ព័ត៌មានជាតិ
ការប្រមូលផលនេសាទឆ្នាំ ២០២០នេះ កាន់តែធ្លាក់ចុះក្នុងខេត្តកំពង់ចាម
កំពង់ចាម ៖ ការប្រមូលផលនេសាទក្នុងខេត្តកំពង់ចាមក្នុងឆ្នាំនេះ សរុបមានចំនួន ២០.៥៦២តោន បើធៀបនឹងរយៈពេលដូចគ្នាកាលពីឆ្នាំ ២០១៩ ខណៈផលនេសាទ ប្រមូលបាន ២២.៣៥០តោន ធ្លាក់ចុះ ១.៧៨៨តោន ស្មើនឹង៨%។
លោក ហ៊ីង សុផាណ្ណារិទ្ធ នាយរងខណ្ឌរដ្ឋ បាលជលផលកំពង់ចាម បានវាយតម្លៃ ចំពោះទិន្នផលត្រីនៅឆ្នាំនេះ ផលត្រីធ្លាក់ចុះ៨% ក៏ ប៉ុន្តែបើនិយាយពីលក្ខខណ្ឌធម្មជាតិឃើញថា កម្រិតកម្ពស់ទឹកឡើងមានលក្ខណៈយឺត ដែលលក្ខណៈជីវសាស្ត្ររបស់ត្រី វាបំផ្លាស់ទីពីបឹងទន្លេសាបទៅតំបន់ទន្លេមេគង្គ ដើម្បីពងកូន (យឺត)។
ដូច្នេះនៅពេលចរន្តទឹកឡើងយឺត ធ្វើឲ្យការបំផ្លាស់ទីរបស់ត្រីជួបផលលំបាក ក្នុងនោះការប្រើប្រាស់ឧបករណ៍នេសាទខុសច្បាប់ជាបញ្ហាប្រឈមផងដែរ។ ដូច្នេះមន្ដ្រីជលផល និងអាជ្ញាធរមូលដ្ឋាន សមត្ថកិច្ចពាក់ព័ន្ធបានខិតខំចុះបង្ក្រាបបទល្មើសនេសាទកុំឲ្យកើតមាន។ លោកបន្តថា រដូវបើកនេសាទត្រូវបានកំណត់ទៅតាមរយៈពេលចន្លោះពី៥ខែ ទៅ ៨ខែ ដោយផ្អែកទៅលើទីតាំង ក្នុងនោះ ខេត្តកំង់ចាម ចាប់ពីថ្ងៃទី ១ ខែមថុនា ឆ្នាំ២០២០ ដល់ថ្ងៃទី៣១ ខែឧសភា ឆ្នាំ២០២១ បន្ទាប់ពីប្រកាសបិទរយៈពេល៤ខែ។ ខេត្តកំពង់ចាមមានដែននេសាទចំនួន០៨ លើកលែងតែក្រុងកំពង់ចាម និងស្រុក ចំការលើតែប៉ុណ្ណោះ។
លោក ហ៊ីង សុផាណ្ណារិទ្ធ បានបញ្ជាក់ថា ប្រជាពលរដ្ឋអាចធ្វើការនេសាទក្នុងដែននេសាទបាន ដោយឧបករណ៍នេសាទជាលក្ខណៈគ្រួសារ និងបានណែនាំឲ្យការធ្វើអាជីវកម្មក្រៅពីលក្ខណៈគ្រួសារត្រូវសុំច្បាប់អនុញ្ញាតជាមុនសិន។
លោកក៏បានអំពាវនាវឲ្យប្រជាពលរដ្ឋសហការ និងរាយការណ៍ជូនអាជ្ញាធរពាក់ព័ន្ធ ដើម្បីរួមគ្នាទប់ស្កាត់ឲ្យបានក្នុងរដូវបើកនេសាទនេះ ចំពោះការនេសាទដោយខុសច្បាប់ដែលធ្វើឲ្យទិន្នផលត្រីកាន់តែជួបនូវវិបត្តិ៕
អត្ថបទ រូបភាព ៖ លោក ហុង ម៉េងហៀ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង