ព័ត៌មានអន្ដរជាតិ

ឥណ្ឌាឆ្លងកូវីដ-១៩បំបែកកំណត់ត្រាទៀតហើយ ៣ថ្ងៃចុងក្រោយនេះជិត១លាននាក់

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

សម្រាប់រយៈពេល៣ថ្ងៃចុងក្រោយនេះ ករណីឆ្លងកូវីដ-១៩នៅប្រទេសឥណ្ឌាសរុបដល់ជិត១លាននាក់ ខណៈប្រព័ន្ធសុខាភិបាលប្រទេសមួយនេះកំពុងដុនដាបខ្លាំងដោយសារលិចលង់ដោយអ្នកជំងឺច្រើនលើសលប់ពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃសៅរ៍នេះ ក្រសួងសុខាភិបាលឥណ្ឌាបាននិយាយថា ករណីឆ្លងកូវីដ-១៩ថ្មីមាន ចំនួន ៣៤៦ ៧៨៦នាក់ ដែលជាកំណត់ត្រាឆ្លងប្រចាំថ្ងៃច្រើនបំផុតជាង៣សែននាក់ក្នុងរយៈពេល៣ថ្ងៃជាប់គ្នា។ ចំណែក ករណីស្លាប់មាន ចំនួន២៦២៤នាក់ ក្នុងរយៈពេល២៤ម៉ោងចុងក្រោយ។

កាលពីថ្ងៃសុក្រ ទី២៣ ខែមេសា ករណីឆ្លងកូវីដ-១៩ថ្មីនៅប្រទេសឥណ្ឌាក្នុងរយៈពេល២៤ម៉ោងមាន ចំនួន ៣៣២ ៧៣០ នាក់ ដែលបំបែកកំណត់ត្រាចាស់របស់ខ្លួនកាលពីថ្ងៃព្រហស្បតិ៍។

កាលពីថ្ងៃព្រហស្បតិ៍ ទី២២ ខែមេសានេះ ប្រទេសឥណ្ឌាបមានករណីឆ្លងកូវីដ-១៩ថ្មី ចំនួន ៣១៤ ៨៣៥នាក់ ក្នុងរយៈពេលត្រឹមតែ២៤ម៉ោងដែលចំនួនបានបំបែកកំណត់ត្រាឆ្លងច្រើនបំផុតក្នុងមួយថ្ងៃនៅសហរដ្ឋអាមេរិកដែលមាន ចំនួន ២៩៧ ៤៣០នាក់ កាលពីខែមករា។

បើសរុបអ្នកឆ្លងកូវីដ-១៩ត្រឹមរយៈពេល៣ថ្ងៃចុងក្រោយនេះមានចំនួន ៩៩៤ ៣៥១នាក់។

រហូតដល់ពេលនេះ ប្រទេសឥណ្ឌាមានករណីឆ្លងសរុបឡើងដល់១៦.៦លាននាក់ ខណៈអ្នកស្លាប់សរុបឡើងដល់ ១៨៩ ៥៤៤នាក់៕

ប្រែសម្រួល៖ វីរបុត្រ
ប្រភព៖ reuters