ព័ត៌មានជាតិ

អតីតថ្នាក់ដឹកនាំមូលដ្ឋាននៃគណបក្សសង្គ្រោះជាតិ១០នាក់សុំចូលរួមជីវភាពនយោបាយជាមួយគណបក្សប្រជាជនកម្ពុជា

Published

1 month ago

October 27, 2020

ភ្នំពេញ ៖ អតីតថ្នាក់ដឹកនាំមូលដ្ឋាននៃគណបក្សសង្គ្រោះជាតិចំនួន១០នាក់ បានសុំចូលរួមជីវភាពនយោបាយជាមួយគណបក្សប្រជាជនកម្ពុជា នៅថ្ងៃទី២៧ ខែតុលា ឆ្នាំ២០២០នេះ។
ការសុំចូលរួមជីវភាពនយោបាយរបស់គណបក្សសង្គ្រោះជាតិនេះផងដែរ បន្ទាប់ពី អស់ជំនឿទៅលើការស្តារនយោបាយគណបក្សរបស់ខ្លួនឡើងវិញ។

អតីតថ្នាក់ដឹកនាំមូលដ្ឋាន នៃអតីតគណបក្សសង្គ្រោះជាតិ ដែលបានសុំចូលរួមជីវភាពនយោបាយជាមួយគណបក្សប្រជាជនកម្ពុជា នោះមាន៖
១៖ លោក ស៊ុន វិបុល – សមាជិកគណៈកម្មាធិការប្រតិបត្តិគណបក្សរាជធានី និងជាអនុប្រធានចលនាយុវជនរាជធានី ,
២៖ លោក សាន ណារឹទ្ធិ ជាសមាជិកគណៈកម្មាធិការគណបក្សពោធិ៍សែនជ័យនិងជាអនុប្រធានចលនាយុវជនខណ្ឌ,
៣៖ លោក ហិក និល ប្រធានគណបក្សសង្កាត់និងជាចៅរងទី២ សង្កាត់បឹងកេងកង 2 ,
៤៖ ២នាក់ទៀត ជាអ្នកទ្រទ្រង់ហិរញ្ញវត្ថុខេត្តស្ទឹងត្រែង
៥៖ និង ៥នាក់ទៀតជាសកម្មជននៅរាជធានីភ្នំពេញ។

គួររំលឹកថា ចាប់តាំងពីតុលាការកាត់ទោសរំលាយគណបក្សសង្គ្រោះជាតិ និងហាមប្រាមមេដឹកនាំគណបក្សនេះចំនួន១១៨នាក់ មិនឲ្យធ្វើនយោបាយរយៈពេល៥ឆ្នាំ មានសមាជិកអតីតគណបក្សនេះជាច្រើន បានរត់មកចូលរួមជាមួយគណបក្សប្រជាជនកម្ពុជា។ ក្រៅពីនោះ ក៏មានអតីតថ្នាក់ដឹកនាំមួយចំនួន បានស្នើសុំសិទ្ធិធ្វើនយោបាយឡើងវិញ ហើយបង្កើតគណបក្សថ្មីផងដែរ៕
កែសម្រួលដោយ ៖ នាគព័ន្ធ

Related Topics:

Up Next

លោកឃួង ស្រេង ជំរុញអាជ្ញាធរខណ្ឌទាំង១៤ ធ្វើរបាយការណ៍ពីការខូចខាតហេដ្ឋារចនាសម្ព័ន្ធដោយជំនន់ទឹកភ្លៀង

Don't Miss

រដ្ឋាភិបាលចាត់ទុកការលើកកម្ពស់ភាពជាអ្នកដឹកនាំ គឺជាយុទ្ធសាស្ត្រគន្លឹះក្នុងការបង្កើនភាពអង់អាចដល់ស្ត្រីនិងក្មេងស្រី