ព័ត៌មានជាតិ
នាយករដ្ឋមន្ត្រីដាក់បញ្ជាអោយបង្ហាញអត្តសញ្ញាណអ្នកពាក់ព័ន្ធជំងឺកូវីដ១៩
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅល្ងាចថ្ងៃទី០៤ ខែធ្នូ ឆ្នាំ២០២០ នេះបានចេញបញ្ជាដាច់ខាត ឲ្យក្រសួងសុខាភិបាលបង្ហាញអត្តសញ្ញាណអ្នកពាក់ព័ន្ធជំងឺកូវីដ១៩ ដូចជាអ្នកកំពុងធ្វើ ចត្តាឡីស័ក និងអ្នកមានវិជ្ជមាន covid-19 ជាដើម ដើម្បីទប់ស្កាត់ការរីករាលដាលនៃជំងឺនេះនៅក្នុងសហគមន៍។
សម្តេចតេជោលើកឡើងថា ព្រឹត្តិការណ៍សហគមន៍២៨ វិច្ឆិកា មកដល់ពេលនេះនៅមិនទាន់មានពន្លឺ ដែលបញ្ជាក់ថា ឆ្លងចេញមកពីប្រភពណានៅឡើយទេ។ ពិតណាស់ថា ក្រុមអ្នកបច្ចេកទេសបានបញ្ជាក់ច្បាស់ថា ព្រឹត្តិការណ៍នេះមិនពាក់ព័ន្ធជាមួយព្រឹត្តិការណ៍ថ្ងៃទី០៣ វិច្ឆិកា នោះទេ ប៉ុន្តែភាពងងឹតនៅតែបន្ត ដូច្នេះហើយមានការចាំបាច់ ដើម្បីធ្វើការផ្សព្វផ្សាយនូវរូបថត ដូចជាឈ្មោះ ទីលំនៅ អាសយដ្ឋាន ជាដើម ដើម្បីឲ្យអ្នកពាក់ព័ន្ធចេញបង្ហាញខ្លួនហើយយកសំណាក់ភ្លាមៗ បើមិនដូច្នេះទេសភាពការណ៍និងពិបាកស្រោចស្រង់។
បើតាមសម្ដេចតេជោហ៊ុនសែននៅថ្ងៃនេះបានរកឃើញចំនួន៦ នាក់ថ្មីទៀត ដែលសុទ្ធតែពាក់ព័ន្ធទៅនឹងព្រឹត្តិការណ៍២៨ វិច្ឆិកា។ មានន័យថា ពាក់ព័ន្ធទៅនឹងក្រុមគ្រួសារលោក ឆែម សាវុធ។ សម្រេចបន្តថា ការបង្ហាញអត្តសញ្ញាណអ្នកពាក់ព័ន្ធនេះពិតណាស់ថា នឹងមានការលើកឡើងអំពីសិទ្ធិបុគ្គល ប៉ុន្តែកន្លងមកក៏ធ្លាប់បានផ្សព្វផ្សាយអត្តសញ្ញាណរួចហើយសម្រាប់អ្នកដែលពាក់ព័ន្ធជំងឺកូវីដ១៩នេះ។ ដូច្នេះក្រសួងសុខាភិបាលក៏ត្រូវតែផ្សព្វផ្សាយដោយផ្ទាល់ ដើម្បីឲ្យសារ ព័ត៌មានវិជ្ជាជីវៈយកទៅផ្សាយបន្ត ដើម្បីងាយស្រួលដល់ប្រជាពលរដ្ឋផ្សេងទៀតយកទៅធ្វើការផ្ទៀងផ្ទាត់។
សម្ដេចតេជោ ហ៊ុន សែន បានបញ្ជាក់ថា អ្នកដែលពាក់ព័ន្ធគឺត្រូវតែមកបង្ហាញខ្លួនដើម្បីយកសំណាកនិងធ្វើចិត្តាឡីស័កដើម្បីចៀសវាងការរីករាលដាលបន្ត។
សម្តេចបន្តថា ដំណាក់កាលនេះត្រូវតែស្វែងរកឲ្យបាននូវសិទ្ធិរស់រានមានជីវិត ដែលមិនមែនជាលាក់លៀម នាំឱ្យប៉ះពាល់ដល់សុខភាពសាធារណៈនៅក្នុងសង្គមនោះទេ។
