Connect with us

អាជីព

៥​យ៉ាង​ មនុស្ស​ឆ្លាត​ តែងតែ​ធ្វើ​ដើម្បី​ឲ្យ​ការ​សន្ទនា​មាន​ប្រសិទ្ធភាព​

បានផុស

នៅ

​ហេតុអ្វី​អ្នកខ្លះ​អាច​កសាង​ទំនាក់ទំនង​បាន​ល្អ ក្រោយ​ជំនួប​ទី​មួយ​? ចុះ​ហេតុអ្វី​អ្នកខ្លះ​បែរជា​មិន​អាច​? ចម្លើយ មកពី​របៀប ​នៃ​ការ​ជជែក​នោះ​មាន​បែបផែន​ផ្សេងគ្នា ហើយ​អ្នក​ដែល​អាច​កសាង​បណ្ដាញ​បាន​ខ្លាំង គឺ​ដោយសារ​គេ​ចេះ​គន្លឹះ​សន្ទនា​គ្នា​ឲ្យ​មាន​ប្រសិទ្ធភាព​។​

១. ផ្ដោត​លើ​បុគ្គល​ដែល​កំពុងតែ​ជជែក​ជាមួយ​

ចិត្តវិទូ Todd Kashdan នៅ​សាកលវិទ្យាល័យ George Mason ជា​អ្នកនិពន្ធ​សៀវភៅ​ចំណងជើង Curious? បានសរសេរថា “​ការផ្ដោត​ចំណាប់អារម្មណ៍​លើ​អ្នកដទៃ​មាន​សារៈសំខាន់​ជាង​ខ្លួនឯង ព្រោះ​វា​ជា​ប្រភព​ នៃ​កា​រ​កសាង​ទំនាក់ទំនង​ល្អ​”​។ ដូច្នេះ កាលណា​យើង​ធ្វើ​អ្វី ឬ​តែ​និយាយ​អ្វី​ដែល​ទាក់ទង​នឹង​ចំណាប់អារម្មណ៍​របស់​អ្នកដទៃ យើង​នឹង​មាន​ការ​ភ្ញាក់ផ្អើល​ចំពោះ​លទ្ធផល​ នៃ​ការ​សន្ទនា​នោះ​។​

២. បង្ហាញ​ស្នាមញញឹម​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​ការស្រាវជ្រាវ​របស់​អ្នក​ចិត្ត​វិទ្យា​ដដែល​នេះ​បាន​កំណត់​ថា ស្នាមញញឹម​អាចធ្វើ​ឲ្យ​យើង​មាន​ភាព​ទាក់ទាញ​ចំពោះ​អ្នកដទៃ​ខ្លាំង​បំផុត​។ វា​ជួយ​បង្កើន​ទំនុក​ចិត្ត​ចំពោះ​ខ្លួនឯង ក៏ដូចជា​ទាក់​ទាញ​អារម្មណ៍​មនុស្ស​នៅ​ជុំវិញ​ផង​ដែរ​។ ហេតុនេះ​ទើប​បុគ្គល​ជោគជ័យ​ការ​ជជែក​ផ្សេងៗ តែងតែ​រៀន​ញញឹម​ឲ្យ​បាន​ច្រើន ដើម្បី​ឲ្យ​វា​ក្លាយ​ជា​ទម្លាប់​របស់​គេ​។​

៣. ស្តាប់​ច្រើន និយាយ​តិច​

នៅ​រាល់​ការជជែក​នានា មនុស្ស​ជាច្រើន​និយម​ដណ្ដើម​គ្នា​និយាយ ដើម្បី​បញ្ចេញមតិ​ ឬ​យោបល់​រៀង​ខ្លួន​សម្រាប់​បង្ហាញថា​ខ្លួន​មានគំនិត​ល្អ ឬ​ចង់​ប្រាប់ថា ខ្លួនគេ​មាន​ភាព​លេចធ្លោ​ជាដើម​។​

​ផ្ទុយទៅវិញ មនុស្ស​ឆ្លាត​ចេះ​ស្ដាប់​ច្រើនជាង​និយាយ​។ ជា​លទ្ធផល ពួកគេ​ទទួល ​និង​ប្រមូល​ព័ត៌មាន​បាន​ច្រើន ព្រមទាំង​មាន​ពេល​សង្កេត​អារម្មណ៍​មនុស្ស​ក្បែរ​គ្នា​បាន​កាន់​ខ្លាំង​ផងដែរ​។​

៤. បង្ហាញ​ការ​គោរព​ចំពោះ​ដៃគូ​

ការ​គោរព​ជា​សុជីវធម៌​ដែល​មនុស្ស​គ្រប់គ្នា​ត្រូវការ​ខ្លាំង​ណាស់​។ មនុស្ស​ដែល​ចេះ​កសាង​បណ្ដាញ រមែង​ចេះ​កសាង​ការ​គោរព ព្រមទាំង​ចេះ​ផ្ដល់​តម្លៃ​ឲ្យ​ដៃគូ​សន្ទនា មិន​ថា​គេ​ជា​មនុស្ស​ដែល​មាន​ឋានៈ​តូច​ទាប​ជាង ជា​កូនចៅ ឬ​មាន​វ័យក្មេង​ជាង​ក៏ដោយ​។​

​ហេតុនេះ​បានជា​ចាត់​ទុក​ការ​គោរព ជា​ផ្នែក​សំខាន់​មួយទៀត​នៅ​ក្នុង​ជជែក ពិភាក្សា ការ​ដេញដោល និង​បទ​បង្ហាញ​ផ្សេងៗ​។​

៥. និយាយ​លេង​ខ្លះ​

គ្រប់ការ​សន្ទនា​ទាំងឡាយ មិន​អាច​ធ្វើឡើង​ដោយ​តឹងតែង​ពេក​ទេ ព្រោះ​វា​នាំ​ឲ្យ​មាន​សម្ពាធ​។ ការ​បន្ថែម​ការ​លេង​សើច​តិចតួច ជា​ការ​បន្ធូរ​អារម្មណ៍ ក៏ដូចជា​បង្ហាញ​ពី​ភាព​ស្និទ្ធស្នាល​រវាង​គ្នា​។ ខណៈ​ដែល​រឿង​មួយ​ចំនួន ត្រូវ​និយាយ​បែប​ផ្លូវការ​យ៉ាងណាក្ដី ប៉ុន្តែ​បើ​បង្ហាញ​ពី​បែបបទ​ម៉ត់ចត់​ខ្លាំង​ហួស ប្រាកដ​ណាស់​ថា ភាព​តានតឹង​ផ្លូវ​ចិត្តនឹង​កើតឡើង​។​

​បុគ្គល​វៃ​ឆ្លាត​ តែងតែ​ចេះ​កែ​ស្ថានការណ៍ និង​បត់បែន ធ្វើ​ឲ្យ​ជំនួប​នានា​មាន​ប្រសិទ្ធភាព​ជានិច្ច​៕

ប្រែ​សម្រួល​ ៖ សន្យា​

ប្រភព​​ ៖ Inc.

ចុចអាន៖ចង់បាន​ក្រុមការងារ​ពេញ​ដោយ​ថាមពល​ និង​ស្វាហាប់ ព្រមទាំង​ស្ថិតស្ថេរ​ផង​ដែរ​?

ចុចអាន៖ចង់​លើកដៃ​ក្នុង​អង្គប្រជុំ​ដែរ តែ​នៅ​មិនទាន់​ហ៊ាន​និយាយ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៣ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៤ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៤ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៤ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម