្រាស់ក្នុងការទប់ស្កាត់ការរីករាលដាល នៃជំងឺអេដស៍បានទៅតាមលទ្ធភាពនូវអត្រាកំណើន នៃទំហំសេដ្ឋកិច្ចជាតិ ប្រចាំឆ្នាំរបស់ខ្លួននិងឆ្លើយតបក្នុងការជួយដល់ជនដែលងាយរងគ្រោះ។
លោកឱសថបណ្ឌិត វឿង ប៊ុនរ៉េត ប្រធានមន្ទីរសុខាភិបាល ខេត្តបាត់ដំបង បានសម្តែងនូវការប្ដេជ្ញាចិត្តក្នុងការចូលរួមជាមួយរាជរដ្ឋាភិបាល និងបណ្តាដៃគូនានា ព្រមទាំងជាមួយអាជ្ញាធរ ក៏ដូចជារដ្ឋបាលគ្រប់ថ្នាក់ក្នុងការប្រយុទ្ធប្រឆាំងជាមួយនឹងជំងឺអេដស៍ នៅក្នុងកាលៈទេសៈនៃវិបត្តិកូវីដ-១៩ ដើម្បីឈានឆ្ពោះទៅបញ្ចប់ជំងឺអេដស៍ ក្នុងឆ្នាំ២០២៥ខាងមុខ៕
អត្ថបទ ៖ សៅ សារិទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