អាជីវករផ្សារអូរឫស្សីជាង៤០០​នាក់​​ហើយ បានឆ្លងជំងឺកូវីដ១៩

យោងតាមអនុគណៈកម្មការស្រាវជ្រាវនិងតាមដានបុគ្គលសង្ស័យកូវីដ១៩បានឲ្យដឹងថាគិតចាប់ពីថ្ងៃទី២៩ ខែមីនា ឆ្នាំ​២០២១ ដល់ថ្ងៃទី ១៨ មេសា ឆ្នាំ២០២១មានអាជីវករផ្សារអូរឫស្សីសរុបចំនួន ៤១៣ នាក់ ត្រូវបានរកឃើញ វិជ្ជមាន មេរោគកូវីដ-១៩ ។

ចំណែក ផ្សារដើមវិញគិតត្រឹមថ្ងៃទី១៨មេសានេះដែរមានអាជីវករសរុបចំនួន ៨៨ នាក់ត្រូវបានរកឃើញ  វិជ្ជមាន មេរោគកូវីដ-១៩ ។

គួរបញ្ជាក់ថាថ្ងៃនេះក្រសួងសុខាភិបាលបានប្រកាសរកឃើញអ្នកឆ្លងថ្មីចំនួន ៦១៨នាក់ទៀតជាព្រឹត្តិការណ៍សហគមន៍ទាំង ៦១៨នាក់និងជាសះស្បើយ ៦០នាក់។ក្នុងនោះនៅភ្នំពេញចំនួន៤៩៣នាក់ ព្រះសីហនុចំនួន៧៥នាក់ កណ្ដាល ៣១នាក់ ស្វាយរៀង ៨នាក់  ព្រៃវែង ៥នាក់ កំពង់ស្ពឺ៣នាក់ តាកែវ ២នាក់ កំពង់ចាម ១នាក់។

គិតត្រឹមព្រឹក ថ្ងៃទី១៨ ខែមេសា ឆ្នាំ២០២១ 🇰🇭អ្នកឆ្លងសរុបចំនួន ៦៣៨៩ នាក់អ្នកជាសះស្បើយចំនួន២៤៧៦ នាក់ អ្នកកំពុងព្យាបាលចំនួន៣៨៦៥ នាក់និងអ្នកស្លាប់ចំនួន៤៣ នាក់៕

សំអឿន