លោកស្រី ​ពេ​ជ ចន្ទ​មុន្នី ៖ គ្រោះធម្មជាតិ គ្មាន​ប្រទេស​ណា​អាច​ទប់ស្កាត់​បានទេ ប៉ុន្តែ​អ្វី​ដែល​យើង​​ធ្វើ​បាន ​ការ​ជួយ​សង្គ្រោះ – Kampuchea Thmey Daily
Connect with us
ធនាគារ ហត្ថា

ព័ត៌មានជាតិ

លោកស្រី ​ពេ​ជ ចន្ទ​មុន្នី ៖ គ្រោះធម្មជាតិ គ្មាន​ប្រទេស​ណា​អាច​ទប់ស្កាត់​បានទេ ប៉ុន្តែ​អ្វី​ដែល​យើង​​ធ្វើ​បាន ​ការ​ជួយ​សង្គ្រោះ

Published

on

លោក​ស្រី ពេ​ជ ចន្ទ​មុន្នី ហ៊ុន​ម៉ា​ណែ​ត និង​ក្រុម​ការងារ​ សហការ​ជាមួយ​អាជ្ញាធរ ចុះ​សួរ​សុខ​ទុក្ខ និង​នាំ​អំណោយ​មនុស្សធម៌​ ចែក​ជូន​ប្រជាពលរដ្ឋ​រងគ្រោះ នៅ​ប៉ៃលិន និង​បាត់ដំបង ​ចំនួន ១ ៥៤៥​គ្រួសារ​។

ក្នុងនោះ មកពី​ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន ចំនួន​៧៧៦​គ្រួសារ និង​ពលរដ្ឋ​មក​ឃុំ​តា​ម៉ឺន និង​ឃុំ​អូ​តា​គី ខេត្ត​បាត់ដំបង​៧៦៩​គ្រួសារ​។

នៅក្នុង​ឱកាស​នោះ លោកស្រី​ ពេ​ជ ចន្ទ​មុន្នី អនុប្រធាន​ក្រុមប្រឹក្សាភិបាល នៃ​សមាគម​គ្រូ​ពេទ្យ​ស្ម័គ្រ​ចិត្ត យុវជន​ សម្ដេច​តេ​ជោ (TYDA) បាន​ពាំនាំ​នូវ​ប្រសាសន៍​របស់ សម្ដេច​តេ​ជោ និង​ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ផ្ដាំផ្ញើ​ សួរសុខទុក្ខ​ប្រជាពលរដ្ឋ​រងគ្រោះ។

បន្ថែម​ពី​នោះ ​សូម​ឲ្យ​ពលរដ្ឋ​ទាំង​អស់ បង្កើន​ការប្រុងប្រយ័ត្ន និង​រស់​នៅ​មាន​អនាម័យ​ស្អាត បរិភោគ​ទឹក​ឆ្អិន ឬ​អាហារ​ដែល​ចម្អិន​បាន​ល្អ។ ចៀសវាង​ជំងឺ​រាតត្បាត​នានា​ដែល​បង្កឡើង​ដោយ​ទឹក និង​ប្រុង​ប្រយ័ត្ន​ពី​សត្វ​អាសិរពិស​គ្រប់​ប្រភេទ​។ ត្រូវ​មាន​ការប្រុងប្រយ័ត្ន​ខ្ពស់​ចំពោះ​គ្រោះថ្នាក់​លង់ទឹក ជា​ពិសេស​កុមារ​តូចៗ​ដែល​ងាយ​ប្រឈម​នឹង​គ្រោះថ្នាក់​នេះ។ សូម​បន្ត​ទប់ស្កាត់​ជំងឺ​កូ​វីដ​-១៩ នៅ​ក្នុង​សហគមន៍ ដោយ​អនុវត្ត​តាម​វិធានការ​នានា​របស់​ក្រសួងសុខាភិបាល និង​ការពារ​ជំងឺគ្រុនឈាម ​គ្រុន​ឈី​ក​។

លោកស្រី ​បញ្ជាក់​យ៉ាង​នេះ​ថា “​គ្រោះ​ធម្មជាតិ គ្មាន​ប្រទេស​ណា ឬ​នរណា អាច​ទប់ស្កាត់​បាន​ឡើយ ។ ក៏ប៉ុន្តែ អ្វី​ដែល​យើង​អាច​ធ្វើ​បាន​នៅ​ពេល​នេះ គឺ​ការ​ជួយ​សង្គ្រោះ​ប្រជាពលរដ្ឋ មិន​ឲ្យ​លិចលង់ ដោយ​ប្រើប្រាស់​មធ្យោបាយ​សរុប កម្លាំងសរុប គ្រប់​ប្រភេទ​រួមមាន កងទ័ព កងរាជអាវុធហត្ថ ប៉ូលិស អាជ្ញាធរ​មូលដ្ឋាន គ្រប់​លំដាប់​ថ្នាក់ រួម​នឹង​កម្លាំង​យុវជន​ស្ម័គ្រចិត្ត ដែល​បាន​ចូលរួម​យ៉ាង​សកម្ម​។

