ព័ត៌មានជាតិ
លោក សុខ ឥសាន ៖ ការសម្រេចលុបចោលថ្ងៃឈប់សម្រាកខ្លះ គឺដើម្បីទាក់ទាញវិនិយោគបរទេស
លោក សុខ ឥសាន អ្នកនាំពាក្យគណបក្សប្រជាជនកម្ពុជា បានអះអាងថា ការសម្រេចលុបចោលថ្ងៃឈប់សម្រាកខ្លះ គឺដើម្បីប្រកួតប្រជែង និងទាក់ទាញវិនិយោគបរទេស ឲ្យមកវិនិយោគនៅកម្ពុជា ហើយនៅលើពិភពលោកនេះ មិនមានប្រទេសណាឈប់សម្រាកប្រចាំឆ្នាំ ស្មើ និងតិចជាងកម្ពុជាទេ។
ការលើកឡើងរបស់អ្នកនាំពាក្យរូបនេះ គឺជាការឆ្លើយតបចំពោះការលើកឡើង ក៏ដូចជាការស្នើសុំរបស់ក្រុមអង្គការសង្គមស៊ីវិល ក៏ដូចជាអ្នកវិភាគមួយចំនួន ដែលចង់ឲ្យដាក់ថ្ងៃទី២៣ ខែតុលា ជាថ្ងៃឈប់សម្រាកប្រចាំឆ្នាំឡើងវិញ។
លោក សុខ ឥសាន ថា ២៩ឆ្នាំកន្លងផុតទៅ កិច្ចព្រមព្រៀងទីក្រុងប៉ារីស បាននាំមកនូវសន្តិភាពជូនកម្ពុជា។ តែពីពេលនេះតទៅ កម្ពុជា មានសន្តិភាពហើយ អត់មានកិច្ចព្រមព្រៀងទីក្រុងប៉ារីសទៀតទេ។
លោកថា ដោយសាររាជរដ្ឋាភិបាលកម្ពុជា អនុវត្តបានត្រឹមត្រូវតាមកិច្ចព្រមព្រៀងទីក្រុងប៉ារីស ទើបរក្សា ការពារបានសន្តិភាព ស្ថិរភាពនយោបាយ ហើយសង្គមកម្ពុជា មានសណ្ដាប់ធ្នាប់ល្អ។
បើតាម លោក សុខ ឥសាន ការអនុវត្តកិច្ចព្រមព្រៀងទីក្រុងប៉ារីស គឺអនុវត្តជាប្រចាំ មិនមែនអនុវត្តតែនៅថ្ងៃ២៣តុលា នោះទេ។ ចំពោះលុបចោលនូវថ្ងៃឈប់សម្រាកមួយចំនួននោះ លោក សុខ ឥសាន បានពន្យល់ថា ការសម្រេចលុបចោលថ្ងៃឈប់សម្រាកខ្លះនេះ ដោយសាររាជរដ្ឋាភិបាលបានកំណត់យកថ្ងៃឈប់សម្រាកប្រចាំឆ្នាំត្រឹម២១ថ្ងៃ ដើម្បីប្រកួតប្រជែង ទាក់ទាញវិនិយោគបរទេសឲ្យមកវិនិយោគនៅកម្ពុជា ហើយនៅលើពិភពលោកនេះ មិនមានប្រទេសណាឈប់សម្រាកប្រចាំឆ្នាំស្មើ និងតិចជាងកម្ពុជាទេ៕
អត្ថបទ ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore