ឯកឧត្តម​ហ៊ុន ម៉ានី បញ្ជាក់​រូបថត​មួយ​សន្លឹក​ថត​កៀក​ឯកឧត្តម សួស យ៉ារ៉ា ដែល​ឆ្លង​កូវីដ ១៩ – Kampuchea Thmey Daily
Connect with us
ធនាគារ ហត្ថា

នយោបាយ

ឯកឧត្តម​ហ៊ុន ម៉ានី បញ្ជាក់​រូបថត​មួយ​សន្លឹក​ថត​កៀក​ឯកឧត្តម សួស យ៉ារ៉ា ដែល​ឆ្លង​កូវីដ ១៩

Published

on

ឯកឧត្តម​ ហ៊ុន ម៉ានី តំណាង​រាស្រ្ត​មណ្ឌល​ខេត្ត​កំពង់ស្ពឺ និង​ជា​កូនប្រុស​សម្តេច​តេជោហ៊ុន សែន​បាន​ឆ្លើយតប​រូបថត​មួយ​សន្លឹកដែល​លោក​បាន​ថត​កៀក​ឯកឧត្តម សួស យ៉ារ៉ា ដែល​បាន​ឆ្លង​កូវីដ ១៩ គឺ​ជា​រូបថត​ចាស់​កាល​ពី​ឆ្នាំ ២០១៩។

លោក​បញ្ជាក់​ដូច្នេះ​ថា “ដោយបានឃើញនូវរូបភាពរបស់ខ្ញុំ និងថ្នាក់ដឹកនាំមួយចំនួនទៀត ត្រូវបានបង្ហោះផ្សព្វផ្សាយតាមបណ្តាញសង្គម និងដោយបានផ្សារភ្ជាប់ខ្ញុំទៅនឹងឯកឧត្តម សួស យ៉ារ៉ា ដែលត្រូវបានក្រសួងសុខាភិបាលប្រកាសថា បានឆ្លងជំងឺកូវីដ-១៩ ខ្ញុំសូមជម្រាបជូនដល់សាធារណៈជនទាំងអស់ថា រូបភាពទាំងនោះ គឺជារូបភាពចាស់ កាលពីឆ្នាំ២០១៩ កាលដែលយើងទាំងអស់គ្នាបានទៅចូលរួមបុណ្យឯករាជ្យជាតិ”។

ឯកឧត្តម​បញ្ជាក់​ថា ស្ថានភាពសុខភាពរបស់លោក​មានភាពល្អប្រសើរជាប្រក្រតី ហើយក្នុងរយៈកាលក្រោយព្រឹត្តិការណ៍ ៣ វិច្ឆិកានេះ លោក​មិនបានជួបប្រាស្រ័យទាក់ទងជាមួយឯកឧត្តម សួស យ៉ារ៉ា ឬអ្នកដែលពាក់ព័ន្ធនឹងព្រឹត្តិការណ៍ ៣ វិច្ឆិកានោះទេ។ឆ្លៀតក្នុងឱកាសនេះ លោកក៏​សូមអំពាវនាវឲ្យជនរួមជាតិ បន្តរក្សាភាពស្ងប់ស្ងាត់ រួមគ្នាការពារខ្លួន និងក្រុមគ្រួសារ និងសូមជូនពរឲ្យជនរួមជាតិទាំងអស់មានសុខភាពល្អ។ ទាំងអស់គ្នា! រួមគ្នា! យើងនឹងអាចឆ្លងផុតគ្រាលំបាកនេះជាមួយគ្នា!៕

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម