តេស្ត​ពលរដ្ឋ​ ៤ ស្រុក​នៅ​ខេត្តកំពង់ចាម ពាក់ព័ន្ធ​​មនុស្ស ០៨ នាក់​នៅ​ស្រុកព្រៃឈរ

ឯកឧត្តម អ៊ុន ចាន់ដា អភិបាល​ខេត្តកំពង់ចាម បាន​ឲ្យ​ដឹងថា បើ​យោងតាមលទ្ធផលពីវិទ្យាស្ថានជាតិប៉ាស្ទ័​រ ការពិនិត្យលេីសំណាកប្រជាពលរដ្ឋនៅស្រុកចំការលេី​ ព្រៃឈរ ក្រុងកំពង់ចាម​ និងស្រុកជេីងព្រៃដែលពាក់ព័ន្ធដោយប្រយោល​ ប្រជាពលរដ្ឋនៅស្រុកព្រៃឈរចំនួន៨នាក់ ទទួលលទ្ធផលអវិជ្ជមានទាំងអស់។ ​

ទោះបី​យ៉ា​ងណា លោកអភិបាល​ខេត្ត​ក៏​នៅអំពាវនាវប្រជាពលរដ្ឋ​ បន្តប្រុងប្រយ័ត្ន​ និងការពារខ្លួនគ្រប់ពេលវេលាកុំអោយឆ្លងជំងឺកូវីដ១៩​ ចូលក្នុងសហគមន៍។

​គ្រួសារ​អ្នក​បើកបរ​រថយន្ត​របស់​​ឯកឧត្តម​ឆែម​ សាវុធ​ចំនួន ០៦ នាក់ ​បាន​ធ្វើ​ដំណើរ​មក​សួរ​សុខទុក្ខ​បង​ប្អូន​នៅ​ស្រុក​ព្រៃឈរ កាល​ពី​​ថ្ងៃ ២៤-២៥ វិច្ឆិកា មុន​ប្រកាស​រកឃើញ​កូវីដ​លើ​អ្នក​ទាំង ៦ ។

អាជ្ញាធរ​ខេត្ត​កំពង់ចាម​បាន​ចាត់​វិធានការ​បន្ទាន់ ដោយ​ស្រាវជ្រាវ​រក​អ្នក​ប៉ះពាល់​ចំនួន ០៨ នាក់ ដែល​មាន​ការ​ប្រឈមកម្រិត​ខ្ពស់​មកធ្វើ​ចត្តាឡីស័កនៅ​សណ្ឋាគារ​មួ​យ​នៅក្រុង​កំពង់ចាម ហើយ​អ្នក​ប៉ះពាល់​ប្រយោលផ្សេង​ទៀត ក៏​ត្រូវ​បាន​ធ្វើ​តេស្ត​បន្តបន្ទាប់ ហើយ​លទ្ធផល​អវិជ្ជមាន​ទាំងអស់​៕