ព័ត៌មានជាតិ
មន្ទីរសាធារណការជួសជុលផ្លូវជាតិលេខ៥រងគ្រោះដោយទឹកជំនន់ចន្លោះស្ពានតាផាន់ដល់រង្វង់មូលស្រីគ្រប់លក្ខណ៍
បន្ទាយមានជ័យ ៖ មន្ត្រីមន្ទីរសាធារណការនិងដឹកជញ្ជូនខេត្តបន្ទាយមានជ័យដឹកនាំក្រុមការងារចុះជួយ ជុល ផ្លូវជាតិលេខ៥ ចន្លោះ ពី PK357+000 ទៅដល់ PK359+600 នៅ ម្តុំ ស្ពាន តា ផាន់ មុខ ស្នងការដ្ឋាននគរបាល ខេត្ត និង ម្តុំ រង្វង់ មូល ស្រី គ្រប់លក្ខណ៍ ក្នុងក្រុងសិរីសោភ័ណដើម្បីលុបសំបុកមាន់ដោយល្បាយថ្មម៉ិច ស៊ីម៉ង់ត៍ កៅស៊ូ និងចន្លោះពី PK394+800 ទៅដល់ PK395+800 នៅម្តុំជាប់អាងអូរខៃដនក្រុងប៉ោយប៉ែតដែលរងគ្រោះ ដោយសារ ទឹកជំនន់ នៃ ការបាក់ ធ្លាយ ទំនប់ ដោយ ជួសជុល ចិញ្ចើម ចាក់ដី ល្បាយ ថ្មភ្នំ និង កៀរ កិន បង្ហាប់ និងជួសជុលផ្លូវខេត្តលេខ២៦៨A ព្រៃ មាន់ ភ្នំស្រុកចន្លោះ ពី PK1+800 ទៅដល់ PK2+300 នៅព្រឹក ថ្ងៃទី៤ ខែធ្នូ ឆ្នាំ២០២០។
គួររំលឹកផងដែរថា ក្នុងអំឡុង ទឹកជំនន់ កាលពី ខែតុលា និង ដើមខែ វិច្ឆិកា ឆ្នាំ ២០២០ កន្លងមកនេះ កំណាត់ ផ្លូវជាតិលេខ៥ និង ផ្លូវខេត្ត ដូចខាងលើ បានរងការខូចខាត យ៉ាងដំណំទឹកហូរកាត់និង ផ្អាក ចរាចរណ៍ សម្រាប់ យានយន្ត ធុន ធ្ងន់ ជាច្រើនថ្ងៃ។
លោកសុខចាន់ថា ប្រធានមន្ទីរសាធារណការនិងដឹកជញ្ជូនខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា មន្ទីររបស់លោកកំពុងយកចិត្តទុក ដាក់ប្រឹងប្រែងគិតគូរជំរុញការជួសជុលឡើងវិញ នូវរាល់ផ្លូវដែលរងការខូចខាតនៅតាមផ្លូវជាតិលេខ៥ និង លេខ៦ លាយថ្មម៉ិច ស៊ីម៉ង់ត៍ កៅស៊ូលុបសំបុកមាន់ ក្នុងនោះមន្ទីររបស់លោក មន្ទីរអភិវឌ្ឍន៍ជនបទ រួមសហការជាមួយអាជ្ញាធរ ដែនដីត្រូវបន្តការយកចិត្តទុក ដាក់ពិនិត្យមើលផ្លូវថ្នល់ដែលរងការខូចខាត ត្រូវប្រញាប់ ប្រញាល់ធ្វើការជួសជុលឡើងវិញ មិនត្រូវទុកចាំដល់ខូចធ្ងន់ធ្ងរនោះទេ និងបានអំពាវនាវ ដល់ប្រជាពលរដ្ឋនៅទូទាំងខេត្ត សូមឲ្យចូលរួមទាំងគ្នាថែទាំផ្លូវថ្នល់ដែលបានជួសជុល ស្ថាបនាហើយនោះនៅតាមផ្លូវជាតិឲ្យប្រើប្រាស់បានយូរអង្វែងផងដែរ៕
ដោយ ៖ វ៉ាន់ ណាង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង