កូវីដ-១៩

ដល់ដំណាក់កាលហើយ! ប្រជាជនឥណ្ឌាចេញលុយខ្លួនឯងទិញអុកស៊ីសែនជួយហេដ្ឋារចនាសម្ព័ន្ធសុខាភិបាល

បានផុស

៣ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

ខណៈពេលទីក្រុងជាច្រើននៅទូទាំងប្រទេសឥណ្ឌាកំពុងតែជួបវិបត្តិរលកទីពីរនៃជំងឺរាតត្បាត និងធ្វើឲ្យអ្នកជំងឺដែលមានសភាពធ្ងន់ធ្ងរពិបាកដកដង្ហើម ដែលបណ្ដាលមកពីកង្វះអុកស៊ីសែន ដូច្នេះហើយទើបពលរដ្ឋជាច្រើននាំគ្នាបរិច្ចាគជាប្រាក់ដើម្បីទិញអុកស៊ីសែនឬព្យាយាមបំពេញចន្លោះខ្វះខាតនៃហេដ្ឋារចនាសម្ព័ន្ធសុខភាពដ៏ពិបាកមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលបានបរិច្ចាគមុនគេគឺលោក Champalal Gurjar ជាកសិករនៅទីក្រុង Neemuch រដ្ឋ Madhya Pradesh ។ តាមសេចក្ដីរាយការណ៍គាត់បានបរិច្ចាគប្រាក់ចំនួន ២ លានរូពី (២៦៩៥ដុល្លារ) ជាចំនួនទឹកប្រាក់ដែលគាត់សន្សំសម្រាប់អាពាហ៍ពិពាហ៍កូនស្រីរបស់គាត់ ដល់អាជ្ញាធរសម្រាប់ទិញបំពង់អុកស៊ីសែន។

លោក Gurjar ត្រូវបានគេដកស្រង់សំដីដោយនិយាយថា ” ដើម្បីធ្វើឲ្យថ្ងៃអាពាហ៍ពិពាហ៍កូនស្រីខ្ញុំមិនអាចបំភ្លេចបាន ខ្ញុំបានបរិច្ចាគប្រាក់ចំនួន២លានរូពី (២៦៩៥ដុល្លារ) ដល់រដ្ឋបាលស្រុក ដែលមានតម្រូវការអុកស៊ីសែនយ៉ាងខ្លាំង សម្រាប់ព្យាបាលការកើនឡើងនៃជំងឺកូវីដ១៩” ។

បំពង់អុកស៊ីសែនខ្លះត្រូវបានគេទិញសម្រាប់មន្ទីរពេទ្យស្រុក និងមួយផ្សេងទៀតសម្រាប់តំបន់ Gurjar ដែលជាទីប្រជុំជននៅក្នុង The Tribune ។

ដោយឃើញមានបុរសកសិករបរិច្ចាគ ប្រជាជនគ្រប់គ្នាក៏បានរួបរួមនឹងមូលនិធិនេះ ដោយអ្នកខ្លះបរិច្ចាគប្រាក់តាមអ៊ីនធឺណិត ខ្លះទិញអុកស៊ីសែនខ្លួនឯងប្រគល់ជូនរដ្ឋបាលស្រុកតែម្ដង ។ ចំណែកបុរសម្នាក់ឈ្មោះ Shahnawaz Shaikh ដែលឥឡូវនេះត្រូវបានគេឲ្យឈ្មោះថា“ បុរសអុកស៊ីសែននៃទីក្រុង Mumbai” បានលក់រថយន្តរបស់គាត់តម្លៃ ២២ លានរូពី (៥៤៣,២១ដុល្លារ) ដើម្បីផ្ដល់អុកស៊ីសែនឥតគិតថ្លៃដល់អ្នកដែលត្រូវការនៅជុំវិញទីក្រុង។