ព័ត៌មានជាតិ

ជនជាតិថៃ៧នាក់ មកស្រុកខ្មែរអត់ច្បាប់ បម្រុងឆ្លងដែនទៅប្រទេសថៃវិញ ត្រូវកម្លាំងសមត្ថកិច្ចចម្រុះឃាត់ខ្លួន

បានផុស

៤ years មុន

នៅ

ថ្ងៃអង្គារ ២៧ មេសា ២០២១

ដោយ

ជនជាតិថៃចំនួន៧នាក់មកស្រុកខ្មែរគ្មានឯកសារគ្រប់គ្រាន់ហើយ បម្រុងលួចឆ្លងដែនទៅប្រទេសថៃវិញ ត្រូវបានកម្លាំងសមត្ថកិច្ចចម្រុះឈរជើងតាមខ្សែបន្ទាត់ព្រំកម្ពុជា ថៃ ឃាត់ខ្លួន នៅវេលាម៉ោង៧ព្រឹក កាលពីថ្ងៃទី២៦ ខែមេសា ឆ្នាំ ២០២១ នៅចំណុចនិយាមការlN១៩៦០ .០២១២៧០១.១៤៩៩៣៣២ ស្ថិតក្នុងភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំលាំងចម្រុះបានឲ្យដឹងថា កាលពីព្រឹកថ្ងៃទី២៦នោះ កម្លាំងចម្រុះក្នុងនោះមាន កម្លាំងនគរបាលប៉ុស្ដិ៍សង្កែ បានសហការជាមួយកម្លាំងនគរបាលប៉ុស្តិ៍រដ្ឋបាលបឹងបេង កម្លាំងផ្នែកយោធាសឹករងខេត្តបន្ទាយមានជ័យ និងកម្លាំងយោធាវរ ៥១១ ចុះប្រតិបត្តិការទប់ស្កាត់បានជនជាតិថៃចំនួន៧នាក់ ក្នុងនោះមានស្រី២នាក់ បម្រុងលួចឆ្លងដែនទៅប្រទេសថៃវិញ។

កម្លាំងចម្រុះ បានឲ្យដឹងបន្តទៀតថា ជនជាតិថៃទាំង៧នាក់ក្រោយ ពីសមត្ថកិច្ចសួរនាំពួកគាត់បានប្រាប់ឲ្យដឹងថា ពួកគាត់មកពីខេត្តឈៀងរ៉ាយប្រទេសថៃ មកស្នាក់នៅក្រុងប៉ោយប៉ែតរយៈពេល១សប្តាហ៍ហើយ ដើម្បីធ្វើការងារបន្ទាប់មកត្រឡប់ទៅប្រទេសថៃវិញ ក៏ត្រូវសមត្ថកិច្ចឃាត់ខ្លួនតែម្តង។ បន្ទាប់ពីធ្វើការសាកសួរកម្លាំងសមត្ថកិច្ចចម្រុះបានប្រគល់ពួកគាត់ជូនផ្នែកជំនាញនៃអធិការដ្ឋានស្រុកម៉ាឡៃដើម្បីបន្តនីតិវិធី៕

អត្ថបទ៖ វ៉ាន់ ណាង

សូមចុចអាន៖ ឃាត់ខ្លួនមនុស្ស១៤នាក់ ជួបជុំផឹកស៊ី និងលេងល្បែងស៊ីសង បំពានវិធានការណ៍បិទខ្ទប់