អាជីព

គ្មានមុខរបរ គ្មានលុយចាយ លែងជាបញ្ហា! គ្រាន់តែចេះវិធីទាំងនេះរកការងារបានឆាប់

បានផុស

៤ years មុន

នៅ

ថ្ងៃព្រហស្បតិ៍ ៤ មិថុនា ២០២០

ដោយ

ការស្វែងរកការងារមិនមែនជាបញ្ហាសម្រាប់យើងទេ តែសួរថាការងារដែលយើងកំពុងតែស្វែងរកនោះ យើងពេញចិត្តស្រលាញ់ ហើយបានផ្ដល់ផលប្រយោជន៍អ្វីខ្លះនៅមុនពេលនិងក្រោយពេលបញ្ចប់ការងារនោះ?

មនុស្សម្នាក់ៗ តែងតែចង់បានការងារល្អ មេល្អ និងការងារដែលផ្ដល់នូវបទពិសោធន៍ដល់ខ្លួន ប៉ុន្តែមានក្រុមហ៊ុននិងកន្លែងការងារមួយចំនួនជ្រើសរើសបុគ្គលិកមិនបានត្រឹមត្រូវនិងគ្មានវិជ្ជាជីវៈ ។ ក្រុមហ៊ុនតែងតែស្វែងរកបុគ្គលិកល្អបំផុត ដោយអនុវត្តផែនការជាក់លាក់ដែលអាចភ្ជាប់បណ្ដាញជាមួយមនុស្សត្រឹមត្រូវនិងអនុវត្តទៅមិនខុសកន្លែង។ សូមចងចាំថា មានការងារនៅមិនទាន់គ្រប់គ្រាន់ទេ ប៉ុន្តែត្រូវតែបានគោរពនិងកិច្ចព្រមព្រៀងឱ្យបានពិតប្រាកដដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះគឺ ជាយុទ្ធសាស្ត្រដែលអាចជួយក្នុងការស្វែងរកការងារដែលយើងពេញចិត្តនិងគន្លឹះល្អៗមួយចំនួនទៀត។

ចូលរួមកម្មវិធីសន្និសីទ

ជាឱកាសល្អ រាល់ពេលចូលរួមសន្និសីទ ក្នុងការបញ្ចេញសមត្ថភាពនិងសក្ដានុពលរបស់យើងនៅក្នុងពេលមានអ្នកមុខមាត់និងអ្នកជំនួញផ្សេងៗដើម្បីបង្កើតចំណងមិត្តភាពនិងកសាងទំនាក់ទំនងរឹងមាំជាមួយមនុស្សដែលមានសក្ដានុពលបំផុតនៅក្នុងកម្មវិធី។

ចូលរួមក្នុងប្រព័ន្ធសង្គម

ប្រព័ន្ធសង្គមក៏ជាចំណែកមួយក្នុងការផ្ដល់ភាពងាយស្រួលសម្រាប់យើងផងដែរ។ នៅក្នុងសង្គមហ្វេសប៊ុកជាកន្លែងដែលប្រមូលផ្ដុំគ្នាដ៏មានប្រយោជន៍ក្នុងការចែករំលែកការងារនិងបទពិសោធន៍ផ្សេងៗ។ លើសពីនេះវាក៏អាចជួយពីការរស់នៅក្នុងសង្គមនិងការសិក្សារៀនសូត្រពីគន្លឹះជោគជ័យរបស់សេដ្ឋីៗ។

ការជួយជ្រោមជ្រែងពីគ្រួសារនិងមិត្តភក្ដិ

ពិតជាការល្អដែលយើងមានការជួយសម្រួលក្នុងការបំពេញការងារ ឬធ្វើការងារណាមួយដែលមានការជំរុញចិត្តពីគ្រួសារនិងមិត្តភក្ដិ។ ប្រសិនបើបានពួកគេជួយឱ្យទៅធ្វើការងារដែលពួកគេអាចបញ្ជូនយើងទៅរកចៅហ្វាយរបស់ពួកគេ វាពិតជាល្អ។

ស្វែងរកការងារក្រៅម៉ោង

ទោះបីមិនទាន់មានការងារល្អមួយក៏ដោយ ប៉ុន្តែយើងអាចរកការងារក្រៅម៉ោងដើម្បីបង្កើនសមត្ថភាព។ បទពិសោធន៍នឹងត្រួសត្រាយផ្លូវក្នុងការភ្ជាប់ទំនាក់ទំនងជាមួយមនុស្សនិងសង្គមការងារ។ មុនពេលសម្រេចចិត្តថាធ្វើការកន្លែងណាមួយ សូមធ្វើវាឱ្យអស់ពីសមត្ថភាពនិងចំណេះដឹង។ នេះ

បង្កើតការទំនាក់ទំនងជាបណ្ដាញ

ទំនាក់ទំនងពិតជាចំណុចសំខាន់ក្នុងការផ្សារភ្ជាប់មិត្តភក្ដិនិងការប្រាស្រ័យទាក់ទងក្នុងប្រព័ន្ធសង្គមនានា។ ការភ្ជាប់បណ្ដាញជាមួយប្រជាជនជាមធ្យោបាយដ៏វែងមួយក្នុងការផ្ដល់ឱ្យយើងនូវព័ត៌មានអំពីការប្រកាសជ្រើរើសបុគ្គលិកដែលយើងកំពុងដាក់ពាក្យសុំ និងរក្សាយើងឱ្យនៅនៅតែមានទំនាក់ទំនងល្អជាមួយមនុស្សម្នា។

ជំនួបជាមួយអ្នកជំនាញ

Linkedin ជាកន្លែងប្រមូលផ្ដុំទៅដោយ អ្នកជំនាញអាជីវកម្មដើម្បីដោះដូរគំនិតគ្នាទៅវិញទៅមក និងចំណេះដឹងដែលយើងអាចយកគំរូតាមបាន។ LinkedIn បានបង្កើតនូវជម្រើសជាច្រើនដែលយើងអាចភ្ជាប់ទំនាក់ទំនងជាមួយមនុស្សនិងធ្វើអន្តរកម្មដោយផ្ទាល់ជាមួយពួកគេ។

កែប្រវត្តិរូបសង្ខេប

ប្រវត្តិរូប ជាបទបង្ហាញដំបូងរបស់ខ្លួនទៅកាន់ក្រុមហ៊ុនណាមួយ។ គួរធ្វើការកែសម្រួលប្រវត្តិរូបសង្ខេបរបស់យើងទៅតាមតម្រូវការរបស់ក្រុមហ៊ុន ហើយបង្ហាញខ្លួនយើងជាបេក្ខជនដែលគេចង់បានបំផុត ៕

ប្រែសម្រួល៖ សន ផានិត

ចុចអាន៖ ៥ ចំណុចទាក់ទាញបុគ្គលិកល្អនៅធ្វើការយូរអង្វែង

Related Topics:ស្វែងរកការងារ