KPT+

នាយកប្រតិបត្តិ XPENG MOTORS ក្លាយជាសេដ្ឋីដោយសារតែផ្សារហ៊ុននៅ NEW YORK កើនឡើងប្រជែង ELON MUSK

បានផុស

៥ years មុន

នៅ

ថ្ងៃអង្គារ ២ មិថុនា ២០២០

ដោយ

នៅថ្ងៃទី ២៧ ខែសីហា ភាគហ៊ុននៃក្រុមសម្ព័ន្ធចិន Xpeng Motors ដែលជាដៃគូប្រកួតប្រជែងធំមួយជាមួយក្រុមហ៊ុន Tesla អាមេរិក បានកើនឡើង ៤១ ភាគរយនៅឯផ្សារហ៊ុន New York ។

ដោយមានការគាំទ្រពីក្រុមហ៊ុន Xiaomi និងក្រុមហ៊ុន Alibaba គ្រុប ក្រុមហ៊ុនផលិតរថយន្តអគ្គិសនីរបស់ចិន ត្រូវបានដឹកនាំដោយសហស្ថាបនិកប្រធាននិងនាយកប្រតិបត្តិលោក He Xiaopeng ដែលបានទទួលជោគជ័យក្នុងការចាប់ផ្ដើមដំបូងនៅក្នុងអាជីពរបស់លោក បន្ទាប់ពីសហស្ថាបនិកជនជាតិចិនម្នាក់នៃក្រុមហ៊ុនរុករកទូរស័ព្ទចល័ត។

បច្ចុប្បន្នលោកគឺជាបុរសម្នាក់ដែលមានជាងគេបំផុតនៅក្នុងឧស្សាហកម្មរថយន្តពិភពលោក ដោយកាន់កាប់ភាគហ៊ុនរបស់ Xpeng មានតម្លៃ ៤,២ ពាន់លានដុល្លារ ដោយផ្អែកលើតួលេខនៅក្នុងការរំពឹងទុករបស់ក្រុមហ៊ុន។

កើតនៅខេត្ត Hubei ក្នុងឆ្នាំ ១៩៧៧ លោកបានបញ្ចប់ការសិក្សាពីសាកលវិទ្យាល័យបច្ចេកវិទ្យាចិនខាងត្បូង ដោយមានបរិញ្ញាបត្រវិទ្យាសាស្ត្រកុំព្យូទ័រ ក្នុងឆ្នាំ ១៩៩៩ ។ លោកបានធ្វើការនៅក្រុមហ៊ុនសូហ្វវែរ AsiaInfo Tech រហូតដល់ឆ្នាំ ២០០៤ នៅពេលដែលលោកនិងលោក Liang Jie រួមគ្នាបង្កើតក្រុមហ៊ុន UCWeb ដែលឥឡូវនេះជាផ្នែកមួយនៃកម្មវិធីរុករកទូរស័ព្ទដ៏ពេញនិយមបំផុត នៅក្នុងប្រទេសចិននិងឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទទួលខុសត្រូវចំពោះយុទ្ធសាស្ត្រផលិតផលរបស់ក្រុមហ៊ុន និងស្រាវជ្រាវអភិវឌ្ឍន៍ ហើយនៅឆ្នាំ ២០១១ ក្រុមរបស់លោកបានបង្កើតបច្ចេកវិទ្យាដែលមានកម្មសិទ្ធិដំបូងសម្រាប់ឧស្សាហកម្មរុករកចល័តនៅចិន។ ក្រុមហ៊ុន UCWeb ត្រូវបានទិញយកដោយក្រុមហ៊ុនអ៊ីនធឺណិតយក្ស Alibaba ក្នុងតម្លៃ ៤,៣ ពាន់លានដុល្លារអាមេរិក ក្នុងមួយទសវត្សរ៍បន្ទាប់ពីការបើកដំណើរការរបស់ខ្លួន ដែលជំរុញឲ្យលោកមានឋានៈជាមហាសេដ្ឋី។ ចាប់ពីឆ្នាំ ២០១៤ រហូតដល់ខែ សីហាឆ្នាំ ២០១៧ លោកបានបម្រើការជានាយកប្រតិបត្តិជាន់ខ្ពស់នៃផ្នែកអាជីវកម្មទូរស័ព្ទចល័តAlibaba។

