ព័ត៌មានអន្ដរជាតិ

ប្រធានាធិបតី ចូ បៃដិន បង្ហាញចក្ខុវិស័យសម្រាប់អាមេរិកធ្វើដំណើរជាថ្មី

បានផុស

៤ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

លោកប្រធានាធិបតីសហរដ្ឋអាមេរិក ចូ បៃដិន បានលើកឡើងថា «អាមេរិកស្ថិតក្នុងការធ្វើដំណើរជាថ្មី»ពេលលោកបានថ្លែងសុន្ទរកថាលើកដំបូងទៅកាន់សភា និងបានបង្ហាញកញ្ចប់ថវិកាចំនួន១.៨ទ្រីលានដុល្លារអាមេរិកសម្រាប់ក្រុមគ្រួសារ និងការអប់រំ ព្រមទាំងបាន«គូសប្លង់មេពណ៌ខៀវ»ដើម្បីកសាងអាមេរិកជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អមពីក្រោយស្ត្រីពីរនាក់ឈរពីក្រោយ មានអនុប្រធានាធិបតី លោកស្រី កាមាឡា ហារីស និងសភាតំណាងរាស្ត្រលោកស្រី ណាន់ស៊ី ពេឡូស៊ី ដែលជាលើកដំបូងក្នុងប្រវត្តិសាស្ត្រអាមេរិក លោក ចូ បៃដិន បានថ្លែងសុន្ទរកថាក្នុងរយៈពេល១០០ថ្ងៃដំបូងនៃការឡើងកាន់តំណែងប្រធានាធិបតីរបស់លោក ស្របពេលដែលប្រទេសកំពុងបន្តប្រយុទ្ធនឹងកូវីដ-១៩។

លោកមានប្រសាសន៍ថា ៖«វាមានរយៈពេល១០០ថ្ងៃហើយចាប់តាំងពីខ្ញុំឡើងកាន់តំណែង ដកដៃខ្ញុំចេញពីគម្ពឺគ្រួសារយើង និងទទួលជាតិមួយដែលស្ថិតក្នុងវិបត្តិ»។

លោក ចូ បៃដិន ថា ៖«វាជាជំងឺឆ្លងរាតត្បាតដ៏អាក្រក់ក្នុងមួយសតវត្សរ៍។ វាជាវិបត្តិសេដ្ឋកិច្ចអាក្រក់បំផុតចាប់តាំងពីមហាវិបត្តិសេដ្ឋកិច្ចមក។ ការវាយប្រហារដ៏ធ្ងន់ធ្ងរបំផុតលើលទ្ធិប្រជាធិបតេយ្យរបស់យើងចាប់តាំងពីសង្គ្រាមស៊ីវិល»។

«ឥឡូវនេះ បន្ទាប់ពី១០០ថ្ងៃ ខ្ញុំអាចរាយការណ៍ជូនជាតិៈ អាមេរិកត្រូវធ្វើដំណើរម្តងទៀត។ បង្វែគ្រោះទៅជាលាភ។ ឱកាសក្នុងវិបត្តិ។ ធ្វើសាថ្មីជាកម្លាំង»។

លោក ចូ បៃដិន ថ្លែងសុន្ទរកថាលើកដំបូងទៅកាន់សភា

បណ្តាលមកពីវិធានការគម្លាតសង្គម មនុស្សតែ២០០នាក់ប៉ុណ្ណោះ ដែលសុទ្ធតែអ្នកនយោបាយបានចូលរួមក្នុងសម័យប្រជុំសភាដែលតាមធម្មតាមានភ្ញៀវ១៦០០នាក់។ លោក ចន រ៉ូប៊ើត ប្រធានតុលាការកំពូលជាសមាជិកម្នាក់គត់មកពីតុលាការកំពូលដែលមានវត្តមានក្នុងសម័យប្រជុំនេះ។

សុន្ទរកថាបានផ្តោតលើផែនការសេដ្ឋកិច្ចដ៏មហិច្ឆតារបស់រដ្ឋបាលប្រធានាធិបតី ប៉ុន្តែត្រូវរួមគ្នាជាមួយនឹងគោលនយោបាយការបរទេស និងកិច្ចខិតខំប្រឹងប្រែងដើម្បីប្រយុទ្ធនឹងវិបត្តិអាកាសធាតុ ក៏ដូចជាគោលនយោបាយក្នុងស្រុកជាច្រើន រាប់ចាប់តាំងពីប្រព័ន្ធសុខាភិបាលរហូតដល់កំណែទម្រង់ប៉ូលិស ការឈប់សម្រាករបស់គ្រួសារដែលបានប្រាក់ឈ្នួលសម្រាប់កុមារ ការគ្រប់គ្រងអាវុធរហូតដល់សន្តិសុខព្រំដែន។

សំឡេងមានសុទិដ្ឋិនៅពេលលោក ចូ បៃដិន បានជំរុញឲ្យពលរដ្ឋអាមេរិកបន្តទទួលយកការចាក់វ៉ាក់សាំងការពារកូវីដ-១៩ និងសន្យាថា រដ្ឋបាលរបស់លោកនឹងអនុវត្តការផ្លាស់ប្តូរទូលំទូលាយដែលអាចនឹងបង្កើតការងារ ពង្រីកសុវត្ថិភាពសង្គម និងធ្វើទំនើបកម្មប្រទេសជាតិ។

លោក ចូ បៃដិន ទទួលបានការស្វាគមន៍ពីស្ត្រីឈរពីក្រោយ

ផែនការគ្រួសារអាមេរិកដែលមានកញ្ចប់ថវិកា១.៨ទ្រីលានដុល្លារ លោក បៃដិន បានគូសបញ្ជាក់នៅថ្ងៃពុធថា គឺជាផ្នែកទី២នៃកំណែទម្រង់ដ៏មហិច្ឆតារបស់រដ្ឋបាលលោកលើ ហេដ្ឋារចនាសម្ព័ន្ធក្នុងស្រុក វិស័យអប់រំ សេវាថែទាំកុមារ និងវិស័យផ្សេងៗទៀត។ ផ្នែកទី១គឺ«ផែនការការងារពលរដ្ឋអាមេរិក»ផ្តោតលើការកែលម្អហេដ្ឋារចនាសម្ព័ន្ធប្រទេសជាតិ និងលើកកម្ពស់សេដ្ឋកិច្ច។

លោកប្រធានាធិបតី ចូ បៃដិន លើកឡើងថា ៖«គិតមើល៍ វាគ្មានហេតុផលណាដែលស្លាបទូរប៊ីនខ្យល់មិនអាចត្រូវបានបង្កើតនៅ Pittsbburgh ជំនួសឲ្យទីក្រុងប៉េកាំង។ មិនមានហេតុផលណាដែលពលករអាមេរិកមិនអាចដឹកនាំពិភពលោកក្នុងការផលិតរថយន្តអគ្គីសនី និងរថយន្តប្រើអាគុយ។ ផែនការការងារអាមេរិកនឹងបង្កើតការងាររាប់លានដែលមានចំណូលខ្ពស់ ការងារអាមេរិកអាចចិញ្ចឹមគ្រួសារបាន»។

លោកបន្តថា ៖«ផែនការការងារអាមេរិកគឺជាប្លង់មេពណ៌ខៀវដើម្បីកសាងអាមេរិក។ ហើយវាទទួលស្គាល់នូវអ្វីដែលខ្ញុំតែងតែនិយាយនៅសាលនេះ និងកន្លែងផ្សេងទៀត។ មានបុរស និងស្ត្រីល្អនៅ Wall Street ប៉ុន្តែមិនបានកសាងប្រទេសនេះទេ។ ពលរដ្ឋវណ្ណៈកណ្តាលកសាងប្រទេសនេះ ហើយសហភាពកសាងពលរដ្ឋវណ្ណៈកណ្តាល»។

លោកប្រធានាធិបតីវ័យ៧៨ឆ្នាំរូបនេះបានលើកឡើងពីប្រធានបទដែលលោកបានផ្តោតពេញមួយទសវត្សរ៍របស់លោកក្នុងការងារសាធារណៈ។ លោក បៃដិន ដែលតែងហៅខ្លួនលោកជាមិត្តរបស់ពលរដ្ឋអាមេរិកវណ្ណៈកម្មករ បានជំរុញឲ្យសភាអនុម័តច្បាប់គាំទ្រ (Pro Act )ដើម្បីពង្រឹងការការពារសហជីព និងនិយាយថា សមាជិកសភាគួរអនុម័តច្បាប់ដើម្បីតម្លើងប្រាក់ឈ្នួលជាអតិបរមា៕

ប្រែសម្រួល៖ វីរបុត្រ
ប្រភព៖ theguardian