ព័ត៌មានជាតិ
បញ្ជូនស្រ្តីចិន ស្រែកផ្អើលគេថាមានចោរឆក់ ទៅអនុវត្តនីតិវិធីច្បាប់បន្ត
ស្ត្រីជនជាតិចិនម្នាក់ ដើរអូសវ៉ាលីស្រែកយំតាមដងផ្លូវ ថាមាករណីចោរឆក់សម្ភាររបស់នាង បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋាន នៅថ្ងៃទី២៨ ខែតុលា ឆ្នាំ២០២០ វេលាម៉ោង១៧នឹង៣០នាទី កម្លាំងការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ បានកសាងសំណុំឯកសារបញ្ជូនទៅនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីច្បាប់។
លោកវរសេនីយ៍ឯក ជា ចិត្រា នាយការិយាល័យស៊ើបអង្កេត និងអនុវត្តនីតិវិធី រាជធានីភ្នំពេញ បានឱ្យដឹងថា ជនបរទេសនោះឈ្មោះ ZHAO YUYAN ភេទស្រី អាយុ៣២ឆ្នាំ ជនជាតិចិន បានទទួលពីកម្លាំងប៉ុស្តិ៍នគរបាលរដ្ឋបាលចតុមុខ ខណ្ឌដូនពេញ ពីបទស្នាក់នៅអនាថាតាមទីសាធារណៈ។ បន្ទាប់ពី សាកសួរដឹងថា ជននេះចូលមកប្រទេសកម្ពុជា ចំនួន០៣លើក ចុងក្រោយនៅថ្ងៃទី២៧.០២.២០២០ តាមប៉ុស្តិ៍នគរបាលច្រកទ្វារអន្តរជាតិភ្នំពេញ គោលបំណងទេសចរណ៍។
លោកនាយការិយាល័យបន្តថា កាលពីថ្ងៃទី១៤ ខែតុលា ឆ្នាំ២០២០ វេលាម៉ោង១១នឹង០៥នាទី នៅចំណុចរង្វង់មូលសម្តេច ព្រះសង្ឃរាជ ជួន ណាត ស្ថិតនៅសង្កាត់ចតុមុខ ខណ្ឌដូនពេញ រាជធានីភ្នំពេញ មានសារព័ត៌មាន និងបណ្ដាញសង្គមហ្វេសប៊ុក បានចុះផ្សាយថា មាននារីជនជាតិចិនម្នាក់ ដើរអូសវ៉ាលី ស្រែកយំតាមដងផ្លូវ ថាមានករណីចោរឆក់សម្ភាររបស់នាង បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋាន។ រហូតដល់ថ្ងៃទី២៧ ខែតុលា ឆ្នាំ២០២០ វេលាម៉ោង០៨នឹង៣០នាទី កម្លាំងប៉ុស្តិ៍នគរបាលរដ្ឋបាលចតុមុខ សហការជាមួយ កម្លាំងអធិការដ្ឋាននគរបាលខណ្ឌដូនពេញ កម្លាំងការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាន នគរបាលរាជធានីភ្នំពេញ និងកម្លាំងនាយកដ្ឋានព្រហ្មទណ្ឌ នៃអគ្គនាយកដ្ឋានព្រហ្មទណ្ឌ ស៊ើបអង្កេត ស្រាវជ្រាវដឹងថាពុំមានករណីឆក់សម្ភាររបស់នាងទេ និងឆ្លងតាមការពិនិត្យធ្វើតេស្តរកសារធាតុញៀន ជាលទ្ធផល (វិជ្ជមាន)។
បច្ចុប្បន្នជនជាតិចិនខាងលើ គ្មានកន្លែងស្នាក់នៅពិតប្រាកដ ស្នាក់នៅអនាថាតាមទីសាធារណៈ។ដោយមានសំណូមពរពី តំណាងស្ថានទូតចិនប្រចាំនៅព្រះរាជាណាចក្រកម្ពុជា សុំឱ្យសមត្ថកិច្ចបញ្ជូនជនខាងលើទៅប្រទេសចិនវិញ ព្រោះនាងបានទៅដល់ស្ថានទូតចិន ចំនួន៥-៦លើកមកហើយ ព្រមទាំងមានកាយវិការមិនសមរម្យ និងមិនមានការសហការល្អជាមួយកម្លាំងស្ថានទូត។ នៅថ្ងៃទី២៨នេះកម្លាំងសមត្ថកិច្ចបានបញ្ជូនជននេះទៅពិនិត្យសុខភាពនៅមន្ទីរពិសោធន៍វេជ្ជសាស្រ្តបង្អែកជាតិ រកមេរោគកូវីដ-១៩ ជាលទ្ធផលអវិជ្ជមាន។ ជនបរទេសខាងលើនេះ ត្រូវបានបញ្ជូនទៅ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋាន អន្តោប្រវេសន៍ ដើម្បីអនុវត្តនីតិវិធីច្បាប់បន្ត ៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