ម៉ូតូ២គ្រឿងបុកគ្នាចំម៉ោងសែនទទួលទេវតា ខ្មែរ-ថៃ២នាក់ស្លាប់ នៅនិងកន្លែង

ហេតុការណ៍គ្រោះថ្នាក់ចរាចរណ៍រវាងម៉ូតូ ២ គ្រឿងបុកគ្នា បណ្តាលឱ្យស្លាប់ទាំងពីរនាក់ នៅវេលាម៉ោង ៤ ទៀបភ្លឺថ្ងៃទី ១៤ ខែមេសា ឆ្នាំ ២០២១ នៅនៅផ្លូវលំក្រាលបេតុង ត្រង់ចំណុចកាស៊ីណូផ្កាយ៥ ក្នុងភូមិក្បាលស្ពាន១សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

នគរបាលក្រុងប៉ោយប៉ែតបានឱ្យដឹងថា នៅពេលកើតហេតុនោះមានម៉ូតូ២គ្រឿងជិះក្នុងទិសដៅផ្ទុយគ្នា បើកល្បឿនយ៉ាងលឿដោយ មិនប្រកាន់ស្តាំរេចង្កូតទៅបុកគ្នាពេញទំហឹងបណ្តាលឲ្យស្លាប់នៅនិងកន្លែងទាំង២។

បុរសជនជាតិថៃដែលជាជនបង្ក និងស្លាប់បាត់បង់ជីវិតមានឈ្មោះ ណាត់ តាផុង អាយុ២៦ឆ្នាំ ជាបុគ្គលិកបម្រើការងារនៅកាស៊ីណូហូលីដេផាលេស។ ចំណែកជនជាតិខ្មែរមានឈ្មោះ ស៊ីថា ហៅខ្លូ ប្រុស អាយុជាង៤០ឆ្នាំជនជាតិខ្មែរ រស់នៅផ្ទះជួលនៅចំណុចអាគារដើមស្រល់ ក្នុងភូមិសាមគ្គីមានជយ័ សង្កាត់ប៉ោយប៉ែត ក្រុងប៉ោយប៉ែត។

សមត្ថកិច្ចនិងអ្នកឃើញហេតុការណ៍បាននិយាយថាមូលហេតុនៃគ្រោះថ្នាក់នេះអ្នកបើកលឿន មិនប្រកាន់ស្តាំ សពទាំង​២សមត្ថកិច្ចយកមករក្សាទុកនៅក្នុងមន្ទីរពេទ្យបង្អែកក្រុងប៉ោយប៉ែតដីថ្មីដើម្បីរងចាំគ្រួសារ​​ទទួលយកទៅធ្វើបុណ្យនៅគេដ្ឋានរៀងៗខ្លួន៕

អត្ថបទ៖ វ៉ាន់ ណាង