ព័ត៌មានជាតិ

អ្នកជំងឺកូវីដជាង២ពាន់នាក់ទៀត នៅមិនទាន់មានកន្លែងព្យាបាលនៅឡើយទេ

បានផុស

៤ years មុន

នៅ

ថ្ងៃសុក្រ ២៣ មេសា ២០២១

ដោយ

យោងតាមសេចក្តីប្រកាសព័ត៌មានរបស់ក្រសួងសុខាភិបាលចេញផ្សាយថ្ងៃនេះ ឲ្យដឹងថា អ្នកជំងឺកូវីដ១៩ចំនួន២១១៦នាក់ទៀត នៅមិនទាន់មានទីកន្លែងព្យាបាលនៅឡើយទេ ក្នុងនោះមានអ្នកជំងឺនៅរាជធានីភ្នំពេញរកឃើញនៅថ្ងៃនេះ ចំនួន៥២២នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការខ្វះខាតទីកន្លែងសម្រាកព្យាបាលនេះ ដោយសារតែរយៈពេលប៉ុន្មានថ្ងៃនេះ មានអ្នកឆ្លងជំងឺកូវីដ១៩ថ្មី មានការកើនឡើងជាបន្តបន្ទាប់ ដោយមានថ្ងៃខ្លះមានឆ្លងរហូតដល់ទៅជិត៧០០នាក់ក៏មាន។ ជាក់ស្តែងថ្ងៃទី២៣មេសានេះ មានអ្នកឆ្លងថ្មីចំនួនចំនួន៦៥៥នាក់ទៀត ក្នុងនោះករណីឆ្លងសហគមន៍ ៦៥៤ នាក់និងអ្នកដំណើរពីបរទេស ០១ នាក់និងជាសះស្បើយ ២២៤នាក់។ ក្នុងចំណោមករណីឆ្លងសហគមន៍ ៦៥៤ នាក់នោះនៅភ្នំពេញ ចំនួន៥២២នាក់ ព្រះសីហនុ១១៣នាក់ កណ្ដាល៥ តាកែវ ៥នាក់កំពង់ចាម៣នាក់កែប ៣នាក់ មណ្ឌលគិរី១នាក់ ត្បូងឃ្មុំ១នាក់និងកំពង់ស្ពឺ១នាក់។

គិតត្រឹមព្រឹក ថ្ងៃទី២៣ ខែមេសា ឆ្នាំ២០២១ មានអ្នកឆ្លងកូវីដ១៩សរុបចំនួន៨៨៤៨ នាក់អ្នកជាសះស្បើយចំនួន៣១៤៨ នាក់អ្នកកំពុងព្យាបាលចំនួន៥៦៣៣ នាក់និងអ្នកស្លាប់ចំនួន៥៩នាក់៕

អត្ថបទ៖ សំអឿន

សូមចុចអាន៖ អាជ្ញាធរបិទផ្សារច្បារអំពៅ និងផ្សារបន្លែ ឱ្យអាជីវករ ពលរដ្ឋដែលធ្លាប់ទៅផ្សារថ្ងៃ២២ ទៅយកសំណាក បើមានអាការៈ ក្តៅ ក្អក ហត់

Related Topics:កូវីដ-១៩