ព័ត៌មានអន្ដរជាតិ
បេក្ខជនឈរឈ្មោះ៣នាក់ស្លាប់ដោយកូវីដ ខណៈឥណ្ឌាកំពុងឃោសនាបោះឆ្នោត
ប្រទេសឥណ្ឌាបានកំពុងធ្វើយុទ្ធនាការណ៍សោសនាបោះឆ្នោតជ្រើសរើសសភាតំណាងរាស្ត្រ ដែលស្ទើររាល់ថ្ងៃថ្នាក់ដឹកនាំទាំងមកពីរដ្ឋាភិបាល និងគណបក្សនានាបានជួបជុំមនុស្សច្រើនរាប់ពាន់នៅកំឡុងពេលដែលកូវីដ-១៩បានកំពុងរាតត្បាតប្រទេសមួយនេះឈានដល់ដំណាក់កាលអាក្រក់បំផុត។
ការជួបជុំរវាងថ្នាក់ដឹកនាំ និងអ្នកគាំទ្ររាប់ពាន់នាក់ត្រូវបានគេមើលឃើញថា ភាគច្រើនបំផុតមិនបានពាក់ម៉ាស់ការពារខ្លួន និងស្ថិតនៅឃ្លាតឆ្ងាយពីគ្នាឡើយ។
នៅពេលការរាតត្បតមិនធ្លាប់មាននៃវីរុសដែលត្រូវបានគេដឹងថា វីរុសបំប្លែងថ្មីបានលេចឡើងនៅប្រទេសឥណ្ឌា រដ្ឋាភិបាលរបស់លោកនាយករដ្ឋមន្ត្រី Modi ត្រូវបានចោទប្រកាន់ពីបរាជ័យនៃភាពដឹកនាំរបស់លោកដែលធូរលុង ដោយធ្វើតាមឥរិយាបថរបស់ថ្នាក់ដឹកនាំតាមរដ្ឋ និងមូលដ្ឋានពីគ្រប់ផ្នែកទាំងអស់ និងសូម្បីតែមន្ត្រីសុខាភិបាលទូទាំងប្រទេសក៏ធ្វេសប្រហែស។
ការប្រឹងប្រែងដើម្បីសំឡេងឆ្នោតដោយភ្លេចគិតរឿងវិធានការការពារខ្លួន កូវីដ-១៩ឆ្លងមិនស្គាល់អ្នកតូច អ្នកធំ ឬមានក្រឡើយ។
តាមការផ្សាយរបស់សារព័ត៌មានក្នុងស្រុក Indiatimes កាលពីថ្ងៃទី១៦ ខែមេសា កន្លងទៅនេះថា បេក្ខជនឈរឈ្មោះបោះឆ្នោតជ្រើសរើសសមាជិកសភារបស់ប្រទេសឥណ្ឌាបានស្លាប់ដោយកូវីដ-១៩។
បេក្ខជនឈរឈ្មោះតំណាងរាស្ត្រមកពីទីក្រុង Murshidabad នៅក្នុងរដ្ឋ Benggal លោក Rezaul Haque alias Mantu Biswas អាយុ៤៦ឆ្នាំបានស្លាប់ដោយកូវីដ-១៩ កាលពីថ្ងៃព្រហស្បតិ៍ ទី១៦ ខែមេសា។
មួយថ្ងៃបន្ទាប់នៅក្នុងរដ្ឋនេះដដែល បេក្ខជនមកពីទីក្រុង Sanjukta Morcha លោក Pradip Kumar Nandi អាយុ៦៩ឆ្នាំរបស់គណបក្ស RSP បានស្លាប់ដោយកូវីដ-១៩ នៅថ្ងៃទី១៦ ខែមេសា។
បើតាមការផ្សាយរបស់ theguardian បានឲ្យដឹងថា រហូតដល់ពេលនេះមានបេក្ខជនឈរឈ្មោះឆ្នោត៣នាក់ហើយបានស្លាប់ដោយសារកូវីដ-១៩ ប៉ុន្តែមិនបានបង្ហាញលំអិតពីបេក្ខជនម្នាក់ទៀតទេ។ យ៉ាងណា ជនរងគ្រោះដែលបាត់បង់ជីវិតម្នាក់ៗមិនត្រូវបានបង្ហាញព័ត៌មានលំអិតទេ ដូច្នេះអាចនឹងមបេក្ខជនឈរឈ្មោះ និងមន្ត្រីផ្សេងៗទៀត។
សម្រាប់ការផ្សាយទិន្នន័យផ្ទាល់របស់សារព័ត៌មាន Indianexpress នៅព្រឹកថ្ងៃព្រហស្បតិ៍ ទី២២ ខែមេសាថា លោក A K Walia ដែលជាអតីតរដ្ឋមន្ត្រីប្រចាំទីក្រុងដេលីក៏បានស្លាបដោយកូវីដ-១៩ដែរ៕
ប្រែសម្រួល៖ វីរបុត្រ
-
សន្តិសុខសង្គម៦ ថ្ងៃ ago
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម១ សប្តាហ៍ ago
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ១ ថ្ងៃ ago
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៥ ថ្ងៃ ago
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៦ ថ្ងៃ ago
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ១ សប្តាហ៍ ago
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
សន្តិសុខសង្គម១ សប្តាហ៍ ago
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
-
ព័ត៌មានអន្ដរជាតិ២ ថ្ងៃ ago
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់