Connect with us

ព័ត៌មានជាតិ

ប្លន់​ផ្អើល​ផ្សារ​គោក​ឃ្មុំ តែ​​ការិយាល័យ​ជំនាញ គ្មាន​អ្នកណា​ដឹង​​

បានផុស

នៅ

​ករណី​ប្លន់​មួយ ​ត្រូវ​បាន​គេ​លាក់​យ៉ាង​ស្ងាត់ ដោយ​នគរបាលជួរ​ថ្នាក់ដឹកនាំ និង ការិយាល័យ​ជំនាញ​ គ្មាន​អ្នកណា​ដឹង​ឡើយ​ ហើយរហូត​បាន​រយៈពេល​៤​ថ្ងៃ ទើ​ប​ធ្លាយ​ព័ត៌មាន​​មួយ​នេះ​បាន​កើត​ឡើង និង​បង្ក​ឲ្យ​មាន​ការភ្ញាក់ផ្អើល​ពេញ​ក្នុង​ផ្សារ​ថែម​ទៀត​ផង។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាម​ការ​រៀបរាប់​ពី​ស្ត្រី​រងគ្រោះ​ ឈ្មោះ សន ចាន់ណា រស់នៅ​ភូមិ​កណ្តាល​ត្បូង ឃុំ​គោក​ឃ្មុំ ស្រុក​ថ្ម​គោល ​ខេត្ត​បាត់ដំបង ជា​អាជីវករ​លក់ដូរ​បន្លែ​ក្នុង​ផ្សារ​គោក​ឃ្មុំ បាន​រៀបរាប់​ថា កាលពី​វេលា​ម៉ោង ជិត៤ទៀបភ្លឺ​ ព្រឹក​ថ្ងៃទី២៦ ខែតុលា ឆ្នាំ​២០២០ កន្លងទៅ​ថ្មីៗ​នេះ គាត់​បាន​ជិះ​ម៉ូតូ​ដឹក​អីវ៉ាន់​ចេញ​ពី​ផ្ទះ ឆ្ពោះ​ទៅ​កាន់​ផ្សារ​គោក​ឃ្មុំ ដើម្បី​លក់ដូរ​នៅ​ទីនោះ​ជាធម្មតា។​

​ស្ត្រី​រងគ្រោះ​បាន​បន្តថា លុះ​មកដល់​ខាងក្រោយ​សាលាឃុំ ដែលមាន​ផ្លូវបែក ​ក៏បាន​ឃើញ​មនុស្ស​ពីរ​នាក់​ឈរ​ក្បែរ​ម៉ូតូ​មួយ​គ្រឿង តែ​គាត់​ក៏​មិន​ចាប់អារម្មណ៍​ដែរ។ ប៉ុន្តែ​ពេល​ដែល​គាត់​ជិះ​ម៉ូតូ​ដល់​ខាង​មុខ​ផ្សារ​គោក​ឃុំ​ ទើប​ជន​ទាំងពីរ​នាក់​នោះ ជិះ​ម៉ូតូ​ទៅ​ពាំង​ពីមុខ ដោយ​ម្នាក់​នៅ​លើ​ម៉ូតូ រីឯ​ម្នាក់ទៀត​​ចុះ​មក​សួរ​ថា ចែ​ទិញ​ក្រូច​ទេ។ ក្នុង​នោះ បន្ទាប់ពី​គាត់​បាន​តប​ថា មិន​ទិញ​ទេ គឺ​ជន​នោះ​ក៏​ដើរមក​ក្បែរ ​ហើយ​​បើក​អាវ​ ទាញ​ដាវ​សាំ​ម៉ូ​រ៉ៃ​មក ធ្វើ​ឲ្យ​គាត់​លោត​ចុះ​ពីលើ​ម៉ូតូ​រត់ឡើង​ទៅលើ​គ្រែ​ក្នុង​ផ្សារ ដោយ​ស្រែក​ឲ្យ​គេ​ជួយ។ ប៉ុន្តែ​ពុំមាន​នរណាម្នាក់​ហ៊ាន​ចូលទៅ​ជួយ​គាត់​ឡើយ ដោយ​វា​បាន​និយាយ​ថា បោះ​កាបូបស្ពាយ​ឲ្យ​វា​ បើ​មិន​ចង់​ងាប់។​ នៅពេលនោះ​ គាត់​ក៏​សម្រេចចិត្ត​ប្រគល់​កាបូប​ឲ្យ​វា ទើប​វា​បើក​ម៉ូតូ​ចេញទៅ​ទិស​ខាងលិច ហើយ​បាត់ស្រមោល​ត្រង់​ភូមិ​ឆ្កែ​កូន​តែម្តង។​

