ព័ត៌មានជាតិ
ប្រមូលផលស្រូវវស្សាបានជាង ១,៧ លានហិកតា និងទិន្នផលជាង ៥,៦ លានតោន
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានឲ្យដឹងនាព្រឹកថ្ងៃទី១០ ខែ ធ្នូ ឆ្នាំ ២០២០ នេះថា គិតត្រឹមថ្ងៃទី៧ ខែធ្នូ ឆ្នាំ២០២០ មានផ្ទៃដីស្រែវស្សាជាង ១,៧ លានហិកតា ស្មើនឹង៦៤,១០ភាគរយ ដែលត្រូវបានប្រមូលផលរួចក្នុងនោះទិន្នផលស្រូវសរុបមានចំនួន ៥,៦៥២,២៩៧ តោន ។ ទិន្នផលជាមធ្យមក្នុងមួយហិកតា បានចំនួន៣,១៦តោន ។
របាយការណ៍ នៃការងារប្រមូលផលស្រូវវស្សានៅតាមបណ្ដាខេត្តនីមួយៗដែលរៀបចំដោយនាយកដ្ឋានដំណាំស្រូវ នៃអគ្គនាយកដ្ឋានកសិកម្ម បានឲ្យដឹងថា ខេត្តកោះកុង ក្រចេះ រតនគិរី និងស្ទឹងត្រែង ប្រមូលផលស្រូវវស្សា បានជាង៩០ ភាគរយ នៃផ្ទៃដីដាំដុះសរុប ។ រីឯខេត្តកំពត ពោធិ៍សាត់ សៀមរាប ស្វាយរៀងនិងខេត្តឧត្តរមានជ័យ ប្រមូលផលស្រូវបានប្រមាណ៧០ទៅ៨០ភាគរយ នៃផ្ទៃដាំដុះសរុប។ចំណែកខេត្តបន្ទាយមានជ័យ កំពង់ចាម កំពង់ឆ្នាំង កណ្ដាល មណ្ឌលគិរី ភ្នំពេញ ព្រះវិហារ ព្រៃវែង តាកែវ កែប ប៉ៃលិននិងខេត្តត្បូងឃ្មុំ ទើបប្រមូលផលបានពី៥០ទៅ៦០ ភាគរយប៉ុណ្ណោះ ខណៈខេត្តបាត់ដំបង កំពង់ស្ពឺ និងខេត្តកំពង់ធំ ប្រមូលផលបានក្រោម៥០ភាគរយ ។ ដោយឡែកខេត្តព្រះសីហនុ ប្រមូលបានតិចជាងគេ គឺទើបតែបាន២០ភាគរយ លើផ្ទៃដីដាំសរុប។
សូមរំឭកថា ដើម្បីស្ដារដំណាំស្រូវ និងដំណាំរួមផ្សំ ដែលរងផលប៉ះពាល់ដោយសារទឹកជំនន់កន្លងមកក្រសួងកសិកម្ម រុក្ខាប្រមាញ់ និងនេសាទ បានចែកពូជស្រូវ ចំនួន ៦,៤៣៤តោន និងពូជបន្លែ ជិត៥៦ ម៉ឺនកញ្ចប់ទៅដល់កសិករ ។ ទឹកជំនន់នាពេលកន្លងមក បានធ្វើឲ្យប៉ះពាល់ដល់រាជធានី-ខេត្ត ចំនួន២០ ក្នុងនោះមានពលរដ្ឋប្រមាណ ៦០ ម៉ឺននាក់ រងផលប៉ះពាល់,មនុស្ស៤៤នាក់ បានបាត់បង់ជីវិត និងដំណាំកសិកម្មប្រមាណ៣៨ម៉ឺនហិកតា ត្រូវបានលិចលង់៕
អត្ថបទ៖ណារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង