៨ចំណុច​ ដែល​​សហគ្រិនស្ត្រី​ក្នុង​តំបន់អាស៊ី​គួរ​តែយល់​ដឹង – Kampuchea Thmey Daily
Connect with us
ធនាគារ ហត្ថា

អាជីព

៨ចំណុច​ ដែល​​សហគ្រិនស្ត្រី​ក្នុង​តំបន់អាស៊ី​គួរ​តែយល់​ដឹង

Published

on

ស្ត្រី​ដើរ​តួនាទី​យ៉ាង​សំខាន់​ក្នុង​ការ​អភិវឌ្ឍ​សេដ្ឋកិច្ច​ប្រកប​ដោយ​ភាព​ច្នៃប្រឌិត​ និង​ការ​ពង្រីក​អាជីវកម្ម​នៅ​អាស៊ី​និង​ប៉ាស៊ីហ្វិក។

នេះ​គឺ​ជា​ឱកាស​និង​បញ្ហា​ប្រឈម​ចំនួន ៨ ដែល​សហគ្រិន​ជា​ស្ត្រី​កំពុង​ប្រឈម​ នៅ​ក្នុង​តំបន់​ដែល​ពួកគេ​រស់នៅ ៖

១. ស្ត្រី​មាន​ចំនួន​ច្រើន​ជាង​ពាក់​កណ្ដាល​នៃ​ចំនួន​ប្រជាជន​នៅ​ក្នុង​ទ្វីប​អាស៊ី​ ហើយ​អង្គការ​សហប្រជាជាតិ​ប៉ាន់ប្រមាណ​ថា​ សេដ្ឋកិច្ច​អាស៊ី​ប៉ាស៊ីហ្វិក​នឹង​ទទួល​បាន​ប្រាក់​ចំណូល​បន្ថែម​ចំនួន ៨៩ ពាន់​លាន​ដុល្លារ​ ជា​រៀង​រាល់​ឆ្នាំ ​ប្រសិន​បើ​ស្ត្រី​អាច​ទទួល​បាន​សក្ដានុពល​សេដ្ឋកិច្ច​ពេញលេញ​របស់​ពួកគេ។

២. សហគ្រិន​ស្ត្រី​ក៏ដូចជា​បុរស ​ពួកគេចង់ចាប់ផ្ដើម​អាជីវកម្ម ​ប្រសិន​បើ​បរិយាកាស​អាជីវកម្ម​ទូទៅ​មាន​លក្ខណៈ​អំណោយផល។

៣. មាន​អាជីវកម្ម​ខ្នាត​តូច​ដែល​ជា​កម្មសិទ្ធិ​របស់​ស្ត្រី​ជា​ផ្លូវ​ការ​ នៅ​អាស៊ី​បូព៌ា​ជិត ៦ លាន។ ហើយ​នៅ​ក្នុង​សេដ្ឋកិច្ច​ដូចជា​ឥណ្ឌូណេស៊ី ម៉ាឡេស៊ី ថៃ និង​វៀតណាម អាជីវកម្ម​ដែល​គ្រប់គ្រង​ដោយ​ស្ត្រី​កំពុង​កើន​ឡើង​ និង​កើន​ឡើង​ក្នុង​អត្រា​មួយ​យ៉ាង​លឿន។

៤. នៅ​សាធារណរដ្ឋ​ប្រជាមានិត​ចិន ​ស្ត្រី​តែងតែ​បង្ហាញ​អត្តសញ្ញាណប័ណ្ណ​របស់​ប្ដី​ខ្លួន ​ដើម្បី​ដាក់​ពាក្យ​សុំ​ឥណទាន។ ស្រដៀង​គ្នា​នេះ​ដែរ ​នៅ​ក្នុង​ប្រទេស​ហ្វីលីពីន ​ស្ត្រី​ជា​ញឹកញាប់​ត្រូវ​តែ​មាន​ហត្ថលេខា​របស់​ប្ដី​របស់​ពួកគេ ​លើ​ឯកសារ​ប្រាក់​កម្ចី។

៥. ភស្តុតាង​បង្ហាញ​ថា ​ស្ត្រី​មាន​ទំនោរ​ជា​ម្ចាស់​កម្មសិទ្ធិ​ដី​ធ្លី​តិច​ ហើយ​ដឹកនាំ​សហគ្រាស​តូច​ៗ។ នៅ​ឥណ្ឌូណេស៊ី ៨៥% នៃ​សហគ្រិន​ជា​ស្ត្រី​ ជា​ម្ចាស់​អាជីវកម្ម​ខ្នាត​តូច ​ចំណែក​ការ​សិក្សា​នៅឡាវ​បាន​បង្ហាញ​ថា ​ស្ត្រី​ជា​ម្ចាស់​សហគ្រាស​ធុន​តូច​និង​មធ្យម ៦៣ % ​ប៉ុន្តែ​សហគ្រាស​ខ្នាត​តូច​និង​មធ្យម​ ជា​របស់​បុរស​មាន​ទំហំ​ធំ​ជាង។

៦. ការ​អប់រំ​ខ្ពស់​ផ្ដល់​ជូន​សហគ្រិន​ស្ត្រី​នូវ​ជំនាញ​ បណ្ដាញ​និង​ធនធាន​ ដើម្បី​ធ្វើ​ឲ្យ​អាជីវកម្ម​របស់​ពួកគេ​ទទួល​បាន​ជោគជ័យ។ ទោះ​យ៉ាងណា​ក៏​ដោយ ​នៅ​ក្នុង​សេដ្ឋកិច្ច​ដែល​កំពុង​អភិវឌ្ឍ​និង​កំពុង​រីកចម្រើន​ មាន​ភាគរយ​ទាប​នៃ​សហគ្រិន​ស្ត្រី​ដែល​មាន​ការ​អប់រំ​ខ្ពស់។

៧. នៅ​ឥណ្ឌូណេស៊ី​ក្មេង​ស្រី​ចំនួន ៤៨ ០០០ នាក់​បាន​ទទួល​ការ​បណ្ដុះបណ្ដាល​បច្ចេកទេស​និង​វិជ្ជាជីវៈ​ផ្នែក​វិទ្យាសាស្ត្រ​កុំព្យូទ័រ​ ធុរកិច្ច​ទេសចរណ៍​និង​បដិសណ្ឋារកិច្ច។ ទិន្នន័យ​ពី​សាលា​គំរូ​ចំនួន ៤០ បង្ហាញ​ថា​ ក្នុង​ចំណោម​និស្សិត​ស្រី​ចំនួន ១០ ១៤២ នាក់​ដែល​បាន​បញ្ចប់​ការ​សិក្សា​ក្នុង​ឆ្នាំ ២០១១ មាន ៤១% មាន​ការងារ​ធ្វើ​ និង ១២% បាន​ចាប់ផ្ដើម​អាជីវកម្ម​ផ្ទាល់ខ្លួន។

៨. ប្រមាណ ៤២% នៃ​ប្រាក់​កម្ចី​ពីកំពូលស្ថាប័ន​មីក្រូ​ហិរញ្ញ​វត្ថុ​ចំនួន ១៤ ជាមូលនិធិ​ធនាគារ​អភិវឌ្ឍន៍​អាស៊ី​នៅ Tajikistan ត្រូវ​បាន​ផ្ដល់​ដល់​ស្ត្រី​ដែល​​ចូលរួម​ក្នុង​សកម្មភាព​សហគ្រិន​ បង្កើន​ប្រាក់​ចំណូល​និង​ពង្រីក​ប្រភព​ចំណូល​របស់​ពួកគេ៕

ប្រែសម្រួល៖ សាង ស្រីល័ក្ខ

ប្រភព៖adb

Click to comment

Leave a Reply

Your email address will not be published.

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ9 mins ago

លោក សុខ ឥសាន ៖ ពាក្យ​ថា “​រំលោភ សិទ្ធិមនុស្ស​” កំពុង​ពេញនិយម​សម្រាប់​ប្រទេស​កម្ពុជា

ព័ត៌មានជាតិ16 mins ago

មន្ត្រីជាន់ខ្ពស់​ក្រសួងមហាផ្ទៃ ​៖ ​ការប្រើប្រាស់​ប្រព័ន្ធ​ព័ត៌មានវិទ្យា​មិនបាន​ត្រឹមត្រូវ​នាំ​ឲ្យ​ប៉ះពាល់​ដល់​សង្គមជាតិ

កីឡា24 mins ago

គ្រាន់តែ​មួយថ្ងៃ​ដំបូង​ក្រសួងមហាផ្ទៃ​ដណ្តើម​មេដាយមាស​៧​គ្រឿង​ពី​ការប្រកួត​កីឡា​តេ​ក្វាន់​ដូ “ITF”​ជើងឯក​ថ្នាក់ជាតិ ២០២០

ព័ត៌មានជាតិ32 mins ago

ក្រសួងពាណិជ្ជកម្ម ​ចាប់ផ្តើម​បន្ត​រៀបចំ​ពិព័រណ៍​ផលិតផល​ខ្មែរ​ឡើងវិញ

ព័ត៌មានជាតិ40 mins ago

ក្រសួងកសិកម្ម​ ចេញ​ញត្តិ​បដិសេធ​ចំពោះ​ផេក​មួយ​ ដែល​បង្ហោះ​​សារ​បង្អាប់​បង្អោន​កិច្ច​ខិត​ខំ​ប្រឹង​ប្រែង​របស់​មន្ត្រីរាជការ​​

ព័ត៌មានពេញនិយម