​បើតាម​ការ​រៀបរាប់​ភិនភាគ គាត់​បាន​សង្កត់​ធ្ងន់​ថា ម៉ូតូ​ម៉ាក MSX ដែល​ក្រុម​ចោរ​ជិះ​ គឺ​ដូចជា​ធ្លាប់​ឃើញ​ជិះ​កាត់​មុខ​ផ្ទះ​របស់​គាត់​ជា​ញឹកញាប់ តែ​​មិនបាន​ចាប់អារម្មណ៍។ ដោយឡែក​សម្ភារៈ​ដែល​បាត់​បង់​រួមមាន ៖ ទូរសព្ទ​ម៉ាក​វី​វ៉ូ១​គ្រឿង និង​លុយ៤៦​ម៉ឺន​រៀល។

ភ្លាមៗ​ក្រោយពេល​កើតហេតុ ប្រហែលជា​ម៉ោង៤និង៣០នាទី​ទៀបភ្លឺ គាត់​ក៏បាន​ជិះ​ម៉ូតូ​ចូល​ទៅ​ប៉ុស្តិ៍ ដោយ​ឃើញ​បើកភ្លើង​ចោល ហើយ​ឃើញ​មេ​ប៉ុស្តិ៍ ​ដែល​ទើប​មកកាន់​ថ្មី ឈ្មោះ គឹម ពោធិ ដេក​នៅ​ទី​នោះ។ ប៉ុន្តែ​គាត់​ហៅ២ដង ដើម្បី​ប្តឹង ​តែ​គេ​មិន​ភ្ញាក់​ឡើយ ទើប​ព្រឹក​ឡើង​ ក៏បាន​ទៅ​ដាក់ពាក្យ​ប្តឹង​ម្តង​ទៀត។​

​ជុំវិញ​ករណី​ប្លន់ ដែល​ធ្វើ​ឲ្យ​មាន​ការ​ភ្ញាក់ផ្អើល​ពេញ​ផ្សារ​នោះ លោក កោ ស៊ុន​កាំ​ង នាយការិយា​ល័យ​ព្រហ្មទណ្ឌ​កម្រិត​ធ្ងន់ ក៏ដូចជា​លោក​ស្នងការ​រង ទទួល​ផែន​ព្រហ្មទណ្ឌ លឹម ពុ​ទ្ធី​ឡា ក៏បាន​និយាយ​ថា លោក​មិន​បានដឹង​ទាល់តែសោះ​នៅ​ក្នុង​រឿង​នេះ។ ដោយឡែក​ប្រភព​ក្រៅផ្លូវការ​មួយ​បាន​បង្ហើប​ថា លោកស្នងការ​ បាន​ស្ដីបន្ទោស​យ៉ាង​ខ្លាំង​ដល់​លោក​អធិការ ផង់ សុភាព ដែល​បំភ្លៃ​រឿង​បទល្មើស​ឧក្រិដ្ឋ​នេះ ទៅជា​រឿង​ក្មេង​ទំនើង​វិញ៕

អត្ថបទ ៖ សោ និយម​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៣ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៦ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៦ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ១ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម