កម្លាំងកងរាជអាវុធហត្ថឃាត់ខ្លួនជនសង្ស័យ២នាក់ ពីបទ ក្លែងបន្លំឯកសណ្ឋានសាធារណៈ

ខេត្តបាត់ដំបង៖ កម្លាំងកងរាជអាវុធហត្ថឃាត់ខ្លួនជនសង្ស័យ០២នាក់ ពីបទ ប្រើប្រាស់ដោយខុសច្បាប់ នូវសំលៀកបំពាក់ជាអាទិ៍ សម្រាប់អាជ្ញាធរសាធារណៈ និងក្លែងបន្លំឯកសណ្ឋានជាសាធារណៈ នៅភូមិស្តៅ ឃុំបាយដំរាំ ស្រុកបាណន់ ខេត្តបាត់ដំបង នារសៀលថ្ងៃទី២១ ខែមេសា ឆ្នាំ២០២១។

ជនសង្ស័យទាំង២រូបនោះមាន ទី១ ឈ្មោះ រស់ វណ្ណៈ ភេទប្រុស អាយុ៣៣ឆ្នាំ មុខរបរមិនពិតប្រាកដ រស់នៅភូមិតាងួន សង្កាត់ការកាប ខណ្ឌពោធិ៍សែនជ័យ រាជធានីភ្នំពេញ ដោយប្រើប្រាស់ឯកសណ្ឋានយោធា។ ទី២ ឈ្មោះ រៃ វណ្ណសី ភេទប្រុស អាយុ៤០ ឆ្នាំ មុខរបរបើកបរ ទីលំនៅភូមិវាល សង្កាត់គោកចក ក្រុងសៀមរាប ខេត្តសៀមរាប។​

សមត្ថកិច្ចបានដកហូតវត្ថុតាងរួមមាន ១. អាវត្រីអ៊ី (កាងារដៃខ្លី) ចំនួន០១ ២. សក្តិស្មាថ្នាក់ឧត្តមសេនីយ៍ឯក ចំនួន០១គូ ៣. សក្តិកអាវថ្នាក់ឧត្តមសេនីយ៍ឯក ចំនួន០១គូ ៤. ផ្លាកឈ្មោះមានអក្សរ ឧ. រស់ វណ្ណៈ ចំនួន០១ ៥. គ្រឿងឥស្សរយយស (មេដាយ) ចំនួន០១ផ្ទាំង ៦. ស្លាកសញ្ញាដែកក្រសួងការពាជាតិ ចំនួន០១ ៧. បណ្តោងដែក ហនុមាន ចំនួន០១ ៨. ស្បែកជើងកវែង ចំនួន០១គូ ៩. ខ្សែសាន់ណារ៉ុង ចំនួន០១ ១០. មួកប៉ារ៉េ ពណ៌ខ្មៅ ចំនួន០១ ១១. មួកថ្នាក់ឧត្តមសេនីយ៍ ចំនួន០១ ១២. ព្រះរាជក្រឹត្សត្រាស់បង្គាប់តែងតាំងថ្នាក់ឧត្តមសេនីយ៍ឯក ក្លែងក្លាយ ចំនួន០១សន្លឹក ១៣. ទូរស័ព្ទដៃ ចំនួន ០២គ្រឿង និង១៤. រថយន្ត ០១គ្រឿង។

បច្ចុប្បន្នជនសង្ស័យ និងវត្ថុតាងកំពុងឃាត់ខ្លួននៅការិល័យជំនាញ ដើម្បីកសាងសំណុំរឿងបញ្ចូនទៅតុលាការយោធាតាមនិតិវិធី៕

អត្ថបទ៖ Savuth