ព័ត៌មានជាតិ

រដ្ឋបាលសាលាខេត្តកំពង់ចាម កំពុងបន្តពង្រីកអគារសម្រាប់ធ្វើចត្តាឡីស័កបន្ថែមទៀត

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

កំពង់ចាម ៖ រដ្ឋបាលសាលាខេត្តកំពង់ចាម បានពង្រីកអគារសម្រាប់ធ្វើចត្តាឡីស័កបន្ថែមទៀត នៅក្នុងមណ្ឌលចត្តាឡីស័កគរុកោសល្យភូមិភាគខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរដ្ឋបាលសាលាខេត្តកំពង់ចាមបានឲ្យដឹងថា មណ្ឌលគរុកោសល្យភូមិភាគខេត្តពេលនេះអ្នកដែលកំពុងធ្វើចត្តាឡីស័កកំពុងមានការកើនឡើង និងពេញបន្ទប់ទៀត។ ដូច្នោះ ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានជំរុញដល់ក្រុមការងារគ្រប់គ្រង់នៅមណ្ឌលចត្តាឡីស័កបន្តរៀបចំកន្លែងបន្ថែម និងពង្រីងទីតាំងនៅតាមបណ្តាលស្រុក សម្រាប់លើអ្នកដែលសង្ស័យឬប៉ះពាល់ជាមួយអ្នកមានវិជ្ជមានកូវីដ១៩។

សូមបញ្ជាក់ផងដែរ គិតត្រឹមថ្ងៃទី២៤ ខែមេសានេះ អ្នកដែលកំពុងធ្វើចត្តាឡីស័កនៅមណ្ឌលគរុកោសល្យភូមិភាគ សរុបប្រមាណជិត៨០០នាក់ ទាំងក្នុងអគារទាំង២ និងតាមបណ្តាលស្រុកមួយចំនួនទៀត។

អាជ្ញាធរខេត្តកំពង់ចាម នៅបន្តផ្សព្វផ្សាយ ណែនាំដល់បងប្អូនប្រជាពលរដ្ឋ បង្កើនការប្រុងប្រយ័ត្ន និងគោរពតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៣ការពារ និង ៣កុំ ដើម្បីទប់ស្កាត់នូវការរីករាលដាលជំងឺកូវីដ-១៩ និងរួមគ្នាបញ្ចប់ព្រឹត្តិការណ៍ សហគមន៍ ២០-កុម្ភៈ នៅកម្ពុជា៕

ដោយ ៖ ហុង ម៉េងហៀ