ព័ត៌មានជាតិ

ស្គាល់អត្តសញ្ញាណសពស្ត្រី ដែលឃាតកកាប់ចិញ្ច្រាំ

បានផុស

៣ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

មកទល់ព្រឹកថ្ងៃទី៣ ខែវិច្ឆិកា ឆ្នាំ២០២០នេះ សមត្ថកិច្ចនគរបាល បានស្គាល់អត្តសញ្ញាណសពស្ត្រីម្នាក់ ដែលរងអំពើឃាតកម្មដ៏ព្រៃផ្សៃ ដែលគេប្រទះឃើញ កាលពីថ្ងៃទី២ ខែវិច្ឆិកា ឆ្នាំ ២០២០ នៅចំណុចទីលានចាក់សំរាម ក្បែរស្ពានរាគអាចម៍ស្ថិតក្នុងភូមិម្កាក់ សង្កាត់ម្កាក់ ក្រុងសិរីសោភ័ណ ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ ស៊ី ឌី អធិការនគរបាល ក្រុងសិរីសោភ័ណ ប្រាប់អ្នកយកព័ត៌មានឲ្យដឹងថា សពស្ត្រីរងគ្រោះមាន ឈ្មោះ ទិត្យ ស្រីសួង អាយុ២៥ឆ្នាំ មានស្រុកកំណើតភូមិមានជ័យ ឃុំស្រែសង្គម ស្រុកកោះញែក ខេត្តមណ្ឌលគីរី មកធ្វើការនៅកន្លែងផលិតទឹកសុទ្ធមួយកន្លែង នៅភូមិ៤ សង្កាត់ព្រះពន្លា ក្រុងសិរីសោភ័ណ។

លោក ស៊ី ឌី បានបន្តថា យោងតាមម្តាយនិងសាច់ញាតិ ថា ជនរងគ្រោះបានចំណាកស្រុកមករស់នៅ និងធ្វើការនៅក្រុងសិរីសោភ័ណ ច្រើនឆ្នាំមកហើយ ក្នុងនោះនាងធ្លាប់ធ្វើការនៅរោងចក្រកាត់ដេរ ក្រោយមកបានធ្វើការនៅកន្លែងផលិតទឹកសុទ្ធ។ លោកថា នៅទីនោះ នាងមានទំនាក់ទំនាក់ស្នេហា និងរស់នៅដូចប្តីប្រពន្ធ ជាមួយបុរសពោះម៉ាយម្នាក់ ដែលជាកម្មករធ្វើការជាមួយគ្នា ប៉ុន្តែគូស្នេហ៍ដែលយកប្តី ប្រពន្ធចិត្តឯងនេះ មិនចុះសម្រុងនឹងគ្នានោះឡើយ។

សមត្ថកិច្ចបានបន្តថា មុននិងក្រោយឃាតកម្ម បុរសជាប្ដីនោះបានបាត់ខ្លួនរហូតមក។ លោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ បានបញ្ជាឲ្យសមត្ថកិច្ចត្រួតពិនិត្យ អង្កេត ស្រាវជ្រាវ និងកំណត់មុខសញ្ញា ឃាតក យកទទៅផ្ដន្ទាទោសតាមច្បាប់៕