បន្ទាន់! ខេត្តកំពង់ចាម ប្រកាស​រក​ឃើញ​អ្នក​វិជ្ជមាន​កូ​វីដ​-១៩ ថ្មី​២នាក់​

កំពង់ចាម​ ៖ នៅថ្ងៃទី១៦ ខែមេសា ឆ្នាំ២០២១នេះ រដ្ឋបាល​ខេត្ត​កំពង់​ចាម​ បាន​ប្រកាស​រក​ឃើញ​អ្នក​វិជ្ជមាន​កូវីដ១៩ថ្មី ចំនួន២នាក់ ដោយ​ទី១ជា​ បុរស​ជនជាតិខ្មែរ អាយុ ៣២​ឆ្នាំ រស់នៅ​ភូមិ​ទ្រា ឃុំ​ស្វាយ​ពោធិ៍ ស្រុក​ស្រី​សន្ធរ មុខរបរ​កម្មករ​សំណង់ និង​ទី២ជា​ស្ត្រីជន​ជាតិខ្មែរ អាយុ ២៦​ឆ្នាំ រស់នៅ​ភូមិ​ថ្នល់​បែក​កើត ឃុំ​ស្វាយទាប ស្រុក​ចំការលើ ខេត្តកំពង់ចាម មុខ​របរ​កម្មការិនី​រោងចក្រ​។

រដ្ឋបាល​ខេត្ត​កំពង់​ចាម​ កំពុង​ស្វែង​រក​អ្នក​ជាប់​ពាក់ព័ន្ធ ដោយ​ផ្ទាល់​ ឬ ប្រយោល​ជាមួយ​អ្នក​វិជ្ជមាន​កូវីដ១៩ទាំង២នាក់​ខាងលើនេះ និង​សូម​អំពាវនាវ​ឲ្យ​អ្នកជាប់ពាក់ព័ន្ធ ទៅពិនិត្យ​សុខភាព និង​យក​សំណាក​នៅ​មន្ទីរពេទ្យ​បង្អែក​ដែល​ស្ថិត​នៅ​ជិតផ្ទះ​ ឬ រាយការណ៍​ជូន​អាជ្ញាធរ​មូលដ្ឋាន​ជាបន្ទាន់។

ពិស្តារ ៖

កែសម្រួលដោយ ៖ នាគព័ន្ធ