ត្រឹម​ម៉ោង​ជាង ១១ យប់មិញ​នេះ រកឃើញ​​អ្នក​ឆ្លង​ថ្មី​ជាង ៣០០ នាក់​ទៀត

ប្រមុខ​រដ្ឋាភិបាល​បាន​ប្រកាស​មាន​អ្នក​ឆ្លង​ថ្មី​ជាង ៣០០ នាក់​ទៀត គិត​ត្រឹម​ម៉ោង​ជាង ១១ យប់​មិញ​នេះ។

សម្តេច​តេជោហ៊ុន សែន​បាន​បង្ហាញ​ក្តី​ព្រួយបារម្ភ​ពី​ស្ថានភាព​​គួរ​ឲ្យ​ខ្លាច​នេះ ខណៈមាន​​អ្នក​ជំងឺ​មួយ​ចំនួនមិន​ទាន់​មាន​កន្លែង​សម្រាក​ព្យាបាល​នៅ​ឡើយ​។

សម្តេចតេជោ ហ៊ុន សែន បានអង្វរប្រជាពលរដ្ឋ​ទូទាំង​ប្រទេស​ត្រូវ​រួម​គ្នា​នៅ​ពេលនេះ ដើម្បីយកឈ្នះលើព្រឹត្តិការណ៍សហគមន៍២០កុម្ភៈ ដែលជាព្រឹត្តិការណ៍ដ៏គ្រោះថ្នាក់សម្រាប់កម្ពុជា។

សម្តេចតេជោ​ថ្លែង​ដោយ​ក្តីព្រួយ​បាម្ភ​ថា ព្រឹត្តិការណ៍សហគមន៍២០កុម្ភៈ កំពុងស្ថិតលើមាត់ជ្រោះមរណៈ បើមិនរួមគ្នាជម្នះទេនោះ នឹងឈានទៅរកមរណៈមិនខាន។

រាជរដ្ឋាភិបាលបាន​សម្រេចជា​ផ្លូវការ​បិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល រយៈពេល១៤ថ្ងៃ ចាប់ពីវេលាម៉ោង ០០៖០០នាទីឈានចូលថ្ងៃទី១៥ ដល់ថ្ងៃទី២៨ ខែមេសា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជម្ងឺកូវីដ១៩៕