ព័ត៌មានជាតិ
មន្ត្រីរាជការ ខេត្តបន្ទាយមានជ័យ ប្រារព្ធបុណ្យឯករាជជាតិ លើកទី៦៧
ថ្នាក់ដឹកនាំ និងមន្ត្រីរាជការ ខេត្តបន្ទាយមានជ័យ បានធ្វើពិធីខួបអនុស្សាវរីយ៍ លើកទី៦៧ នៃបុណ្យឯករាជជាតិ ៩វិច្ឆិកា(៩វិច្ឆិកា១៩៥៣-៩វិច្ឆិកា២០២០) នៅព្រឹក ថ្ងៃទី៩ ខែ វិច្ឆិកា ឆ្នាំ ២០២០ ។
លោក អ៊ុំ រាត្រី អភិបាល ខេត្តបន្ទាយមានជ័យ បានចាត់ទុកថ្ងៃនេះថា ជាថ្ងៃមួយពោរពេញទៅដោយក្ដីសោមនស្ស រីករាយ ព្រោះជាឱកាសពិធីបុណ្យខួបអនុស្សាវរីយ៍លើកទី៦៧ ។លោកលើកឡើងថា ទិវាបុណ្យជាតិនេះ បានបញ្ជាក់ពីមោទនភាពជាតិ សម្រាប់សិទ្ធសេរីភាព អធិបតេយ្យភាព បូរណភាព ទឹកដីពេញលេញ បរិបូរណ៍ ចេញពីនឹមត្រួតត្រារបស់អាណានិគមបារាំង ដែលធ្លាប់ត្រួតត្រា កម្ពុជា ជិត១០០ឆ្នាំនាថ្ងៃទី៩ ខែវិច្ឆិកា ឆ្នាំ១៩៥៣ និងក្រោមបូជនីយកិច្ចតស៊ូទាមទារឯករាជរបស់អតីតព្រះមហាក្សត្រ ព្រះបាទ សម្ដេចព្រះនរោត្ដម សីហនុ ។

លោក អ៊ុំ រាត្រី បានថ្លែងទៀតថា ពិតមែនតែដំណាក់កាលនេះ បានកន្លងទៅយូរក៏ពិតមែនតែសម្រាប់កូនខ្មែរគ្រប់រូបនៅតែចងចាំ និងសូមឧទ្ទិសឲ្យកម្មវិធីដ៏មានសារៈសំខាន់នេះ ជាសក្ខីភាពតំណាងឲ្យភាពសុខក្សេមក្សាន្ត សម្បូរសប្បាយ ថ្កុំថ្កើង រុងរឿង ដល់កុលបុត្រ កុលធីតាខ្មែរ គ្រប់ជំនាន់។

លោក អ៊ុំ រាត្រី បានបញ្ជាក់ទៀតថា បុណ្យឯករាជជាតិលើកទី៦៧ នាឆ្នាំនេះ ស្ថិតក្នុងដំណាក់កាលដែលប្រទេសជាតិ ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជា កំពុងមានការអភិវឌ្ឍរីកចម្រើនលើគ្របវិស័យ ជាមួយនិងការរីកលូតលាស់នៃលទ្ធិប្រជាធិបតេយ្យ ក្នុងសុខសន្តិភាព និងសុវត្ថិភាព សណ្ដាប់ធ្នាប់សង្គមល្អប្រសើរ ៕
វ៉ាន់ ណាង



-
ព័ត៌មានអន្ដរជាតិ៧ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៣ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៥ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៥ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៥ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