កុំនិយាយច្រើនជាងសកម្មភាព នៅពេលឡើង​ធ្វើជាមេដឹកនាំ – Kampuchea Thmey Daily
Connect with us
ធនាគារ ហត្ថា

អាជីព

កុំនិយាយច្រើនជាងសកម្មភាព នៅពេលឡើង​ធ្វើជាមេដឹកនាំ

Published

on

មនុស្ស​ខ្លះពូកែនិយាយណាស់ ឱ្យនិយាយពីព្រឹកទើសល្ងាច​ក៏មិនចេះខ្វះ​រឿងនិយាយដែរប៉ុន្តែ ការនិយាយមិនចាំបាច់ទាំងនោះ ជាសត្រូវនៃភាពជាអ្នកដឹកនាំដែលបណ្តាលឱ្យពិន្ទុ​យើងថយចុះខ្លាំង មិនទទួលបានការគោរពក្នុងចំណោមកូនចៅ ។

ការនិយាយច្រើន​​ជាងសកម្មភាព បាននាំមេដឹកនាំម្នាក់ៗក្លាយទៅជាអ្នកនិយាយហួសហេតុ តាម​របៀបខាងក្រោមដោយមិនដឹងខ្លួន៖

១ និយាយអួតអាង

ដូចដែលអ្នកជំនាញជាច្រើនបានសរសេរទុកមកគឺថា ភាពដឹកនាំដែលមាន​ចរិត​បើកចំហមិនគ្រប់គ្រាន់ទេ អ្នកដឹកនាំត្រូវ​ផ្តល់អំណាចដល់និយោជិកក្នុងការនិយាយ ដូច្នេះ​បើយើងនិយាយច្រើនពេក គេបានអ្វីនិយាយ? ពិសេសពេលមេដឹកនាំមានចរិតអួតមិនឈប់ឈរ​តើអ្នកណាចូលចិត្ត​ស្តាប់ហើយ ក្រុមហ៊ុនឬស្ថាប័ននោះខាតពេលយ៉ាងណាទៅ?

វិធីមួយដើម្បីសំរេចបានការកាត់បន្ថយការនិយាយរបស់យើង គឺទម្លាប់លង្វិលជុំឱ្យពួកគេមាន​យោបល់គ្រប់ៗគ្នា​ឬយើងទម្លាប់សួរពួកគេឱ្យរៀន​ឆ្លើយ ពីព្រោះថា ពេលមាន​គេនិយាយច្រើន​យើងនឹង​បង្អង់ការអួតអាង​ឬយល់ថាមានតែយើង​ដែលមាន​គំនិតល្អ។ អ្នកដឹកនាំល្អ​ជាអ្នកស្តាប់ល្អមិនមែន​ដណ្តើម​តែនិយាយទេ។

២ និយាយធ្លាយការសម្ងាត់

ការនិយាយច្រើន​ធ្វើឱ្យធ្លោយការសម្ងាត់ព្រោះគ្រប់គ្រង​ខ្លួនឯងមិនបាន។ មនុស្សជាច្រើន​ត្រូវបាន​គេដកទំនុកចិត្ត​ព្រោះការធ្លោយប៉ប៉ាច់នេះ និងកម្របានការងារធំដុំធ្វើ​ព្រោះនិយាយច្រើន​ឥតន័យ។ ធ្វើជាមេដឹកនាំតោងអាច​ទុក​អ្វីៗ​ដែលខ្លួនឮជារឿងមិនចាំបាច់បញ្ចេញ​ហើយនឹង​និយាយវា​ចេញតែក្នុងករណីចាំបាច់ប៉ុណ្ណោះ។

៣ និយាយយូរជាន់កែងខ្លួនឯង

ការនិយាយ​យូរទៅ​នឹង​ជាន់ដាន​សម្តី​ខ្លួន​ធ្វើឱ្យបាត់បង់ការកោតគោរព ដែលសាងមកលំបាក​បំផ្លាញ​ងាយស្រួល។ ទោះបីជា​ ប្រើការលេងសើចអាច​ជួយកាត់បន្ថយភាពតានតឹងនិងចម្ងាយទំនាក់ទំនង​រវាងថៅកែនិងនិយោជិកបានពិតមែន​ប៉ុន្តែ មិនមែន​រាល់ថ្ងៃរាល់ពេលឬគ្រប់ប្រធានបទនោះទេ។ និយាយយូរទៅនឹង​ចូលដល់រឿងសាសនាគឺជារឿងផ្ទាល់ខ្លួនហើយមនុស្សជាច្រើនមានការយល់ដឹងយ៉ាងខ្លាំងអំពីជំនឿរបស់ពួកគេ។ អ្នកមិនចាំបាច់លាក់បាំងសាសនាឬនយោបាយ​ដែល​ជាសិទ្ធ​ិផ្ទាល់ខ្លួន​ នៃមនុស្សម្នាក់ៗ រឹតតែមិនសមនឹង​យកមកពិភាក្សានៅកន្លែង​ធ្វើការ​។ សូម្បីតែការរឿងដែលយើង​មានគម្រោងបោះឆ្នោតឱ្យអ្នកណា​ក៏​អាចមានហានិភ័យ ឬគេអាចស្មាន​ដឹងតាមរយៈពាក្យ​ប៉ប៉ោចរបស់យើង។ លុះត្រាតែអ្នកធ្វើការឱ្យបេក្ខជនឬគណបក្សនយោបាយព្រោះនៅពេលនោះការនិយាយនយោបាយប្រហែលជាត្រូវបានលើកទឹកចិត្ត។

៤ រវល់និយាយមិនសូវបានធ្វើការ​

មនុស្ស​ដែលនិយាយច្រើនជាទូទៅធ្វើការបានតិច។ ការនិយាយគឺហត់ស្មើនឹង​ធ្វើការ​ដែរ​ដូច្នេះ​ហើយ​ប្រសិនមានបុគ្គលិកនិយាយមិនឈប់​ច្បាស់ណាស់នាយកដ្ឋាននោះមិនសូវមាន​លទ្ធផលទេ។ ប្រសិនអ្នកចូលចិត្ត​និយាយច្រើនពីកំណើត​គួរតែចងវិន័យ​ដល់ខ្លួនឯងឱ្យបាន​តឹងរឹង ព្រោះថា គ្រប់វិជ្ជាជីវៈឱ្យតម្លៃការនិយាយតិច ស្តាប់ច្រើន ហើយ​នៅកន្លែងធ្វើការនិមួយៗ​ត្រូវការ​ផ្ចង់អារម្មណ៍ស្ងៀមស្ងាត់។

៥ និយាយ​រហូត​ដល់គេលែងស្តាប់

អ្វីក៏ដោយ តិចៗទើបមាន​តម្លៃ​និយាយច្រើនពេក​ក្លាយជា​មិនបានការ ទោះរឿងទាំងនោះសំខាន់យ៉ាងណាក្តី។ ប្រសិន​ចង់ផ្តល់ព័ត៌មាន​ឬផ្តល់យោបល់លើអ្វីមួយ គួររង់ចាំដល់មានការសាកសួរជាមុនសិន សឹម​ផ្តល់ឬ ទាល់តែនោះជាឱកាស​ដែលគ្រប់គ្នា​ចង់ដឹង​សឹម​បង្ហើប​។

ដោយសុភា

ប្រភព HRB

ចុចអាន បីយ៉ាង​ជួយឱ្យរកលុយបានទាំងវ័យក្មេង

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម