កីឡា

ការប្រកួតប្រដាល់ជ្រើសរើសជើងឯកថ្នាក់ជាតិ ត្រូវបានពន្យារពេល

Published

3 weeks ago

November 10, 2020

ការប្រកួតកីឡាប្រដាល់គុនខ្មែរ ជ្រើសរើសជើងឯកថ្នាក់ជាតិប្រចាំឆ្នាំ២០២០ ដែលគ្រោងប្រារព្ធធ្វើនៅថ្ងៃទី១៦ ដល់ថ្ងៃទី២០ ខែវិច្ឆិកា ឆ្នាំ២០២០នោះ ត្រូវបានធ្វើការពន្យារការប្រកួតហើយ។

នេះបើតាមការឲ្យដឹងរបស់លោកឧត្តមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរ បានចុះហត្ថលេខាលើសេចក្តីជូនដំណឹងលេខ២១៦ ស.គ.ខ ចុះថ្ងៃទី០៩ ខែវិច្ឆិកា ឆ្នាំ២០២០ម្សិលមិញនេះ។

លោកឧត្តមសេនីយ៍ តែម ម៉ឺន បានបញ្ជាក់ក្នុងសេចក្តីជូនដំណឹងថា ដោយយោងតាមលិខិតលេខ ៦៣ អយក. សជណ ចុះថ្ងៃទី ០៨ ខែវិច្ឆិកា ឆ្នាំ២០ ២០ របស់រដ្ឋមន្ត្រីក្រសួងអប់រំ យុវជន ប្រយុទ្ធនិងជំងឺកូវីដ-១៩ (Covid-19) និងកីឡា ស្តីពីការផ្អាកការលេងកីឡា ឬការហាត់ប្រាណគ្រប់ប្រភេទ ដែលមានលក្ខណៈប្រមូលផ្តុំ និង ការផ្អាកការចេញ-ចូលក្នុងបរិវេណពហុកីឡដ្ឋានជាតិជាបណ្ដោះអាសន្ននោះ សហព័ន្ធកីឡាប្រដាល់គុនខ្មែរ សម្រេចពន្យារពេលការប្រកួតកីឡាប្រដាល់គុនខ្មែរ ជ្រើសរើសជើងឯក ថ្នាក់ជាតិប្រចាំឆ្នាំ២០២០ ដែលនឹងគ្រោងប្រារព្ធធ្វើនៅថ្ងៃទី១៦ ដល់ថ្ងៃទី២០ ខែវិច្ឆិកា ឆ្នាំ២០២០នោះ លើកទៅពេលខាងមុខវិញ។

សហព័ន្ធប្រដាល់គុនខ្មែរ គ្រោងរៀបចំការប្រកួតប្រដាល់គុនខ្មែរជ្រើសរើសជើង ឯកថ្នាក់ជាតិប្រចាំឆ្នាំ២០២០ រយៈពេល ៥ថ្ងៃ ចាប់ពីថ្ងៃទី១៦ ដល់ថ្ងៃទី២០ ខែវិច្ឆិកា នៅក្នុងមជ្ឈមណ្ឌលហ្វឹកហ្វឺនកីឡាកងយោធពលខេមរភូមិន្ទ(ស្តាតចាស់)។

សូមបញ្ជាក់ថា ការប្រកួតជើងឯកនេះ ធ្វើឡើងក្រោមគម្រោងថវិការបស់ក្រសួងអប់រំយុវជន និងកីឡា ដែលរាល់ការចំណាយសព្វបែបយ៉ាង តាំងពីការធ្វើដំណើរ ស្នាក់នៅ ហូបចុក និងប្រាក់រង្វាន់ ជាដើម គឺថិតក្នុងគម្រោងថវិការដ្ឋទាំងអស់។ គួររំលឹកឲ្យដឹងដែរថា កាលពីរៀបចំការ ប្រកួតប្រដាល់គុនខ្មែរឆ្នាំ២០១៩ មាន ១៥ សមាគមរាជធានី-ខេត្តនិងក្រសួង ៣ គឺក្រសួងមហាផ្ទៃ ក្រសួងការពារជាតិ និងក្រសួងសេដ្ឋកិច្ច និងហិរញ្ញវត្ថុ ចូលរួមការប្រកួតជើងឯកគិនខ្មែរនេះ៕

អត្ថបទ៖ វិសិទ្ធ

សូមចុចអាន៖ ក្រុមប៉េតង់ ទីស្ដីការគណៈរដ្ឋមន្ត្រី គ្រងតំណែងជើងឯក គរុគុណ