បញ្ហាទី២ សម្ដេចបានលើកឡើងថា កន្លងមកយើងមានការធ្វើចិត្តតែសាក់រាគពេល១៤ ថ្ងៃត្រឹមត្រូវសម្រាប់ក្រុមអ្នកធុរកិច្ច និងអ្នកបច្ចេកទេសផ្សេងៗ ដែលចូលមកប្រទេសកម្ពុជា ប៉ុន្តែក្រោយមកមានការបន្ធូរបន្ថយឲ្យរង់ចាំត្រឹមតែ២ ថ្ងៃប៉ុណ្ណោះ ដែលការធ្វើនេះ ដើម្បីឲ្យដំណើរ ការសេដ្ឋកិច្ចបានប្រសើរឡើង ប៉ុន្តែប្រសិនបើទុកឲ្យបន្តបែបនេះតទៅទៀតហានិភ័យនឹងកើតឡើង ដូច្នេះសម្ដេចសម្រេចផ្អាកជាបណ្តោះអាសន្ន មិនឲ្យមានការធ្វើ ចត្តាឡីស័ករយៈពេលខ្លីនេះ សម្រាប់អ្នកធុរកិច្ច អ្នកបច្ចេកទេសផ្សេងៗតទៅទៀតនោះទេ។ តែទុករយៈពេល៧ថ្ងៃ ដើម្បីឲ្យក្រុមហ៊ុន ដើម្បីមានឱកាសជូនដំណឹងទៅបុគ្គលិករបស់ខ្លួន។
ជាមួយនឹងការលើកឡើងខាងលើនេះសម្ដេចអគ្គមហាសេនាបតីតេជោ ហ៊ុន សែន បានស្នើសុំឲ្យមានការយល់ពីសំណាក់ក្រុមហ៊ុន ដែលកំពុងចូលមកធ្វើវិនិយោគ ក៏ដូចជារកស៊ីនៅប្រទេសកម្ពុជា ឬក្រុមហ៊ុននៅក្នុងប្រទេសដែលត្រូវការអ្នកបច្ចេកទេសពីខាងក្រៅ។
បើតាមសម្ដេចតេជោហ៊ុនសែនព្រឹត្តិការណ៍ ថ្ងៃ២៨ ខែវិច្ឆិកា កន្លងទៅនេះ តាមការប៉ាន់ស្មានរបស់អ្នកបច្ចេកទេសក៏ដូចជាសម្ដេចផ្ទាល់ អាចផ្ដើមឡើងដោយការធ្វើចត្តាឡីស័ក មិនគ្រប់គ្រាន់សម្រាប់ជនបរទេសមួយចំនួន ដែលអាចមានទំនាក់ទំនងជាមួយលោក ឆែម សាវុធ និងក្រុមគ្រួសារលោក ឆែម សាវុធ ដែលពេលនេះកំពុងតែធ្វើការផ្ទៀងផ្ទាត់។ ជាមួយគ្នានោះសម្ដេចអគ្គមហាសេនាបតីតេជោ ហ៊ុន សែន បានអំពាវនាវឲ្យអ្នកពាក់ព័ន្ធទាំងជាង២០នាក់ ឆ្លើយឲ្យស្មោះត្រង់ ពីព្រោះពេលនេះចាំបាច់ត្រូវតែមានការបំភ្លឺឲ្យបានច្បាស់លាស់ពីអ្នកពាក់ព័ន្ធទាំងនោះ ដោយមិនអាចយកវិធីចង់ឆ្លើយក៏ឆ្លើយមិនចង់ឆ្លើយក៏បាន ដូច្នេះមិនអាចធ្វើបែបនេះតទៅទៀតបានទេ។ ពីព្រោះនេះជារឿងសំខាន់ដែលត្រូវផ្ដាច់ឬសគល់ក្នុងការរីករាលដាលទៅកាន់សហគមន៍។
សម្តេចតេជោ ហ៊ុន សែន ក៏បានអំពាវនាវឲ្យកម្លាំងមានសមត្ថកិច្ច ពិនិត្យមើលតំបន់ ដែលមានធ្វើចត្តាឡីស័ក ដើម្បីកុំឲ្យមានការចេញចូលរហេតរហូត៕
ដោយ ៖ កោះកែវ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២១ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