ក្នុងឆ្នាំ ២០១៤ លោកបានគាំទ្រលោក Henry Xia និងលោក He Tao ដែលមានជំនាញខ្ពស់ខាងបច្ចេកវិទ្យាយានយន្ត និងស្រាវជ្រាវអភិវឌ្ឍន៍ក្នុងការបង្កើតក្រុមហ៊ុន Xpeng Motors។ ក្រុមហ៊ុននេះទទួលបានការវិនិយោគដំបូងពីវិនិយោគិនចិននិងអន្តរជាតិ ដែលរួមមានក្រុមហ៊ុន Lei Jun (ស្ថាបនិកក្រុមហ៊ុន Xiaomi) ក្រុមហ៊ុន Alibaba ក្រុមហ៊ុន Foxconn និងក្រុមហ៊ុន IDG Capital ដើម្បីអភិវឌ្ឍបច្ចេកវិទ្យាបើកបរស្វ័យប្រវត្តិនិងការរៀនម៉ាស៊ីន។

នៅខែសីហាឆ្នាំ ២០១៧ លោកត្រូវបានតែងតាំងជាប្រធានពេញម៉ោងរបស់ក្រុមហ៊ុន Xpeng ។ នៅឆ្នាំបន្ទាប់ក្រុមហ៊ុន Xpeng Motors បានបញ្ចេញម៉ូដែលផលិតដំបូងរបស់ខ្លួន គឺ Xpeng G3 ខ្នាតតូចប្រភេទ SUV ដើម្បីទទួលបានការពិនិត្យវិជ្ជមាន។ ម៉ូដែលទី ២ របស់ក្រុមហ៊ុនគឺរថយន្តអគ្គិសនីទ្វារបួន P7 ដែលបានដាក់បញ្ចាំងនៅក្នុងកម្មវិធីពិព័រណ៍រថយន្តសៀងហៃឆ្នាំ ២០១៩ ។

ចាប់ពីខែកក្កដាដល់ខែសីហាឆ្នាំ ២០២០ ក្រុមហ៊ុន Xpeng បានរៃអង្គាសប្រាក់បានប្រមាណ ៩០០ លានដុល្លារអាមេរិកពីក្រុមវិនិយោគិនលេចធ្លោ រួមមានក្រុមហ៊ុន Hillhouse Capital Sequoia Capital ក្រុមហ៊ុន Alibaba អាជ្ញាធរវិនិយោគ Qatar និងមូលនិធិទ្រព្យសម្បត្តិអធិបតេយ្យរបស់ទីក្រុង Abu Dhabi ។

ចំណែកការបោះផ្សាយលក់មូលបត្រជាសាធារណៈលើកដំបូង (IPO) នៅផ្សារហ៊ុន New York ការធ្វើមូលធនប័ត្រទីផ្សាររបស់ក្រុមហ៊ុនដែលមានអាយុកាល ៦ ឆ្នាំ ឥឡូវមានជិត ១៥ ពាន់លានដុល្លារអាមេរិក។ ឈ្មោះរបស់លោកបានបង្ហាញក្នុងបញ្ជីឈ្មោះ Forbes អ្នកមាននៅចិន ពីតំណែងលេខ ៣៣១ នៅពេលដែលទ្រព្យសម្បត្តិសុទ្ធរបស់លោកមានចំនួន ១,១៧ ដុល្លារអាមេរិក៕

ប្រែសម្រួល៖ សាង ស្រីល័ក្ខ

ប្រភព៖scmp

ចុចអាន៖សិល្បៈគំនូរនិងការថតរូបដែលបង្ហាញពីអត្ថន័យនៃជនជាតិស្បែកខ្មៅ ដែលគួរតែដឹង

ចុចអាន៖រឿងរ៉ាវលាក់បាំង៨ យ៉ាងអំពីប្រធានាធិបតីកូរ៉េខាងជើងលោក គីមជុងអ៊ុន

Related Topics:មហាសេដ្ឋី