ព័ត៌មានជាតិ

ពលរដ្ឋរងគ្រោះដោយសារទឹកជំនន់១១៥គ្រួសារ ទទួលបានអំណោយសង្គ្រោះពីក្លឹបរ៉ូថារីចតុមុខ

បានផុស

៦ years មុន

នៅ

ថ្ងៃសៅរ៍ ២៤ តុលា ២០២០

ដោយ

ភ្នំពេញ ៖ ប្រជាពលរដ្ឋចំនួន១១៥គ្រួសារដែលកំពុងមានការខ្វះខាតនិងរងគ្រោះដោយសារទឹកជំនន់រស់នៅស្រុកកោះធំ ខេត្តកណ្តាលនៅព្រឹកថ្ងៃទី២៤ខែតុលាឆ្នាំ២០២០ទទួលបានអំណោយសង្គ្រោះពីក្លឹបរ៉ូថារីចតុមុខភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចែកអំណោយជួនប្រជាពលរដ្ឋចំនួន១១៥គ្រួសាររងគ្រោះដោយទឹកជំនន់នេះក្លឹបរ៉ូថារីចតុមុខភ្នំពេញសហការជាមួយសមាគមន៍ក្លឹបរ៉ូថារីសេនត្រល សមាគមន៍រ៉ូថារីកាពីតល ក្រុមហ៊ុនជាងប៉ាក់វ៉ាន់ហុង មូលនិធិមុទិតា(តំណាងឲអ្នកអង្គម្ចាស់ក្សត្រី នរោត្តម រស្មីពនិតា) និង មូលនិធិkhmer sight។

លោកស្រី ទ្បេង ផល្លី ប្រធានក្លឹបរ៉ូថារីចតុមុខភ្នំពេញបានឲ្យដឹងថា អំណោយដែលយកទៅចែកជួនប្រជាពលរដ្ឋទាំង១១៥គ្រួសារដោយ១គ្រួសារទទួលបានអង្ករ ១០គីទ្បូ មី 1កេស ត្រីខ៥កំប៉ុង អំបិល១គីទ្បូទឹកត្រី ១ដប មុង១ ភួយ១សាប៊ូ ១ដុំ ទឹកអាកុល និងជែលលាងដៃ ១ដបខោអាវកីទ្បាសម្រាប់កុមារតូចៗ សៀវភៅ និងខ្មៅដៃ សម្រាប់កុមារតូចៗ នំស្រួយលីលី នំប៉័ង និងទឹកបរិសុទ្ធ។

លោកស្រីបានបន្តថា ទោះបីជាអំណោយទាំងនេះតិចតួចក្តីក៏ជាការរួមចំណែកមួយក្នុងការជួយសម្រាលបន្ទុកដល់ប្រជាពលរដ្ឋយើងបានមួយរយៈពេលខ្លីនៅក្នុងពេលដែលមានទឹកជំនន់នេះផងដែរ។

គួរបញ្ជាក់ថា ក្លឹបរ៉ូថារីចតុមុខភ្នំពេញមានសមាជិកជាង១.២លាននាក់ និងមានអាយុកាលជាង១១០ឆ្នាំមកហើយ ព្រមទាំងបានជួយដល់កុមារដែលមានជំងឺស្វិតដៃជើងជាង២៥លាននាក់។ ក្នុងនោះដែរសមាគមន៍រ៉ូថារីបានផ្តោតទៅលើគោលការណ៍ចំនួន៦ចំនុចធំៗ គឺសន្តិភាព, ការប្រយុទ្ធប្រឆាំងនឹងជំងឺអាសន្នរោគ, អនាម័យទឹកស្អាត, សង្គ្រោះកុមារ និងមាតា, ការអប់រំ, និងសេដ្ធកិច្ចក្នុងតំបន់៕
ដោយ ៖ សំអឿន