ស្លាប់៤៦៥នាក់ និងរបួស ១១៨៤នាក់ ក្នុងករណីគ្រោះថ្នាក់ចរាចរណ៍រយ:ពេល១០១ថ្ងៃ

តាមរបាយការណ៍របស់អគ្គស្នងការនគរបាលជាតិបានឲ្យដឹងថា រយៈពេល១០១ថ្ងៃ ដោយគិតចាប់ពីថ្ងៃទី០១ ខែមករា ដល់ថ្ងៃទី១១ ខែមេសា ឆ្នាំ២០២១នេះ មានករណីគ្រោះថ្នាក់ចរាចរណ៍កើតឡើងចំនួន៨២៧លើក ធ្វើឲ្យមនុស្សស្លាប់ចំនួន៤៦៥ នាក់ របួសចំនួន ១១៨៤នាក់ របួសធ្ងន់ចំនួន៧០០ នាក់ ។

លោកឧត្តមសេនីយ៏ឯក ឆាយ គឹមខឿន អ្នកនាំពាក្យអគ្គស្នងការនគរបាលជាតិបានឲ្យដឹងដែរថា រយៈពេល១០១ ថ្ងៃនេះដែរ មានយានយន្តល្មើសចំនួន ៧២៨៣២គ្រឿង ត្រូវបានពិនិត្យ និងពិន័យ ក្នុងនោះ ម៉ូតូចំនួន ៥៣២៣៦ គ្រឿង និងរថយន្តគ្រប់ប្រភេទចំនួន១៥៥៩៦ គ្រឿង ក្នុងនោះរថយន្តតូចចំនួន១៥៣៣១ គ្រឿង និងរថយន្តធំចំនួន ៤២៦៥ គ្រឿង។

សម្រាប់ថ្ងៃអាទិត្យ ទី១១ ខែមេសា ឆ្នាំ២០២១ នេះ មានករណីគ្រោះថ្នាក់ចរាចរណ៍ចំនួន០៥ លើក ក្នុងនោះស្លាប់ចំនួន០២ នាក់ របួសចំនួន០៧ នាក់ ក្នុងនោះរបួសធ្ងន់ចំនួន០៣ នាក់ ដែលករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានី ខេត្ត ចំនួន០៥។ លោកឧត្តមសេនីយ៏ឯក ឆាយ គឹមខឿន បានឲ្យដឹងទៀតថា សម្រាប់ថ្ងៃទី១១ ខែមេសា នេះដែរ នគរបាលចរាចរណ៏ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន២៥៨ គ្រឿង ក្នុងនោះមានម៉ូតូចំនួន ១៦៨ គ្រឿង និងរថយន្តគ្រប់ប្រភេទចំនួន៩០ គ្រឿង។

ក្នុងចំណោមម៉ូតូល្មើសទាំង១៦៨ គ្រឿងនោះ បើកបរដោយអត់មួកសុវត្ថិភាពចំនួន១៦០ នាក់, បើកបរល្មើសសញ្ញាចំនួន០៣ គ្រឿង, បើកបរដោយអត់ស្លាកលេខចំនួន០៤ គ្រឿង និងបើកបរប្រើទូរស័ព្ទចំនួន០១ នាក់។ ចំណែករថយន្តទាំង៩០ គ្រឿងនោះ មានរថយន្តតូចចំនួន៤៧ គ្រឿង និងរថយន្តធំចំនួន៤៣ គ្រឿង ហើយក្នុងចំណោមយានយន្តទាំងនោះ មានល្មើសល្បឿនចំនួន០២ គ្រឿង, អត់មានប័ណ្ណបើកបរចំនួន១០ នាក់, ល្មើសញ្ញាចំនួន០៧  គ្រឿង, បត់ជែង០១ គ្រឿង, បើកបរអត់ដាក់ខ្សែក្រវ៉ាត់ចំនួន៣៩ នាក់,  លើស ចំណុះចំនួន០៧ គ្រឿង, ស្រវឹង០១ នាក់, អត់ស្លាកលេខចំនួន ០៧ គ្រឿង និងបើកបរប្រើទូរសព្ទចំនួន០៧នាក់, ឆៀក ០៥ នាក់ និងអាជីវកម្ម០៤ គ្រឿង៕

អត្ថបទ៖កោះកែវ