ព័ត៌មានជាតិ

អ្នកជំងឺកូវីដ-១៩ ចំនួន ២៤២នាក់ហើយ បានចូលសំរាកនិងព្យាបាលជំងឺ នៅវិទ្យាល័យជាស៊ីមសាមគ្គី ក្រោយពីការរៀបចំ រួចរាល់

បានផុស

៣ years មុន

នៅ

ថ្ងៃអាទិត្យ ១១ មេសា ២០២១

ដោយ

ភ្នំពេញ ៖ វិទ្យាល័យជាស៊ីមសាមគ្គី ស្ថិតនៅតាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោក ហើយត្រូវបានអាជ្ញាធររាជធានីភ្នំពេញសម្រេចរៀបឡើងជាកន្លែងសម្រាប់ព្យាបាលអ្នកជំងឺកូវីដ-១៩ នោះ បានរៀបចំសំអាតនិងបំពាក់សម្ភារៈ រួចរាល់ ហើយមកដល់ពេលនេះ មានអ្នកជំងឺកូវីដ-១៩ ចំនួន ២៤២នាក់ហើយ ដែលបានបញ្ជូនចូលនិងកំពុងសំរាកព្យាបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឯក ឃុនដឿន អភិបាលខណ្ឌទួលគោកបានឲ្យដឹងនៅវេលាថ្ងៃត្រង់ទី១១ មេសានេះថា ផែនការរៀបចំ វិទ្យាល័យជាស៊ីមសាមគ្គី ឲ្យទៅជាមណ្ឌលព្យាបាល ក្រុមការងារបានរួមគ្នាធ្វើដោយការយកចិត្តទុកដាក់ និងទទួលខុសត្រូវ តាមជំនាញរៀងៗខ្លួន ទាំងការសំអាត ការរៀបចំ ទឹកស្អាត រៀបចំបណ្តាញអគ្គិសនី បន្ទប់ទឹក ការបាញ់ថ្នាំសម្លាប់មេរោគ ប្រព័ន្ធកាមេរ៉ា និងកម្លាំងការពារ និងក្រុមគ្រូពេទ្យ យើងបានចាប់ប្រតិបត្តិការពីម៉ោង ៨ព្រឹក ដល់ម៉ោង ២១ និង៣០ នាទី ថ្ងៃ ៩ ខែមេសា ឆ្នាំ២០២១ សម្រាប់ ទទួលអ្នកជំងឺមកសំរាក បាន២៨០ កន្លែង នៅវិទ្យាល័យជាស៊ីមសាមគ្គី។