កូវីដ-១៩

ករណីឆ្លងថ្មីថ្ងៃនេះឥណ្ឌាជាប់កំណត់ត្រាទៀត សរុបអ្នកឆ្លងជាង១៨លាននាក់ហើយ

បានផុស

៤ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

នៅប្រទេសឥណ្ឌា ករណីឆ្លងកូវីដ-១៩ថ្មីគិតត្រឹម២៤ម៉ោងចុងក្រោយ និងចេញទិន្នន័យនៅថ្ងៃត្រង់ ថ្ងៃព្រហស្បតិ៍ ទី២៩ ខែមេសានេះ បានជាប់កំណត់ត្រាទៀតហើយទាំងករណីឆ្លងថ្មី និងករណីស្លាប់ថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យក្រសួងសុខាភិបាលឥណ្ឌាបានបង្ហាញថា ចំនួនអ្នកឆ្លងថ្មីមាន ៣៧៩ ២៥៧ នាក់ ដែលបានធ្វើឲ្យករណីឆ្លងសរុបកើនឡើងដល់ជាង១៨.៣៨លាននាក់។

ដោយឡែកករណីស្លាប់ថ្មីមានចំនួន ៣ ៦៤៥នាក់ ក្នុងរយៈពេល២៤ម៉ោងចុងក្រោយដែលធ្វើឲ្យតួលេខអ្នកស្លាប់សរុបមានចំនួន ២០៤ ៨៣២ នាក់។

បើសរុបជាសកលវិញ យោងតាមរបាយការណ៍របស់សាកលវិទ្យាល័យ Johns Hopkins University បង្ហាញថា សម្រាប់ករណីឆ្លងសរុបទូទាំងពិភពលោករហូតដល់ពេលនេះជិត ១៥០លាននាក់ ខណៈឆ្លងថ្មីប្រចាំថ្ងៃ៨០ម៉ឺននាក់ក្នុងមួយថ្ងៃ។

ចំណែកអ្នកស្លាប់ជាសកលវិញ សរុបជាង៣.១៥លាននាក់ ក្នុងនោះអ្នកស្លាប់ច្រើនជាងគេសហរដ្ឋអាមេរិកដែលមានចំនួនជាង៥៧ម៉ឺននាក់ និងប្រេស៊ីលលេខ២ដែលមានអ្នកស្លាប់៣៩៨ពាន់នាក់៕