បណ្តេញជនជាតិចិនម្នាក់ចេញ​ពីកម្ពុជារៀងរហូតផ្គើនបម្រាម មិនអនុវត្តកាតព្វកិច្ចពាក់ម៉ាស

អភិបាលខេត្តព្រះសីហនុ លោក គួច ចំរើន នៅថ្ងៃទី ២៩ ខែមេសានេះ បានបញ្ជាឱ្យកម្លាំង​សមត្ថកិច្ចរៀបចំនីតិ​វិធីស្នើសុំ​បណ្តេញ​ជនជាតិចិនម្នាក់ចេញពីប្រទេសកម្ពុជា និងមិនអនុញ្ញាត​ឱ្យចូលទឹកដីនៃព្រះ​រាជាណា​ចក្រកម្ពុជាជារៀងរហូត។

ការបញ្ជារបស់លោកអភិបាលខេត្ត បានកើតឡើង បន្ទាប់ពីជនជាតិចិនរូបនេះ ផ្គើននឹងបម្រាម​ណែនាំ​របស់អាជ្ញាធរ និងមិនអនុវត្តកាតព្វកិច្ចពាក់ម៉ាស។

រដ្ឋបាលខេត្តព្រះសីហនុកាលពីសប្តាហ៍មុន បានប្រកាសផ្អាកអាជីវកម្ម និងការចេញចូលក្នុងភូមិចំណោតរាម ឃុំបិតត្រាំង ស្រុកព្រៃនប់ បន្ទាប់ពីរកឃើញករណីឆ្លងរាប់រយនាក់ ជាបន្តបន្ទាប់។ នៅថ្ងៃទី ២៨ ខែមេសា ខេត្តព្រះសីហនុ រកឃើញករណីឆ្លងថ្មីចំនួន ១៨៧ នាក់ ដែលមាន ជាង១០០ ករណី ផ្ទុះចេញពីតំបន់រស្មីមង្គល៕

អត្ថបទ៖ ស៊ុយ ចាន់ធា