ព័ត៌មានជាតិ

ប្រកាសកំណត់តំបន់ធ្វើការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធនៅស្រុកព្រៃនប់

បានផុស

៦ years មុន

នៅ

ថ្ងៃព្រហស្បតិ៍ ២២ តុលា ២០២០

ដោយ

អាជ្ញាធរ ខេត្តព្រះសីហនុ បានបើកកិច្ចប្រជុំផ្សព្វផ្សាយស្ដីពីការចុះបញ្ជីដីធ្លីមានលក្ខណៈជាប្រព័ន្ធនៅស្រុកព្រៃនប់ ដើម្បីឲ្យពលរដ្ឋក្លាយជាម្ចាស់ដីពិតប្រាកដ មានសិទ្ធិស្របច្បាប់ ក្នុងការកាន់កាប់ប្រើប្រាស់ អាស្រ័យផល និងចាត់ចែង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំ នាថ្ងៃថ្ងៃទី ២១ ខែតុលា ឆ្នាំ ២០២០ លោក សរ កក្កដា អភិបាលស្រុកព្រៃនប់ បានបញ្ជាក់ ថា ក្រោយពីការចុះបញ្ជីដីធ្លីនេះរួច ប្រជាពលរដ្ឋ ដែលជាម្ចាស់ក្បាលដី អ្នកកាន់កាប់ទទួលបានប័ណ្ណកម្មសិទ្ធិ។លោកថា តាមរយៈប័ណ្ណកម្មសិទ្ធិនេះ ប្រជាពលរដ្ឋ នឹងក្លាយជាម្ចាស់ដីពិតប្រាកដ មានសិទ្ធិស្របច្បាប់ ក្នុងការកាន់កាប់ប្រើប្រាស់ អាស្រ័យផល និងចាត់ ចែង ។

លោក ចេង ស្រុង ប្រធាន មន្ទីររៀបចំដែនដីនគរូបនីយកម្មសំណង់ និងសុរិយោដី ខេត្តព្រះសីហនុ បានថ្លែងថា ការអនុវត្តចុះបញ្ជីដីធ្លីលក្ខណៈជាប្រព័ន្ធ របស់កម្មវិធីអនុវិស័យរដ្ឋបាលដីធ្លីខេត្ត ចាប់ផ្ដើម នៅថ្ងៃទី១៣ ខែតុលា ២០០៣ រហូតមកដល់បច្ចុប្បន្ន បានធ្វើការចុះបញ្ជីដីជូនប្រជាពលរដ្ឋ ។

ជាលទ្ធផល ប្រមូលទិន្នន័យ ៤៧,០៣៣ ក្បាលដី សម្រេចចេញប័ណ្ណកម្មសិទ្ធិបាន ៣៦,១២៨ប័ណ្ណ និងចែកប័ណ្ណបាន ៣២,៨៣១ប័ណ្ណ និងដោះស្រាយទំនាស់បាន ១,០៣៧ក្បាលដី និងក្បាលដីទំនាស់ ២,០១៩ ។ ដោយឡែកឃុំ អូរឧកញ៉ាហេង ចុះវាស់ក្បាលដីសរុប៥,៦៥៩បំពេញទំរង់បែបបទនៃការប្រមូលទន្នន័យក្បាលដីចំនួន៥,៣៧៤ ។

លោក គួច ចំរើន អភិបាលខេត្តព្រះសីហនុ មានប្រសាសន៍ថា ការចុះបញ្ជីដីធ្លីនេះ គឺចុះបញ្ជីទាំងដីឯកជន និងដីរដ្ឋ ដែលអនុវត្តទៅតាមនីតិវិធី និងបច្ចេកវិទ្យាទំនើប មានតម្លាភាព និងការទទួល ខុសត្រូវ ដែលប្រទេសជឿនលឿនលើពិភពលោក កំពុងអនុវត្ត ហើយមានប្រសិទ្ធភាពលើការគ្រប់ គ្រងដី ធ្លី៕

អត្ថបទ ៖ កោះពស់

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា