ព័ត៌មានជាតិ

ស្អែកនេះ យន្តហោះដឹកវ៉ាក់សាំង ៤០ ម៉ឺនដូសទៀត នឹងមកដល់ប្រទេសកម្ពុជា

បានផុស

៤ years មុន

នៅ

ថ្ងៃអង្គារ ២៧ មេសា ២០២១

ដោយ

វ៉ាក់សាំងស៊ីណូហ្វាមចំនួន ៤០ម៉ឺនដូសទៀត នឹងដឹកមកដល់កម្ពុជានៅថ្ងៃទី២៨ ខែមេសា ឆ្នាំ២០២១ ស្អែកនេះ។ នេះបើតាមការបង្ហោះរបស់អនុគណៈកម្មការស្រាវជ្រាវកូវីដ១៩។

កម្ពុជាកំពុងជួបរលកវាយប្រហារមេរោគកូវីដ ១៩ ខណៈរដ្ឋាភិបាលបន្តជំរុញយុទ្ធនាការចាក់វា៉ក់សាំងដល់ប្រជាពលរដ្ឋ ដើម្បីកាត់បន្ថយអត្រាឆ្លងនិងការរងគ្រោះធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាទទួលបានវ៉ាក់សាំងជាង ៣លានដូសរួចមកហើយ តាមរយៈជំនួយនិងការបញ្ជាទិញក្នុងនោះមាន វ៉ាក់សាំងស៊ីណូហ្វាមដែលជាជំនួយរបស់រដ្ឋាភិបាលចិនចំនួន ១.៣លានដូស វ៉ាក់សាំងស៊ីណូវ៉ាក់ដែលទិញពីចិនចំនួន ១.៥លានដូស និងវ៉ាក់សាំងអាស្ត្រាហ្សេនីកាចំនួន ៣២៤,០០០ដូស ជាជំនួយពីគម្រោងខូវ៉ាក់ តាមរយៈអង្គការសុខភាពពិភពលោក។

កាលពីថ្ងៃទី១៧ ខែមេសា ឆ្នាំ២០២១នេះ កម្ពុជាបានទទួលវ៉ាក់សាំងស៊ីណូវ៉ាក់បន្ថែមចំនួន ៥០ម៉ឺនដូសទៀត ដែលបញ្ជាទិញពីរដ្ឋាភិបាលចិន។

បើតាមរបាយការណ៍របស់ក្រសួងសុខាភិបាល គិតត្រឹមល្ងាចថ្ងៃទី២៦ ខែមេសា កម្ពុជាបានចាក់វ៉ាក់សាំងដល់ប្រជាពលរដ្ឋបានចំនួនជាង ១ ២៩៥ ៩៧៣ នាក់៕

Related Topics:កូវីដ-១៩