មកដឹងពីទីតាំងក្រសួងពាណិជ្ជកម្ម​ដាក់លក់ទំនិញ​នៅតំបន់​ក្រហម

ក្រសួងពាណិជ្ជកម្ម បាន​ជម្រាបជូនប្រជាពលរដ្ឋ​ដែលរស់នៅតំបន់​ក្រហម​​ថា នៅថ្ងៃទី២១ ខែមេសា នេះ មានរថយន្តចំនួន៦​គ្រឿង បានចេញដំណើរទៅដល់តំបន់ក្រហមហើយ និងកំពុងរៀបចំស្តង់សម្រាប់លក់ជូនប្រជាពលរដ្ឋនៅតំបន់ក្រហមចំនួន៦ទីតាំង។

ទីតាំងលក់ក្នុងតំបន់ក្រហម​ទាំងប្រាំមួយកន្លែងរួមមាន ទី១ នៅជាប់តេលាម៉ាត និងចូលតាមច្រកស្ថានីយ៍ប្រេងសាំង PTT ផ្លូវស្ទឹងមានជ័យ (ចន្លោះផ្សារស្ទឹងមានជ័យចាស់ និងផ្សារស្ទឹងមានជ័យថ្មី) ទី២ ច្រមុះជ្រូកស្ទឹងមានជ័យ ទល់មុខប៉េអឹម ទី៣ ផ្សារត្រពាំងថ្លឹង ទី៤ ផ្សារឯករាជ្យ ទី៥ ទល់មុខក្រុមហ៊ុនហុងដា និងទី៦ នៅផ្ទះឡ លើផ្លូវវ៉េងស្រេង។

​ទំនាក់ទំនងលេខទូរស័ព្ទ៖ ទី១ 010248701 (ចំណាប់) ទី២ 017251724 (សុខ នាង) ទី៣ 078450550 (ភា រុណ) ទី៤ 093 937877 (ណែត ម៉ូនីកា) ទី. 077 74 41 11 (កៅ ស៊ីថា) និងទី៦ 012 93 40 88 (សែស សុធី)។

បើតាមក្រសួងពាណិជ្ជកម្ម​ ​បរិមាណទំនិញ​លើ​ឡាន​មាន​គ្រប់​គ្រាន់​សំរាប់ការផ្គត់ផ្គង់លក់ក្នុងនោះមានទំនិញ​ដូចជា អង្ករ ទឹកត្រី ទឹកស៊ីអីវ ត្រីខកំប៉ុង និងមី។ ប្រជាពលរដ្ឋអាចទាក់ទងតាមអាជ្ញាធរមូលដ្ឋាន ពិសេសក្រុមល្បាត ប្រជាកាពារ ដែលនៅជិតៗផ្ទះ ដើម្បីសុំឱ្យជួយសម្រសម្រួលការទិញ និងជញ្ជូនដាក់ដល់ផ្ទះ៕

អត្ថបទ​៖ កោះកែវ