KPT+

វិធី ៥ យ៉ាងដើម្បីគ្រប់គ្រងសុខភាពផ្លូវចិត្តក្នុងពេលបច្ចុប្បន្នកាន់តែប្រសើរ

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

សង្គមបច្ចុប្បន្ននេះកំពុងតែមានជំងឺរាតត្បាតជាសកល បើទោះបីជាជំងឺនេះមានសភាពធូរស្រាលនៅផ្នែកខ្លះក្ដី តែស្ថានភាពនៅតែមិនទាន់ល្អប្រសើរដូចពីមុនឡើយ។

ដូច្នេះប្រការសំខាន់គួរតែថែរក្សាខ្លួនឯងឲ្យបានល្អ និងជៀសវាងធ្វើទម្លាប់ណាដែលធ្វើឲ្យសុខភាពផ្លូវចិត្តកាន់តែទ្រុឌទ្រោមបន្ថែមទៀត។

១. សម្រាកឲ្យបានច្រើនទោះរវល់យ៉ាងណា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើឃើញថាភ្នែករបស់យើងចូលចិត្តផ្ដោតអារម្មណ៍លើអេក្រង់កុំព្យូទ័រជាង នេះជាពេលមួយដែលគួរតែឲ្យរាងកាយនិងភ្នែកបានសម្រាកហើយ។ បើមិនសម្រាក យើងអាចនឹងមានបញ្ហាដោយការឈឺក្បាលប្រកាំង មកពីចាំងភ្នែកពីអេក្រង់ទាំងនោះ។

ការប្រើថ្នាំបំបាត់ការឈឺក្បាល មិនអាចជួយដល់ផលិតភាពនិងសុខភាពផ្លូវចិត្តបានទេ។ ព្រោះរោគទាំងនោះបណ្ដាលមកពីយើងកំពុងតែទទួលរងពី photophobia (ភាពប្រែប្រួលនៃពន្លឺ) ។

២. កុំចំណាយពេលច្រើនពេកលើប្រព័ន្ធផ្សព្វផ្សាយសង្គម

មានចលនាសង្គមជាច្រើនបានរីករាលដាលយ៉ាងឆាប់រហ័ស នៅលើបណ្ដាញ ដូចជាការផ្ទុះឡើងភ្លាមៗនៃអំពើហិង្សា កំហឹង និងការឈ្លោះប្រកែកដៀមដាមគ្នាទៅវិញទៅមក។ នេះជារឿងសំខាន់ដើម្បីរក្សាខ្លួនយើងឲ្យបានល្អ និងទទួលបានការជូនដំណឹងពីបញ្ហាបច្ចុប្បន្ន។ ចំណែកការចំណាយពេលវេលាច្រើនពេកចំពោះរឿងនោះ គឺជារូបភាពរំខានអាចប៉ះពាល់ដល់សុខភាពផ្លូវចិត្តរបស់យើង។

៣. និយាយជាមួយមិត្តភ័ក្ដិនិងក្រុមគ្រួសារបើមានការថប់បារម្ភដោយគ្មានហេតុផល

ចងចាំជានិច្ចថា យើងមានមនុស្សនៅជុំវិញដែលមានឆន្ទៈស្ដាប់រឿងរបស់យើង។ នេះមិនមែនជាពេលវេលាដែលត្រូវបិទខ្លួនឯងពីជំនួយទេ។ ចំណាយពេលច្រើននៅផ្ទះជាមួយមនុស្សដែលយើងស្រឡាញ់ ហើយនោះជាឯកសិទ្ធិរួចទៅហើយ។

៤. ពិគ្រោះជាមួយអ្នកផ្ដល់យោបល់ ឬគ្រូពេទ្យចិត្តសាស្ត្រ

ស្វែងរកជំនួយពីអ្នកជំនាញនៅពេលដែលមានរឿងលំបាក។ ការដែលយើងរួញរា ខ្មាសអៀន គឺមិនអាចជួយដោះស្រាយនូវអារម្មណ៍មិនស្រួលចិត្តនោះបានឡើយ។

៥. ផ្ដោតអារម្មណ៍ដោយចំណាយពេលខ្លះលើចំណូលចិត្ត

ការចំណាយពេលនិងកម្លាំងច្រើនពេកលើការងារដែលយើងស្រឡាញ់ អាចនាំឱ្យយើងស្អប់ការងារនោះដោយមិនដឹងខ្លួន។ យើងនឹងចាប់ផ្ដើមផ្សារភ្ជាប់ជាមួយភាពតានតឹង និងមិនសប្បាយចិត្តជាមួយរឿងខ្លះ។

ផ្ទុយទៅវិញចំណាយពេលខ្លះទៅលើអ្វីដែលយើងគិតថា យើងចូលចិត្តធ្វើនៅក្រៅការងារ។ យើងក៏អាចអានរឿងប្រលោមលោក ដេរប៉ាក់ ដុតនំ ធ្វើម្ហូបឬជិះកង់ជាដើម៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីតន្ត្រី ត្រូវទុកថាជាឱសថព្យាបាលមនុស្សបាក់ទឹកចិត្តបាន

ចុចអាន៖វិធីការពារអារម្មណ៍ខ្លួនឯង នៅពេលមានគេបំពានទឹកចិត្តមាក់ងាយមកលើយើង

Related Topics:ការថែទាំសុខភាព