លើស​ពី​នេះ ចែក​ជូន​ជា​អំណោយ​សម្ភារៈ​ប្រើប្រាស់ ស្បៀង​អាហារ ជូន​ជនរងគ្រោះ​ ដោយ​មិន​ឲ្យ​នរណា​ម្នាក់​ ស្លាប់​ដោយ​អត់​អាហារ​នោះ​ទេ រួម​ទាំង​ថ្នាំសង្កូវ​ព្យាបាល​ដល់​ពួកគាត់​ទៀត​ផង​”​។​

លោកស្រី ​ពេ​ជ ចន្ទ​មុន្នី បាន​បញ្ជាក់​ថា ប្រជាពលរដ្ឋ​​ទទួលបាន​នូវ​អំណោយ​មនុស្សធម៌​ទាំង​នេះ ម្នាក់​ៗ​ បាន​ថ្លែង​អំណរគុណ​យ៉ាង​ជ្រាលជ្រៅ​ចំពោះ​ម្ចាស់​អំណោយ ដែល​ជួយ​សម្រាល​ជីវភាព​​ពួក​គាត់ ខណៈ​កំពុង​តែ​មានការ​លិចលង់​ពី​គ្រោះ​ទឹកជំនន់​នេះ​។​

ចំណែក​ លោកស្រី បាន ស្រីមុំ តំណាងរាស្ត្រ​ខេត្ត​ប៉ៃលិន​ និង​ លោក ងួន រត​នះ អភិបាលខេត្ត​បាត់​ដំបង បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​ទឹកចិត្ត​សប្បុរសធម៌​រប​ស់ លោក​ស្រី ពេ​ជ ចន្ទ​មុន្នី អនុប្រធាន​ក្រុមប្រឹក្សាភិបាល​សមាគម TYDA ចំពោះ​ប្រជាពលរដ្ឋ​​រងគ្រោះ​ទឹកជំនន់​ទាំងអស់ ដែល​លោក​តែងតែ ​រួមសុខ រួម​ទុក្ខ ​ជាមួយ​ពួកគាត់​គ្រប់ពេលវេលា ក្នុង​គ្រា​មាន​គ្រោះអាសន្ន​។​

គួរ​បញ្ជាក់​ថា នៅ​ក្នុង​ឆ្នាំ​២០២០​នេះ ព្យុះ​ បាន​បក់​បោក​មកពី​បណ្ដា​ប្រទេស​ផ្សេងៗ នាំ​មក​នូវ​ភ្លៀង​ធ្លាក់​ជាប់ៗ​គ្នា​ជា​បន្តបន្ទាប់ ដែល​បង្កឲ្យ​មាន​ការ​ជន់​ស្ទើរតែ​ទូទាំង​ប្រទេស​កម្ពុជា អស់​រយៈពេល​ជាង​២​សប្ដាហ៍​មក​ហើយ ដោយ​ធ្វើ​ឲ្យ​ប៉ះពាល់​ដល់​ជីវភាព​រស់នៅ​របស់​ប្រជាពលរដ្ឋ។

​ជាមួយនោះ ប្រជា​ពលរដ្ឋ ដែល​រងគ្រោះ​ទឹកជំនន់​ ១ ៥៤៥ គ្រួសារ​នេះ ក្នុង​មួយ​គ្រួសារ ទទួល​បាន​អង្ករ​៥០​គីឡូក្រាម​, ទឹកបរិសុទ្ធ​១​កេស​ ,​មី​២​កេស​, ប្រេងខ្យង​២​ដប​, ភួយ​១,​សារុង​១, ថ្នាំដុសធ្មេញ​១, ប្រេង​កូឡា​១, សាប៊ូ​ដុស​ខ្លួន​១​ដុំ ​,​ថ្នាំពេទ្យ​១​កញ្ចប់ និង​ថវិកា​៥​ម៉ឺន​រៀល​៕

អត្ថបទ ៖ កោះ​កែវ​

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ4 mins ago

ក្តៅៗ!! ពុល​ស្រាស១១នាក់ នៅកំពង់​ឆ្នាំង​កំពុង​សង្គ្រោះបន្ទាន់

ព័ត៌មានជាតិ33 mins ago

សង្ស័យ​ពុល​ស្រាស​បណ្ដាល​ឲ្យ​ស្លាប់​ម្នាក់​ ខណៈ​ពេល​ទៅ​ចូល​រួម​បុណ្យ​សព​អ្នក​ស្លាប់​ដោយ​ពុល​ទឹកអណ្ដូង

ជំនឿ1 hour ago

មនុស្សកើតនៅឆ្នាំ ១៩៩៤ «ច»យោងធាតុទាំងប្រាំក្នុងក្បួនចិនទុកថាជា«ឆ្កែឈើ»

ព័ត៌មានជាតិ2 hours ago

លោកស្រី កុយ ពិសី និង​នាយ​ឧ​ត្ត​ម សេនីយ៍ ខ្វាន់ ស៊ា​ម ចុះ​ត្រួតពិនិត្យ​សំណង់​បង្គោល​ផ្លូវ​ខ្សែក្រវាត់​ព្រំដែន​កម្ពុជា​-​វៀតណាម

ព័ត៌មានជាតិ2 hours ago

លោក ហ៊ុន ម៉ា​នី ​៖​ យុទ្ធនាការ​ភ្នំពេញ​ស្អាត​លើកទឹកចិត្ត​បំផុសស្មារតី​សិស្សានុសិស្ស​ឱ្យ​ចេះ​ស្រឡាញ់​បរិស្ថាន

ព័ត៌មានពេញនិយម