មក​ដឹងលទ្ធផល​អាជីវករ​ជិត​ ៤០០​នាក់ នៅផ្សារបណ្តោះអាសន្ន​កីឡដ្ឋាន​​​ ក្រុង​តាខ្មៅ​តេស្តកូវីដ១៩

អាជីវករលក់ដូរ ៣៩៨នាក់ នៅផ្សារបណ្តោះអាសន្នកីឡដ្ឋាន ក្រុងតាខ្មៅ ក្រោយពីយកសំណាក ធ្វើតេស្តរកមេរោគកូវិដ១៩ លទ្ធផលគឺអវិជ្ជមានទាំងអស់។នេះបើតាម​ទំព័រហ្វេសបុក​​ផ្លូវការ​រដ្ឋបាល​ខេត្តកណ្តាល​។

អាជីវករទាំងអស់​បានធ្វើតេស្ត តាមរយៈឧបករណ៍RAPID TEST ដែលបង្ហាញភ្លាមៗ នូវលទ្ធផល វិជ្ជមានឬអវិជ្ជមានក្នុងអំឡុងវង្វង់១០ឬ១៥នាទីប៉ុណ្ណោះ។

គួរបញ្ជាក់ថា៖ ការប្រមូល យកបងប្អូន អាជីវករលក់ដូរ ៣៩៨នាក់ យកសំណាកធ្វើតេស្ត រកមេរោគកូវិដ-១៩ នាពេលនេះបន្ទាប់ពីក្រុមគ្រូពេទ្យបានរកឃើញ បងប្អូនចំនួន១១នាក់ ពិនិត្យឃើញថា បានឡើងកំដៅ លើសពី៣៧អង្សាសេ។ក្រោយពីធ្វើតេស្តបងប្អូនរួចហើយ ប្រាកដថាអវិជ្ជមានកូវីដ-១៩ អាជ្ញាធរក្រុងតាខ្មៅ និងប្រគល់លិខិតបញ្ជាក់អំពីសុខភាពជូនភ្លាម នៅកន្លែងយកសំណាកនេះតែម្តងនិងត្រូវអនុញាត្តអោយចូលលក់នៅក្នុងផ្សារនេះជាប្រក្រតីឡើងវិញ៕