ព័ត៌មានជាតិ

បុរសម្នាក់ ត្រូវរថយន្តបុកពេញទំហឹងបណ្ដាលឲ្យស្លាប់ ខណៈដើរឆ្លងថ្នល់ នៅស្រុកជីក្រែង

បានផុស

៤ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

បុរសម្នាក់ដើរឆ្លងថ្នល់ ត្រូវរថយន្តមួយគ្រឿង បើកបរមកពីទិសខាងលិចមកកើត បានបុកចំពេញមួយទំហឹង បណ្ដាលឲ្យស្លាប់ភ្លាមៗនៅនឹងកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះថ្នាក់ចរាចរណ៍ ដែលបង្កដោយរថយន្តខាងលើ បានកើតឡើងនៅវេលាម៉ោង១៨និង៣៥នាទីកាលពីថ្ងៃទី០៩ ខែវិច្ឆិកា ឆ្នាំ២០២០ លើផ្លូវជាតិលេខ០៦ចំណុចភូមិពោធិ៍សិរី ឃុំកំពង់ក្តី ស្រុកជីក្រែង ខេត្តសៀមរាប។

លោកវរសេនីយ៍ ទោ គង់ អឿន ស្រុកជីក្រែង បានឲ្យដឹងថា រវាងរថយន្តម៉ាកសាំយ៉ុង ពណ៌សំបកឪឡឹក ពាក់ស្លាកលេខភ្នំពេញ ២AU៣៧៩៨ មានទិសដៅពីលិចទៅកើត បុកចំជនរងគ្រោះ ខណៈកំពុងដើរឆ្លងថ្នល់ ពីត្បូងទៅជើង បណ្តាលឲ្យស្លាប់តែម្ដង។ ជនរងគ្រោះមានឈ្មោះ សួង បញ្ញា ភេទប្រុស អាយុ៣១ឆ្នាំ មានទីលំនៅភូមិពោធិ៍សិរី ឃុំកំពង់ក្តី ស្រុកជីក្រែង ខេត្តសៀមរាប។ ចំណែកអ្នកបើកបររថយន្ត ក្រោយកើតហេតុ បានចុះរត់គេចខ្លួនបាត់បន្សល់ទុកតែរថយន្ត។

សមត្ថកិច្ចកំពុងស្រាវជ្រាវ រកអ្នកបើកបរយកមកអនុវត្តតាមផ្លូវច្បាប់។ សូមបញ្ជាក់ថា រថយន្តបង្កខាងលើ សមត្ថកិច្ចបានយកទៅរក្សាទុកនៅអធិការនគរបាល ស្រុកជីក្រែង ដើម្បីអនុវត្តតាមនីតិវិធី រីឯសពបានប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណីខ្មែរ។

អត្ថបទ៖ គឿនវេត

សូមចុចអាន៖ ឃាត់ខ្លួនក្រុមព្រានព្រៃ ប្រមាញ់សត្វប្រចៀវ ជិត៥០០ក្បាល

Related Topics:គ្រោះថ្នាក់ចរាចរណ៍