CAMSOC​ អំពាវនាវ​ដល់​អត្តពលិក គ្រូ បង្វឹក សហព័ន្ធ​កីឡា​ជាតិ ឲ្យ​ពង្រឹង​សមត្ថភាព​ត្រៀម​ ស៊ី​ហ្គេម​ឆ្នាំ​២០២៣ – Kampuchea Thmey Daily
Connect with us
ធនាគារ ហត្ថា

កីឡា

CAMSOC​ អំពាវនាវ​ដល់​អត្តពលិក គ្រូ បង្វឹក សហព័ន្ធ​កីឡា​ជាតិ ឲ្យ​ពង្រឹង​សមត្ថភាព​ត្រៀម​ ស៊ី​ហ្គេម​ឆ្នាំ​២០២៣

Published

on

អគ្គលេខាធិការ​គណៈកម្មាធិការ​ជាតិ​ បាន​អំពាវនាវ​ដល់​កីឡាករ​-​កីឡាការិនី គ្រូបង្វឹក ពិសេស​សហព័ន្ធ​កីឡា​ជាតិ ឲ្យ​ខិតខំ​ប្រឹងប្រែង​ ដើម្បី​ពង្រឹង​សមត្ថភាព​ត្រៀម​ដណ្ដើម​ឧត្តមភាព និង​ជោគជ័យ​នៅ​ស៊ី​ហ្គេម​ឆ្នាំ​២០២៣​។

​លោក វ៉ា​ត់ ចំរើន អគ្គលេខាធិការ CAMSOC​ បាន​អំពាវនាវ​បែបនេះ ខណៈ​ដែល​ការរៀបចំ​ប្រកួត​កីឡា​អាស៊ីអាគ្នេយ៍​លើក​ទី​៣២ ឆ្នាំ២០២៣ ដែល​កម្ពុជា​ទទួល​រៀបចំ​ធ្វើ​ម្ចាស់ផ្ទះ​នោះ​នៅសល់​ពេល​មិនជា​ច្រើន​នោះ ។

​គួរ​បញ្ជាក់​ថា ការប្រកួត​កីឡា​ស៊ី​ហ្គេម លើក​ទី​៣២ ឆ្នាំ​២០២៣ នៅ​កម្ពុជា នឹង​ប្រារព្ធ​ពិធី​បើក​ការប្រកួត នៅ​ថ្ងៃ​ទី​០៥ ខែ​ឧសភា និង​ប្រារព្ធ​ពិធី​បិទ​នៅ​ថ្ងៃ​ទី​១៧ ខែ​ឧសភា ឆ្នាំ​២០២៣​។ ​បន្ទាប់ពី​ចប់​ព្រឹត្តិការណ៍​២​ឆ្នាំ​ម្ដងនេះ កម្ពុជា​នឹង​បន្ដ​ធ្វើ​ម្ចាស់ផ្ទះ​ការប្រកួត​កីឡា​ជន​ពិការ​ប្រចាំ​តំបន់​ដ៏​ធំ​មួយទៀត គឺ​ការប្រកួត​កីឡា​អាស៊ាន​ប៉ា​រ៉ា​ហ្គេម លើក​ទី​១២ ដែល​នឹង​ចាប់ផ្ដើម​ពី​ថ្ងៃ ទី​០១​ដល់​ថ្ងៃ​ទី​១០ ខែ​មិថុនា ​ឆ្នាំ​២០២៣ ដដែល​។

​លោក​អគ្គលេខាធិការ​ វ៉ា​ត់ ចំរើន បាន​បន្ត​ថា ផ្ដើម​ចេញ​ពី​ពេលវេលា​ ដែល​នៅសល់​មិន​ជា​ច្រើន​នេះ កីឡាករ កីឡា​ការិនី គ្រូ បង្វឹក និង​សហព័ន្ធ​កីឡា​ជាតិ ក៏ដូចជា​ប្រជា​ពលរដ្ឋ​ទាំងអស់ គប្បី​យក​ស្មារតី​ពេល វេលា​នៅសល់​ក្នុង​ដំណើរ​ឆ្ពោះ​ទៅ​ស៊ី​ហ្គេម និង​អាស៊ាន​ប៉ា​រ៉ា​ហ្គេម​ឆ្នាំ​២០២៣ ទៅជា​ឆន្ទៈ​ដ៏​មោះមុត ផ្គុំ​កម្លាំង​គ្នា ដើម្បី​យើង​សម្រេច​បាន​ជោគជ័យ បើ​ទោះបី​កាលៈទេសៈ​កូ​វីដ​-១៩ មិនទាន់​ថមថយ​នៅ​ឡើយ​ក៏ដោយ ក៏​យើង​នៅតែ​អនុវត្ត​វិធាន ការទប់ស្កាត់​ទាំង​អស់​គ្នា និង​ធ្វើដំណើរ​យ៉ាង​ស្វាហាប់​ឆ្ពោះ​ទៅ​ស្វែងរក​ឧត្តមភាព និង​ជោគជ័យ​នៅ​ស៊ី​ហ្គេម​ឆ្នាំ​២០២៣​។

​កម្ពុជា​សល់​ពេល​៨៩៩​ថ្ងៃ​ទៀត​ប៉ុណ្ណោះ ក្នុង​ការ​ត្រៀមខ្លួន​ធ្វើ​ម្ចាស់​ផ្ទះ​ការ ប្រកួត​កីឡា​អាស៊ីអាគ្នេយ៍ លើក​ទី​៣២ ឆ្នាំ ២០២៣ (SEA Games 2023) បើ​គិត​ត្រឹម​ថ្ងៃ​ទី​១៧ ខែ​វិច្ឆិកា ឆ្នាំ​២០២០ រហូត ដល់​ថ្ងៃ​ទី​០៥ ​ខែ​ឧសភា​ ឆ្នាំ​២០២៣ ដែល​ជា​ថ្ងៃ​ប្រារព្ធ​ពិធី​បើក​ការប្រកួត​ផ្លូវការ នៃ​ព្រឹត្តិការណ៍​ប្រវត្តិសាស្ដ្រ​នៅ​កម្ពុជា​នេះ ។​ ​លោក​អគ្គលេខាធិការ​ CAMSOC បាន​ចាត់​ទុក​ពេលវេលា​នេះ គឺជា​ការ​ក្រើន​រំ​ឮ​ក​មួយ​ដ៏​សំខាន់​ដល់​កីឡាករ​-​កីឡាការិនី គ្រូ​បង្វឹក និង​សហព័ន្ធ​កីឡា​ជាតិ ក្នុង​ការ​ពង្រឹង​សមត្ថភាព​ត្រៀម​ដណ្ដើម​ឧ​ត្ត​ម ភាព និង​ជោគជ័យ​ជូន​ជាតិ​។

​ទន្ទឹមគ្នា​នេះ​ដែរ ក្នុងនាម​អគ្គលេខាធិការដ្ឋាន​CAMSOC លោក​ក៏បាន​ថ្លែង​អំណរ គុណ​ចំពោះ​រាជរដ្ឋាភិបាល ថ្នាក់ដឹកនាំ CAMSOC ដែល​មាន​សម្ដេច​ពិជ័យ​សេ នា ទៀ បាញ់ ជា​ប្រធាន ក៏ដូចជា​ឧបនាយក​រដ្ឋ​មន្ដ្រី អូន ព័ន្ធមុនីរ័ត្ន អនុប្រធាន CAMSOC ដែល​តែង​សម្របសម្រួល​ផ្នែក​ហិរញ្ញវត្ថុ​ ជំរុញ​ឲ្យ​អនុវត្ត​ការងារ​របស់​ស្ថាប័ន​ទទួលបន្ទុក​រៀបចំ​ព្រឹត្តិការណ៍​ស៊ី​ហ្គេម​នេះ ដំណើរការ​ប្រកបដោយ​និរន្តរ​ភាព​ពិសេស​ ក៏​មាន​ការ​គាំទ្រ​ ពី​ក្រសួង​អប់រំ​យុវជន និង​កីឡា​, គណៈកម្មាធិការ​ជាតិ​អូឡាំពិក​កម្ពុជា និង​សហព័ន្ធ​កីឡា​ជាតិ​ផ ង​ដែរ៕

អត្ថបទ៖ ​វិ​សិទ្ធ​

សូមចុចអាន៖ លោក ហែម គី​រី​៖ ​កីឡាករ​-​កីឡាការិនី​ហែល​ទឹក​ បន្ត​ហ្វឹកហាត់​ជាមួយ​គ្រូ​ ប្រសើរ​ជាង​ហាត់​តាម​ផ្ទះ​

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម